Efésios 5:2 - Bíblia

² Xye chinikantshi ptowru wiwejinri htowuta. Hichinikanuwyehkakanu. Hixa hichinikanuwkakleyehixyawaka pixka rixa Cristo, renejyanawa rupniywaka hixa tshinanu renekachaxnatkawa henekachaluru rixnatkawa hatewa phamluhalo phamluro pixka potuko hixatshritkani Hoyakalu hetanuya hiyrun-koxa henekachaluru hiylatkaluru Hoyakalu hikchikhihlenutanru potuko.

Efésios 5:2 ပူးပေါင်းရင်းမြစ်များ

Gênesis 8:21

Waneya Tsru Hixikatshriwa Hoyakalu hamluphatlu kihlephaholu waneya wane htshinnawa: — Hi nsaletanutnaklu tshiji yine tshinanu klu tshinanu yine hektuwaka tsonu ruchinikna hmatureyakawa hyinuwaka haté xawakni. Hi koxa napnokatanutnaklu ptowru hiwekatshri, hanu nixa hapnokatletanna mitshikawlunni.

Mateus 20:28

Waneko pixka rixa Jeji Whene. Jeji Whene hi hina repixikowakapa, seyni runa repixyawakapna yine, riwejinri renejyawakapa, hixolune yine majnákonu hwenuxyawakapa.

João 13:34

Nowhenene mtserunhi herotu towrexikolu nunkakanhi. Waleni hamotkajyawaka. Namotjekanaxyawakatkahi pixka, waneko pixka hix-koxa hamotkajyawaka.

João 6:51

Pão hiwekkaklewatatshri, tenhohne hichpajikatshri, hitni. Hiyrun-koxa yineru wale nikatshri pejnu hiwekanu hike rixiniko mnikawnakatupni. Xye pão xye tshijne hiwekle neneklerupa, waleni nohitu.

Romanos 15:16

Cristo Jesus towrerno judeu mixkane nepixyawaka. Sacerdote kamrure pixka nixa hiyáhoni nkamrurni Hoyakalu pirana, kihle piranalu potuko hiwekkaklewatatshri pirana nunkaklexyawaka nkamhajeta. Wane nixa judeu mixkane henekachalune rumukata hixlexyawakapna Hoyakalu hikchikhihlenreru potukatlewatatshri Hoyakalu Hiwejikaluruya.

Romanos 4:25

Jesus, hixa hektunu tshinanu renekka rupniywaka seyni riwekkaka wuhleyehitka Hoyakaluya.

Romanos 8:3

Moisés yonreru hi kmixkonu klu tshinanu hektuntshi hihrokahchinikankaklewatatshri himaletlewata. Seyni Hoyakalu hituruko hyokanatatka yineru hektuntshi hwaleru pixka rixyawakapa hektuntshi hkamnixyawakapa hiyáhoni ruylatlu hektuntshi yineru mane hwatshri.

Romanos 8:37

Seyni xyekaka yohnik-hiknohatshinwu wamotjeru tshinanu.

1 Coríntios 16:14

Ptowru potuko hkamhini, hichinikkakanu.

1 Coríntios 5:7

Hiyáhoni hixa hijhalu hiknojyawaklu kchitshponkaklewakleru mitshikawluru. Waleni hektuntshi. Wan-hixinpatka powraphi psoluyako. Waneyakni herotujpa chitshponatshri myapjetkone pixkalunpatkahi. Wan-hixatshinetkahi xawakni. Klu tshinanu ralpokotka poyikowlu hohne, Páscoa hohne, klu tshinanu Cristo carneiro whene pixkalutni ruylatka hixa kachrijru.

2 Coríntios 2:14

Seyni nimalwutlu Hoyakalu Cristo-ymalunwu wixyawaka tshinanu kayatatshine rixkakjexyawakwu ptowru hohneruka tshinanu. Hiyrun-koxa Cristo himatyehixikolu pirana kihlephalu pixkalutni wan-rixkaklu hixaya ptowru sretako hyakaklu.

2 Coríntios 2:15

Klu tshinanu Hoyakalu renekanwu Cristo hatatjewa kihlepha hixatshinwu hiwekkakkalune yehiya hiyrun-koxa hamhatshine yehiya.

2 Coríntios 8:9

Klu tshinanu hixa himatpiranatlu Wutsrukate Jesus Cristo hihlenu henekachalewle pirana. Phurukananni Cristo seyni hixa tshinanu hike mwikatutkani, hike hmimwalnutka pohirewkakatkahi hixa.

Gálatas 1:4

Cristo henejnawa rupniywaka wektunu tshinanu. Wan-rixa Cristo riwekkajyawakwu xye hektutu hohneya, Hoyakalu, Wuru halujyawaka tshinanu.

Gálatas 2:20

Seyni niweka wanepnawaka. Seyni halikaka hiwekatshri hi hitni seyni Cristo, hita nanwaka hiwejikatshrini. Xawakni xye niwekle Hoyakalu whene halixikolu tshinanu niweka. Walekni namotjeru hiyrunu renejnawana hita tshinanu.

Efésios 1:4

Wan-rixa Hoyakalu. Xye tshiji hmuyakotkanuklunuwa hnuretlu Cristo himwatshinepwu wixyawaka. Hnuretna, yine potukalune rixyawakapna hike mixkanepni Hoyakalu yhaleya, klu tshinanu ruchinikwu Hoyakalu.

Efésios 3:17

Nanjitkoxlu hixa halixle tshinanu, Cristo himukata hwahajretanhi. Hiyrun-koxa nanjitlu ruchiniklewle hmixkoxyawakaphi hiyrun-koxa hpoyehiwkajyawakaphi,

Efésios 3:19

Hiyáhoni nanjitlu himaxyawaklu Cristo hichiniklewle, hixa wihchinikanu pnuterut-potni wale, Hoyakalu himukata tsepotlexyawakaplu hiwejikaluru wiwekleya psol-potuko.

Efésios 4:15

Hi wan-hixahchinikanutanu seyni halikaka pirana wunkakletanu wekhixyawakapna wamotlene. Hiyáhoni wujhanru wtseruwna halixlexyawaka ptowru piranako Cristo tshinanuya. Cristo honukla jiwtshi. Walekni Cristo halixatshine hapatjetatshine kosekatshri.

Efésios 4:2

Ptowruko hi halixkoxinwa, mayohonephi, hwachatanu xako. Hichinikkakanu hekhikakanu hixkakluko. Hiyáhoni hixkakluko hepixkakanu.

Efésios 5:15

Hiyáhoni xakoka. Hislahpotuxinwa hanu hixa hiwekletanu. Hi mimatjemkane pixka hixa hiwekletanu seyni jimatkalurune pixka hixa hiwekletanu.

Efésios 5:25

Hixa jejinhi hamotanna hhanunrone, Cristo pixka. Cristo hichinikna hapatjetatshine Cristo halixatshine. Hiyáhoni renejnawa rupniywaka wanna kachrijru.

Filipenses 4:18

Ptowru potuko waneyno xawakni haté rixeta. Hike nmahaxya klu tshinanu Epafrodito tshinkaluru hanijyano hixa yokanatanru. Hixa henekachale henekachlu pixkalutni, kihlephalu phamluhalo pixkalutni, Hoyakalu hikchikhihlenutlu, poyahnutkalurni Hoyakaluya.

Colossenses 3:14

Waneya xyekaka pnute hyokakanru pimrine hichinijyawaka. Klu tshinanu hichiniklewlu ptowruka hpoyahokaka.

1 Tessalonicenses 4:9

Cristo tshinanu moletkakatshine hichinikkajyawaka pirana tshinanu himka nujhalu nyonyehixyawakhi. Klu tshinanu hixako hasrukakanatka Hoyakaluya hichinikajyawaka hixkakluko.

1 Timóteo 2:6

Renejnawa ptowrunek-yine hektunu pixkonu hiyrun-koxa hipuktshi pixkonu hkochpajyawakwu. Rimaxikowaka Hoyakalu haluklu ptowru yineru hiwejyawakamkapa, hipapkolu potuko renekka Cristo.

1 Timóteo 4:12

Hi pitshitanna yine reyijyawakyina makluji pixyawaka tshinanu. Seyni Cristo halixatshine tshinanu pyimakko tokantshi pyanumaxinri tshinanu, pixjexyawaka tshinanu, hichiniklewluya pyimakko, halixlewluya pyimakko, powralu pixjexyawaka pyimakko.

Tito 2:14

Renejnawa hixa repixyawakapa. Wan-rixa hkochpajyawakapwu ptowru jikolukanuruya ruhlexyawakapwu waleko rayinetene wixyawakapa, jmererunepwu kihleru kamhalu tshinanupa.

Hebreus 8:3

Klu tshinanu ptowru tsru sacerdote hitakka henekachalkaka hiyrunu niktshi hiylatkalurkaka renekjexyawaka. Hiyáhoni hijhakalurni xye W-sacerdote-te Tsru Potuko himukatatshri rixyawaka henekachalu pirana tshinan-koxa.

Hebreus 9:14

Hiyáhoni wane pnut-potu himukatatshrini Cristo hraha. Cristo honukla Hoyakalu Hiwejikaluru hike rixiniko mnikawnakatupa himukatleyma, walenuko renejnawa Hoyakalu yehiya henekachlu hi psojikna mahaxikatshrini, hixa hchinikanu hpowraxyawakapa hike mkochpakkatu kamrurtshiya, Hoyakalu hiwekatshri wkamrurewyehixyawakapa.

Hebreus 9:23

Xyekaka yihapkakletlu tenhohne hwatshrikaka halikakalutu, hiyáhoni rujhatkalu wan-rixikowaka hpowraxikowakatka. Seyni tenhohne Hoyakalu yehi hwatshrikaka potu haluklu hiylatkaluru wale yohnik-himukatatshrini.

Hebreus 9:26

Klu tshinanu wane pixka rixkamkatka waneyamka xye tshijne yinuwajinikananuko haté xawaknimkatshi wan-rixa salewakatanutshi hixo kata. Seyni xawakni Cristo hiphujewnatka xye rapkatle hohne sreta, hektuntshi ruknojyawakapa waleko rupnale himukatle tshinanu, henekachalu hiylatkaluru rixnawakwa.

1 Pedro 4:8

Seyni halikaka xye ptowruka yohnik-hijhakalurni hichinikajyawaka. Klu tshinanu hichiniklewlu hixo hektuntshi hitukkakatshrini wale.

1 João 3:16

Xye tshinanukni wimathetlu hichiniklewlu. Klu tshinanu Cristo, riwekle ruknoka hixa tshinanu. Hiyáhoni hix-koxa wumukata wiwekle hamtakleta wimolene tshinanu.

1 João 3:23

Hiyrunu xyekatkani tokantshi hyokanrer-pirana; hiwhene, Jesus Cristo hiwaka walixyawaka hiyrunu wmoletanune Cristo tshinanu wamotkajyawaka, htshin-towutlexyawakwu pixka wixanu.

Apocalipse 1:5

Hiyrun-koxa Jesus Cristo tshinanuya xye pirana hiphujetatshripa potukalu. Mitshikananu hiwekatshrini wale ptowruneka hipnatshine tskalaya hiyrunu ptowru pohirtshine Tsru Hixikatshriwatni wale. Wuchinikjerni wale, hixa tshinanu cruz rupniyatka ruknokhektunuxyawakapwu hihraha hiyokle tshinanu.

Apocalipse 5:9

Waneya herotu chikale hchikaletna. Wla htshina chikaletna: — Pixa tsonu himukatatshriyi pixa yonawahlo steno pyoptoxyawaka hiyrunu sete hosture pjimlajyawakapa, pkotpujyawakaplo. Klu tshinanu hiylatkaluryi, pihraha hiyokkaluruyma panjitna yine Hoyakalu tshinanupa, ptowru neruko tshinanu, ptowru nru tshinanuko, ptowru yineru kakojeru tshinanu, ptowru tshijne hajene tshinan-koxa.