Efésios 4:9 - Bíblia

⁹ Kluhe raluk-tshinreta “ratskoxyawakatka”? Wla raluk-tshinreta mitshikananhapka hserpika tshiji nwaka, tshiji hitokot-potuko rapkapa.

Efésios 4:9 ပူးပေါင်းရင်းမြစ်များ

Gênesis 11:5

Waneya hserpikatka Tsru Hixikatshriwa Hoyakalu rexyawakaplu poktshi tenopjiru koxa, hanu rixa kamhaletluna jejine.

Mateus 12:40

Jonas map-hohne, map-yetshno tsro chima nanwaka rawakanata hiyáhoni waneko pixka rixko Yineru Whene map-hohne, map-yetshno tshiji hitokote rawanu.

João 20:17

Waneya Jesus wan-tshinro: — Hi pkachitanno klu tshinanu Nuru yehi hi nyawa. Seyni nomolene yehi pyanu, punkakanna: “Teno nyanu Nuru yehi hiyrunu hixa Hiru yehi, Noyakalute yehi hiyrunu hixa Hoyakalute yehi nyanu.”

João 3:13

Hi satukna yineru tenhohne hatskoxya, seyni Jeji Whene tshinkaluru tenhohne serpijikatshri tsonupka wane ratskoxya.

João 6:33

Klu tshinanu pão Nuru heneklewaxya walekni yineru tenhohne serpijikatshri xye tshijne Hiwekkaklewaxikatshrini.

João 6:38

Klu tshinanu tenhohne nunya tshiji hi hita nalujyawakako nkamhiywakapa seyni nyokanatjeru halujyawaka nkamhiywakapa halikaka.

João 6:41

Waneya judeu-ne hihjekaka klu tshinanu Jesus wan-tshinna pão tenhohne hichpajikatshrini wale.

João 6:51

Pão hiwekkaklewatatshri, tenhohne hichpajikatshri, hitni. Hiyrun-koxa yineru wale nikatshri pejnu hiwekanu hike rixiniko mnikawnakatupni. Xye pão xye tshijne hiwekle neneklerupa, waleni nohitu.

João 6:58

Xyekni pão tenhohne hichpajikatshri. Hi maná, hitsrukatenni nikjekanatanru pixka rixa. Hnikluna seyni rupnanna wanepnawaka. Seyni xye pão nikatshri pejnu hiwekanu hike rixiniko mnikawnakatupa.

João 6:62

Ha hexiniplu Jeji Whene tshinkaluru tenhohne nwaka hsatojinipa rawakanaxyawaka yehi, hanhe hixahchinikanutanu?

João 8:14

Waneya Jesus hihitatkana, wla htshina: —Yáholu hita nanwaka hiphujtaxnawa wanepnawaka halikaka piranni ntshinyawaka. Klu tshinanu nimatlu nuchpajyawaka sreta hiyrun-koxa nimatlu nyiywakapa sreta hanu nyanu. Seyni hixa hi himatlu nuchpajyawaka sreta hiyrun-koxa nyiywakapa sreta hi himata.

Hebreus 2:7

Pchini hohnejiji tsonu putaklu yineru pitowrene hiwejikalune tenhohne hajene kayahoko hijhakaluru rixyawakatka. Peneklu yineru tsru pohirtshi hiyrun-koxa kahwakpirlu, phurune kahwakpiraxikolu pixka.

Hebreus 2:9

Seyni wetlu Jesus pchini hohnejiji tshinanu tsonu hiwejikalune Hoyakalu towrene tenhohne hajene kayahoko rutakka, rupniywakapa Jesus ptowru yineru kachrijru, Hoyakalu hekhitlu ruhlenu hixa tshinanu. Hiyáhoni xawakni wetlu Jesus tsru pohirtshi renejikowaka hiyrun-koxa kahwakpirlu hipuktshi hsalexikolu tshinanu.