Efésios 4:7 - Bíblia

⁷ Hixa satkaka yoptotlu himatkalnutshi renekachale hiwekkaklewatatshri psolukatka reneksaxyawakatkawu satkakwu Cristo henejyawu psolukatka.

Efésios 4:7 ပူးပေါင်းရင်းမြစ်များ

Mateus 25:15

Waneya satu towrertshi cinco proji reneka, satu hepi proji reneka, satu pa projipka reneka. Satkaka rumukaxyawakna renekna. Waneya hyatka.

João 3:34

Hoyakalu yokanatanru, Hoyakalu tokanu runkakletjeta. Klu tshinanu Hoyakalu hi psotsonujiji Hiwejikaluru reneklu seyni Hiwejikaluru psoluka reneklu.

Romanos 12:3

Renekachale Hoyakalu hihlenu Hoyakalu henekachaxyano tshinanu, wla ntshina hixa satkakhi tshinanupa: Hi hkahwajinwa pimrine yohnik-hihlenhi hixyawaka. Seyni halixlewlu Hoyakalu henekachaleyma hyahoxinwa hanu hixatshinhi.

2 Coríntios 6:1

Hiyáhoni hixa rikamrurewatanunwu hanjithi Hoyakalu kamrureya: Hi himnanhinri Hoyakalu hihlenu wale honukla renekatkahi Hoyakalu.

Efésios 3:2

Hix-hetko jempiranyehitlu Hoyakalu henejya tshinanno xye kamrurtshi renekno hixa tshinanupa.

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Hebreus 2:4

Waneya Hoyakalu poyehitatkalu hipirana wannani hiphujetleru, hekhirewlukakayma, tsru himyekaklewatatshriyma, hiyakolukakayma hiyrun-koxa Hoyakalu Hiwejikaluru pixkonu reneklewle waleko raluk-heneklewlexya pejnu.

1 Pedro 4:10

Ptowru yineru Hoyakalu henekachale yoptotatshritka. Hiyáhoni wale tshinanu hepixkakanu hixa satkakhi henejikolu hyoptotanrutkaymako. Wan-hixjetatka klu tshinanu Hoyakalu henekachale hijhakalur-potuko hislahatshinetkahi.