Efésios 4:6 - Bíblia

⁶ Hiyrun-koxa Hoyakalu satupkalu hixa halixatshinwu hiru, ptowru potuko towutatshrini, ptowru halixatshri pnute hya kamrurewlexyalu, ptowru halixatshri hitokote hwatshritkani.

Efésios 4:6 ပူးပေါင်းရင်းမြစ်များ

Gênesis 14:19

Kihlewaka htshinru Abrão, wla htshinru: “Kihle hchinikanuplu Abrão, htshinyi Tsru Hixikatshriwa Hoyakalu, tenhohne, tshij-koxa towutatshri;

Mateus 6:13

Hi yahtalexikowaka putakanwu, seyni hektutu himukatle halikaka pkochpajinwu. [Pohirewaxyawaka pixanni, himukatlu pixanni hiyrun-koxa hoyaknutshi pixanni rixhohnekanaxyawaka. Amém.]

Mateus 6:9

Hiyáhoni wla hix-hanjihohneretanu: “Nuru, tenhohne hajeru, wanjityi pohitkalurupa pixa phiwaka potukalu.

João 14:23

Waneya Jesus wla tshinru: — Yineru hita nuchinikjeru, ntokanu koxa romkahitanu. Hiyrun-koxa Nuru Hoyakalu hamotanru wale. Wale yehi wyanu. Wale yehi wwanutka.

João 17:26

Pixa nimatkakatkana wanna hiyrunu pix-pirana nunkakjetawana. Hichiniklewlu puchinijyawakno pso, wannayma rawyawakapa hiyrunu hita wannayma nwiywakapa.

João 20:17

Waneya Jesus wan-tshinro: — Hi pkachitanno klu tshinanu Nuru yehi hi nyawa. Seyni nomolene yehi pyanu, punkakanna: “Teno nyanu Nuru yehi hiyrunu hixa Hiru yehi, Noyakalute yehi hiyrunu hixa Hoyakalute yehi nyanu.”

Romanos 11:36

Klu tshinanu ptowru potuko hkamhatka Hoyakalu. Ptowru potuko hakanha Hoyakalu tshinanu hiyrunu waleko htshinanu rawa ptowru potuko. Hiyáhoni himalwutkalurni Hoyakalu hikeklu hohne mnikawnakatupni. Amém.

1 Coríntios 12:6

Himatkaltshi koxa kakoje seyni walerutni Hoyakalu himatkalnutshi heneklewatatshri Hoyakalu kamrure hkamhiywakapa satkaka.

1 Coríntios 8:6

Seyni hixa tshinanu waneru satupkalutu Hoyakalu. Waleni Wuru Hoyakalu ptowru potuko hiyakotatshri. Wiweka wale halujyawaka wkamhiywaka. Hiyrun-koxa Wutsrukate Hoyakalu satupka. Waleni Jesus Cristo. Ptowru potuko hkamhaka Jesus Cristo tshinanuko. Haté hix-koxa hwa Jesus Cristo tshinanu.

2 Coríntios 6:16

Hanhe xawaka rumukata pixkakaklu hixleta Hoyakalupji mayawletshichayma malixkane munanhaleru? Klu tshinanu hixakni Hoyakalu Hiwejikalurupjiwu. Klu tshinanu Hoyakalu potuko hali wan-tshinretatka: “Wanna hitokote nwanu, wanna nyanini. Royakalutepnona. Wannapni nayinetene.”

Efésios 1:21

Ten-hajene ptowruneko tsrukakalune pnute, tsru hitakkalurkaka pnute, ptowru hixkolkaka pnute tsru potni wale, Jesus Cristo. Hi xye hohnepka ptowru potuka yokanatatshripni seyni ptowru hinatshri hohnepa koxa pnuterutni Jesus Cristo.

Efésios 2:22

Hiyahokni hix-koxa, Cristo-ymalunhi, pantshinhi pimrineymakananuko, Hoyakalu hwiywaka hixyawakapa, Hoyakalu Hiwejikaluru pixkonu tshinanu.

Efésios 3:17

Nanjitkoxlu hixa halixle tshinanu, Cristo himukata hwahajretanhi. Hiyrun-koxa nanjitlu ruchiniklewle hmixkoxyawakaphi hiyrun-koxa hpoyehiwkajyawakaphi,

Efésios 6:23

Nanjitlu Wuru Hoyakalu hiyrun-koxa Wutsrukate Jesus Cristo renejyawakaphi, hixa moletkakatshinhi, kihlehchinikanu rixkajyawakaphi hiyrun-koxa hamotkajyawakapa hixa satkakhi hiyrun-koxa pnut-potu Hoyakalu halixyawaka nanjita renejyawakaphi.

1 João 3:24

Katukta Hoyakalu tokanu homkahita Hoyakaluymalu hiyrun-koxa Hoyakalu himwalu wale. Wimata Hoyakalu hix-yehi rawa, klu tshinanu renekwu waleko Hiwejikaluru.