Efésios 4:5 - Bíblia

⁵ Wutsrukate satupkalu, halixlewlu koxa satupka, h-batiza-xikowak-koxa satupka.

Efésios 4:5 ပူးပေါင်းရင်းမြစ်များ

Mateus 28:19

Wale tshinanu hyanu. Hasrukanna ptowru tshijne hajene. H-batiza-tanna Hoyakalu Hirtshi hiwakaya, Hoyakalu Whene hiwakaya, Hoyakalu Hiwejikaluru hiwakaya.

Atos 10:36

Xyekni tokantshi Hoyakalu yokanatanru israel-nerune nwaka, kihler-potuko tokantshi ruhlewahchinikanuxyawaka pirana, Jesus Cristo-ya. Xyekni ptowru potuko Tsru Hixikatshriwa.

Atos 2:36

Wale tshinanu rimatankoxluna ptowruneka israel-nerune waleko Jesus cruz rutaklerna, Hoyakalu halikaka hitakatkalu, Tsru Hixikatshriwa hiyrun-koxa Messias rixyawaka.

Romanos 3:30

Klu tshinanu Hoyakalu satupkalu. Hiyáhoni wale powratlu judeu-neru hiyrun-koxa judeu mixkane ralixlena tshinanu.

1 Coríntios 1:13

Cristo-lhe xawaka kanipretka? Paulo-klahe cruz hitakka hixa tshinanu? Ho Paulo hiwaka tshinanrahe h-batiza-tka?

1 Coríntios 1:2

nyonatlo twu yonawahlo hixa Hoyakalu homkahitatshine hapatjetatshinhi, Corinto poktshi hajenhi nwaka. Hixa ptowrunekhi Cristo-ymalunhi hixa halixle tshinanu, Hoyakalu kotspalatanune nuretkalunhi. Hiyrun-koxa twu yonawahlo yonatka pimrine ptowruneka psoluchako hapatjexikatshine Wutsrukate Jesus Cristo hapohchinikanutatshine tshinanu. Jesus Cristo wanna Hitsrukatni hiyrun-koxa hixa Corinto poktshi hajenhi Hitsrukatni.

1 Coríntios 12:13

Hiyrun-koxa hixa ptowrunekwu ho judeu-nerunwu ho judeu mixkane ho hixa towretshinwu ho hixa hichpakatshinwu, wutakka hixa ptowrunekwu pa manepka wixikowaka walerutu Hiwejikaluruya. Hiyrun-koxa wutka hixa ptowrunekwu satupkalutu Hiwejikaluruya.

1 Coríntios 12:5

Kakojru Hoyakalu kamrure seyni Tsru Hixikatshriwa Hoyakalu wtowutjeru satupkalu.

1 Coríntios 8:6

Seyni hixa tshinanu waneru satupkalutu Hoyakalu. Waleni Wuru Hoyakalu ptowru potuko hiyakotatshri. Wiweka wale halujyawaka wkamhiywaka. Hiyrun-koxa Wutsrukate Hoyakalu satupka. Waleni Jesus Cristo. Ptowru potuko hkamhaka Jesus Cristo tshinanuko. Haté hix-koxa hwa Jesus Cristo tshinanu.

2 Coríntios 11:4

Klu tshinanu hixa kihle yoptole hixinri poyikowluyma hanu hixatshriktako satu yineruko Jesus pirana hinkakletatshri, hi Jesus piran-potuko wunkakletleru pirana munkakletkatuko. Hiyrun-koxa hyoptoxiniplu satuko hiwejikaluru, hiyrun-koxa satuko hiwekkaklewatatshri pirana pnuko hixatshri hi Hoyakalu Hiwejikalurni, hiyrun-koxa hi Cristo pirana, kihle piranalu potuko hiwekkaklewatatshri pirana wunkajyatkahi walekni halixpiranatanrutka.

Gálatas 5:6

Klu tshinanu Jesus Cristo hetanu hi jiprojhikatshrikwa himukatlu, hi mjiprojhikatukwa yineru himukatlu. Seyni halixlu hichiniklewluyma halikaka himukatatshri potukni.

Efésios 4:13

Hiyáhoni hixa ptowrunekwu wan-hixatshinwu wapkapanru pa hchinikanurutu wixyawaka walixle Jesus Cristo-ya hiyrun-koxa wimatjempiranyehitanru Hoyakalu whene pirana. Wan-hixatshine tsrune hixinwa Cristo piranaya klu tshinanu wtseruwnanu haté Cristo yáholu potuko wixinwa.

Filipenses 2:11

Ptowru yinerunru pejnu hiphujetanru Tsru Hixikatshriwani Jesus Cristo. Hoyakalu Hirtshi himalwuxikolupa.

Filipenses 3:8

Seyni halikak-potu Cristo nkayaxyawakapa tshinanu ptowru potuko hiknokachatkaluru nikahwakatka wale kachrijrutkani kihler-potuko Nutsrukate Cristo Jesus himatyehixikolu. Wale tshinanu namtaklu ptowruka hektutu, malukkotu nikahwaklu Cristo numukata yoptolexyawakapa.

Tito 1:1

Hita, Paulo-no, Hoyakalu towrerno. Jesus Cristo nurrerno. Hoyakalu nurrene halixlepa tshinanu nyokanatka. Hiyrun-koxa nyokanatka Hoyakalu halukanru homkahixikolu himathexikowakapa halikakalutu tokantshi tshinanu.

Tito 1:4

Tito tshinkaluru, noturu pixkalutu potuko halixlu tshinanu, pixa tshinanupni twu yonawahlo. Hepixkalurupyi Hoyakaluya, hetwamonutkalurupyi, hike pikatshripyi Hirtshi Hoyakaluya hiyrunu Tsru Hixikatshriwa Jesus Cristo-ya, Wiwekkakjeru.

Hebreus 13:7

Hichinikanna mitshikananu hkosekjene Hoyakalu tokanu hinkakjene. Ralixlena homkahitanu hiyrunu hetjepotutanru rixjexyawakna kamle.

Hebreus 6:6

Hiyáhoni xye ptowruka himatatshine seyni halixlu ruknojinipna, nyi pixkalune hi pehchinikankakanru hiyrunukotnaka. Klu tshinanu xye pixkalune hatatjewa hepi kata cruz rutakluna Hoyakalu whene hiyrunu hixolune hetanu reyikluna.

Tiago 2:18

Hiyáhoni satu jeji himukata wla tshinreta: “Pixa halixlu hwiya seyni hita rawya kihleru kamhalu.” Waneya hita hihitanru wane tshinatshri. Wla ntshina: “Pekhitanno palixle, kihleru kamhalu mwikatyi seyni hita hekhitanyi nalixle nkamrureymako.”

1 Pedro 3:21

Xye pirana batiz-lu yaholuni. Xawakni wale koxa hiwekkakwu. Hi mantshi himtuklewatatshri hiknojikolu hiwekkakwu seyni Jesus Cristo hipuktshi hichpajikatshri hiwekkakwu. Ruphujetlu potuka chinikanurunwu Hoyakalu hetanuya.

2 Pedro 1:1

Hita Pedro Simão tshinkalurno, Hoyakalu towrerno. Jesus Cristo nurrerno hita. Hixa pixkalun-koxhi hixa. Halixlu hike pixka mixkatu yoptotatshinhi Hoyakalu potuknu tshinanu hiyrunu wiwekkakjeru Jesus Cristo tshinanu. Hixa tshinanni xye yonawahlo.

Judas 1:20

Seyni hixa nuchinikanune, halixlu potukal-potuko hoho, hpoyehixinwa. Hanjihohnetanu Hoyakalu Hiwejikaluru hepixleyma.

Judas 1:3

Nuchinikanune, nuchinikanrexinixkalu mitshi nyonanwakaxyawakaphi nasrujyawakaphi hiwejikaluru pirana ptowru yineru tshinanupa, netlu hijhakalur-koxni nyonanwakaxyawakaphi ntowuxyahi jmerpotuphi halixlu hasrujikolu pirana hislahpotutanu. Xye halixlu Hoyakalu pa katapka henekna hinerune, ralixjene.