Efésios 4:4 - Bíblia

⁴ Cristo mane satupkalu hiyrun-koxa Hoyakalu Hiwejikaluru satupkalu. Wkahwakleru hiwejikaluru hike rixiniko mnikawnakatupa Hoyakalu tshanixlewle satupkalutu.

Efésios 4:4 ပူးပေါင်းရင်းမြစ်များ

Mateus 28:19

Wale tshinanu hyanu. Hasrukanna ptowru tshijne hajene. H-batiza-tanna Hoyakalu Hirtshi hiwakaya, Hoyakalu Whene hiwakaya, Hoyakalu Hiwejikaluru hiwakaya.

Atos 15:11

Seyni Tsru Hixikatshriwa Jesus walixyawaklu tshinanu wiwekkakka ruhlenu renekachale tshinanu, wanna pixka hchinikannu tshinanu.

Romanos 11:29

Klu tshinanu Hoyakalu hi yokmakahchinikanyehitlu katuktako raluka nurreta hiyrunu katuktako raluk-hihlehchinikanyehreta, hi hyokmakahchinikanuta.

1 Coríntios 10:17

Klu tshinanu hixwu pão nikatshinwu. Seyni wale pão satupkalu, walerutu pão wnika. Hiyáhoni hixa hixolunwu pa manepkawu.

1 Coríntios 12:20

Hiyáhoni mantshi psojitkaka híxolu seyni pa manepka ruchpajya.

2 Coríntios 11:4

Klu tshinanu hixa kihle yoptole hixinri poyikowluyma hanu hixatshriktako satu yineruko Jesus pirana hinkakletatshri, hi Jesus piran-potuko wunkakletleru pirana munkakletkatuko. Hiyrun-koxa hyoptoxiniplu satuko hiwejikaluru, hiyrun-koxa satuko hiwekkaklewatatshri pirana pnuko hixatshri hi Hoyakalu Hiwejikalurni, hiyrun-koxa hi Cristo pirana, kihle piranalu potuko hiwekkaklewatatshri pirana wunkajyatkahi walekni halixpiranatanrutka.

Efésios 1:18

Hoyakalu nanjijeta hkotpukahchinikanuxyawakaphi waneya hixa himukata himatletlu hma mahijeruxyawakanupa Hoyakalu nurexyawakhi tshinanupa. Hiyrun-koxa himaxyawakaplu hi psokananru wyoptotanrupa wiwejinri pirana halixatshine tshinanu, potukalune Jesus halixatshine tshinanupa.

Efésios 2:16

Cruz rupniywaka tshinanu Cristo nikatlu hahnanuwlu. Cruz tshinanu hepi neru pa nerupka rixatkana. Hiyáhoni Hoyakalu nwaka hsatkakatkawu.

Efésios 2:18

Cristo tshinanu, hixa ptowrunekwu, judeu-neru hiyrun-koxa judeu mixkanhi, wumukata yanwakletlu Hoyakalu, Hirtshi wtshinreru nwaka, Hoyakalu Hiwejikaluruya satupkalutu.

Efésios 2:22

Hiyahokni hix-koxa, Cristo-ymalunhi, pantshinhi pimrineymakananuko, Hoyakalu hwiywaka hixyawakapa, Hoyakalu Hiwejikaluru pixkonu tshinanu.

Efésios 4:1

Wale tshinanu, hita Paulo-no, kachitkalurno klu tshinanu Nutsrukate Jesus Cristo nomkahita, nanjithi hiwekan-xako Hoyakalu halujyawak-potuko homkahitanu htshanixikowaka.

Efésios 5:30

Klu tshinanu hixa satkakwu Cristo mane psojitwu.

Colossenses 1:5

Wan-hixjeta halikakalutu tokantshi tshinanu hix-yehi rehapokletka kihle piranalu potuko hiwekkaklewatatshri pirana, hjempiranrerutka walekni hkahwakleru himlujikolu tenhohneya.

Colossenses 3:15

Hitshitanru Hoyakalu wapnanuhchinikankakjeru kosejyawaklu hixa hchinikanu. Klu tshinanu tshanixkalunhi hapnanuhchinikanru tshinanu pa manepka hixyawakapa. Hiyrunu hpoyahnutlewjetanu.

2 Tessalonicenses 2:16

Hiyáhoni xawakni waleko Wutsrukate Jesus Cristo hiyrunu Hoyakalu, Wuru wuchinikjeru hiyrunu hapnanuhchinikanru hikeklu mnikawnakatupa heneklewatatshri hiyrun-koxa kihleru kahwakachalu renekachale tshinanu,

1 Timóteo 1:1

Twu yonawahlo Paulo yokanrerni Cristo Jesus nurrerno, Hoyakalu wiwekkakjeru tshin-towutlexyawakno tshinanu hiyrunu Cristo Jesus wkahwakle tshinanu.

Tito 1:2

Hiweklu hikeklu hohne mnikawnakatu kahwajikolu tshinanni. Hoyakalu, mimat-weyawatkatu, hinkakletlu xye hiwejikolu mnikawnakatu pirana xye tshiji muyakotkonuklunuwa papko.

Tito 2:13

Wkahwakjetlu kihler-potuko hohnepa hiyrun-koxa Hoyakalu tsru himukatatshri hiyrunu Wiwekkakjeru Jesus Cristo hoyaknu hiphujexikolu hohnepatka.

Tito 3:7

Potukalunwu waleko ruhlenu tshinanu, hiweklu hike rixiniko mnikawnakatupa yoptotatshinepa wixyawakapa wkahwakachale tshinanupa.

1 Pedro 1:21

Wale tshinanu Hoyakalu halixa, Cristo hiwekkakjeru hipuktshiya hiyrunu Cristo hiphujetjeru. Wan-rixa kahwakachalu hiyrunu halixlu Hoyakalu yehi yoptoxikalurupa.

1 João 3:3

Ptowru yineru Cristo munanhatshri, powralu rixinwa. Cristo powranu pixka rixanu.