Efésios 4:2 - Bíblia

² Ptowruko hi halixkoxinwa, mayohonephi, hwachatanu xako. Hichinikkakanu hekhikakanu hixkakluko. Hiyáhoni hixkakluko hepixkakanu.

Efésios 4:2 ပူးပေါင်းရင်းမြစ်များ

Mateus 11:29

Hitshitanno nkosejyawakaphi, nasruklenephi klu tshinanu mayohotno hita, kihle hchinikanurno waneya hit-yehi hapnanuhchinikanrewlu hikchikanu.

Marcos 9:19

Waneya wane htshinna Jesus: — Yine malixaklenhi. Haté hi pejnu hohnekta nimwanhi hixa? Haté hi pejnu hohnekta nakotanhi? Wkata panikanru mturu.

Atos 20:19

Judeu-nerune hahxatno hiyáhoni xye kojwakahchinikanutno. Hixa himata hi hitako nalujyawaka nkamha seyni ptowru hohneruka Hoyakalu halujyawaka nkamhajeta, hixo kata ntshiyahata hixa tshinanu.

Romanos 15:1

Hixa hixkolunwu halixlewluya wujhalu wepixyawakna hihroka halixletatshritka hinolu ranijyawakna xye riwejinriyna. Hi wumukata hixako walujyawaka tsonu wuchinikanrexyawaka.

1 Coríntios 13:7

Ptowru potuko rakota. Hikeklu rutuk-halixleta. Hoyakalu ralixa ptowruy-potuko. Ptowru potuko rakotachata.

Gálatas 6:2

Hepixkakanu salewnaluya. Wan-hixinipa Cristo yokanre psoluka kamhatshinetkahi.

Efésios 1:4

Wan-rixa Hoyakalu. Xye tshiji hmuyakotkanuklunuwa hnuretlu Cristo himwatshinepwu wixyawaka. Hnuretna, yine potukalune rixyawakapna hike mixkanepni Hoyakalu yhaleya, klu tshinanu ruchinikwu Hoyakalu.

Colossenses 1:11

Nanjitlu Hoyakalu hmixkoxikowakapa hihchinikanu Hoyakalu hoyaknu mixkonuymako hixa himukata hakotlewleta ptowru mchiretannutshiyma, poyikowluyma.

1 Timóteo 6:11

Seyni pixa, jejyi, Hoyakalu homkahitatshriyi wale chinikantshikaka pasujini. Pomkahitanru poyahokaklewlu, Hoyakalu homkahlu potuko, halixlewlu pomkahitanu, hichiniklewlu koxa. Pomkahitanru Hoyakalu pkahwakhohnekanatanru hiyrun-koxa pmasaxinwa.

2 Timóteo 2:25

Pkamnitjene puykotanu kihle hchinikanurukyi. Pa katako Hoyakalu henekanna rehchinikanuxyawakna halikak-potu pirana rimaxyawakapna.

Tiago 1:21

Hiyáhoni hiknokanru ptowru hixatshri hektutu himtuklewatatshri hiyrun-koxa ptowru hixatshri hektuntshi hiknokanu. Seyni hmasaxinwa hyoptoxyawakaplu Hoyakalu tokanu, hix-haji hitakkalurutka. Klu tshinanu wale himukata hiwekkakletanru hixa hiwejinri.

1 Pedro 3:15

Tsru Hixikatshriwa Hoyakalu pixkalunephi ptowru chinikantshiya. Ptowru mayohnutshi hiyrunu ptowru kahwakpirlu chinikantshiyma halpokotanu hinkaklexyawakaplu hixa himwaleru hmunanhaleru pirana ptowru yine hepomhakjene tshinanu.

1 Pedro 3:8

Hiyáhoni xawakni ptowrunekhi pa hchinikanurunephi. Hetwamonkakanu. Hichinikkakanu moletkakatshine pixka. Kchinikanurunephi. Himatletkakatshinephi, mayohonephi.