Efésios 4:18 - Bíblia

¹⁸ Halikakalutu tokantshi hi rimatjemna. Hi rawyana hiwejikaluru Hoyakalu henejyamkana klu tshinanu mimatjemkan-potukni hiyrun-koxa hchikohajiwatna.

Efésios 4:18 ပူးပေါင်းရင်းမြစ်များ

Mateus 13:15

Hoyakalu wan-tshina: Klu tshinanu xye yine hchinikanu hi himatjempirata; ruchyajnakotna hiyrunu ruchyayhaletna. Wane hmixkanuklunumkana, rumukata hetletmakna hiyrun-koxa rumukata yijnakoletmakna. Wanna hchinikanu himukata himatjemletamka hiyáhoni rehchinikanutanumkana numukata hitskalakletmakna.”

Marcos 3:5

Waneya Jesus heknojtayehitmakna. Hjihekanuwata hwamonuwata chik-haji rixyawaka tshinanna. Waneya wla htshinru jeji: — Pyosurukkanotanu. Waneya hyosurukkanotatka, ruhlewamyotatka.

João 12:40

“Hiyhalna ruchyatatka hiyrun-koxa hihchinikanna rimaletatka. Hma mexyawakanupna hiyhaleyna hiyrun-koxa mimatjemkanepni hihchinikanuyna, hma mehchinikanuxyawakanupna wan-hixatshine nutskalajyawakamkapa.”

Atos 17:30

Mitshikawni yine hi himathetlu Hoyakalu hiyáhoni retachakanatna yine. Seyni xawakni Hoyakalu ptowru yineru hinkaka rehchinikanuxyawakapa.

Atos 3:17

Seyni xawakni, nomolene, nimatlu hixa hiyrunu hixa tsrukakalutene wan-hixlu Jesus hma mimatkan-tshinanna.

Romanos 1:28

Hi raluk-himretahchinikanretluna Hoyakalu. Hiyáhoni Hoyakalu henekatkana hektu hchinikanu rixyawakna, malukkotu hkamhiywakna.

Romanos 11:25

Cristo tshinanu nmoletanune, naluklu hixa himaxyawaklu pa pirana yohimluru pirana. Himaxyawakaplu hi ptowru potuko himatawa. Judeu-nerune hi ptowru hohnekananuko chikohajirunepni seyni wan-rixachatna judeu-ne judeu mixkane hma poyahokajiknu pchinikwana hi ralixanna judeu-ne.

Romanos 11:7

Ha xawakni hanhe wtshinanu? Israel-nerune hijhalermaka hi rukchikluna seyni Hoyakalu nurrene hikchiklu. Hiyáhoni pimrine chikohajiwata.

Romanos 2:19

Pkahwajnawa mayhalene kosekatshriyi hiyrunu mapchahawaka hwatshine tshinanu, katalu pikahwajnawa pixa, judeu

1 Coríntios 1:21

Hoyakalu rimatkalnu tshinanu hi ritshitna yine Hoyakalu rimatyehixyawakna yine rimatkalnu tshinanna. Seyni Hoyakalu hikchikahchinikanuxnawa riwekkajyawakapna hiwekkaklewatatshri pirana halixatshine. Pimrine mahchinikannutshi pirana rikahwakluna hiwekkaklewatatshri pirana.

1 Coríntios 2:8

Hi satukna xye tshiji hajeru tsrukakalune himatlu xye pirana. Klu tshinanu rimatkamkaluna hi koxa cruz rutakanruna ptowru potuko Hixikatshriwa.

2 Coríntios 3:14

Halikaka wanna hchinikanu katshpokka. Haté xawakni Hoyakalu tokanu yonatkaluru Jesus mapokkanuklunuwa pirana rethajekanaxinna israel-nerune, hihchinikanna hichyatka hatatjewa mkatshri sama Moisés hichyahojiwaklexinri ruchyahchinikanuxnawana. Xye hihchinikanna hichyale Cristo ralixini tsonna wale konanna.

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

Gálatas 4:8

Seyni mitshikananu Hoyakalu hmimatyehitkanuklunuwa, hoyakalune minjene towutjekanathi.

Efésios 2:1

Mitshikananu hipnatshine pixka hixakanata Hoyakalu tokanu hmajnakowakanaxyawaka tshinanu, hektunu tshinanu.

Efésios 2:12

Waneklu papko hixa Cristo kotspalakanathi. Hi Hoyakalu hayinetene nuretkalune hixakanata seyni kahnete hajene hixakanata. Hi Hoyakalu hinkakletanru pirana yoptotatshine hixakanata, Hoyakalu hinkakletpiranachakanaxiklúkona hinerune tsonu. Hiyáhoni hike wkahwakakanata Hoyakalu yehiya. Xye tshiji hiwekle hiwekakanaxya seyni moyakalutenhi hixapa.

Colossenses 1:21

Mitshikananu hixa howuka hwakanata Hoyakalu nwakaya. Hiyrun-koxa hektutu hixa kamhajekanatanru tshinanu hiyrunu hektutu hichinikanretjekanatanru tshinanu hixa kamnijekanatlu Hoyakalu.

1 Tessalonicenses 4:5

Hi suxo haluklerucha hkamhanu, pimrine pixka Hoyakalu mkahwakpiratkane pixka hi hixanu.

Hebreus 5:2

Xye pixkalutu sacerdote hihrokatshri koxni wale, hiyáhoni rumukata hetwamonretna mimatkane, hiyrunu pupjetatshine koxa.

Hebreus 9:7

Seyni hepi rixinri hruko, tsru sacerdote tsonu jihlokjeta, pa katapka pa mhalkaka tshinanu tsonu. Nikalu hraha manikkatu tsru sacerdote hi jihloklu klu tshinanu rujhalu hrahtshi renekjexyawaka waleko hpupjere tshinanu hiyrun-koxa yine pupjere tshinanu.

Tiago 4:4

Hoyakalu hiknokachatatshinhi! Hi he himatlu xye tshijne hajerkaka himatlexini Hoyakalu hkamnita? Hiyáhoni katuktako himatlexiniplu xye tshijne hajerkaka Hoyakalu hkamnita.

1 Pedro 1:14

Mturune kajnakolune pixkalunephi. Hi hyimanru mitshikawluru het-sotanruru hmahchinikanuklunuwa papko pixka.

1 João 2:11

Mapchahawaka rawakowa hahnanutamoletatshri. Mapchahawaka riyana hiyáhoni hi rimata hanukta hyanu, klu tshinanu mapchahalu tshinanu hi rapkathojita.