Efésios 4:16 - Bíblia

¹⁶ Walekni haptowru mankaklewatatshri. Himane psojitkaka rapatjeta pa manepka hkamhiyatkalu. Hiyáhoni Cristo mane psojitkaka yokakkalunwu. Satkaka psojite hepixka. Cristo pixkonu tshinanu. Hiyáhoni satkaka mantshi psojite Cristo halukanru hkamhini htserutlu Cristo mane. Wuchinikle tshinanu wtserutlu Cristo mane.

Efésios 4:16 ပူးပေါင်းရင်းမြစ်များ

João 15:5

— Uva-tsa pixkalutno hita. Hixni hiplu. Hiplu hita hwatshripa hiyrunu hita nimwaleru-plu pixkalutu, hixo sahiplu. Seyni hita mwakatu hikeko hkochpaka.

Romanos 12:4

Klu tshinanu wan-rixa yineru, pa manepkalu seyni híxolu himane psojitkaka hiyrunu satkaka wimane psojitkaka pnu pejnu rixa kamrureta.

1 Coríntios 10:17

Klu tshinanu hixwu pão nikatshinwu. Seyni wale pão satupkalu, walerutu pão wnika. Hiyáhoni hixa hixolunwu pa manepkawu.

1 Coríntios 13:13

Xawakni rawa Hoyakalu walixyawaka hiyrunu Hoyakalu wkahwakachaxyawaka hiyrun-koxa pimrine wuchinijyawaka. Xye mapa. Seyni nyi mapa pimrine wuchinijyawaka waleni tsru potuko.

1 Coríntios 8:1

Xawakni mayawletshicha heneknijituxikowaka pirana nkochtshekanu. Hehe, hixa ptowrunekwu hixo pirana wimata. Hiyáhoni wimatkale tshinanu tsru hchinikanu wixnawa. Seyni pimrine wuchinijyawaka tseruwnakaklu halixlewlu.

Gálatas 5:22

Seyni Hoyakalu Hiwejikaluru kamrurni hixkakluko hamotkajyawaka, wumuwaxyawaka, hwachalu, ptowru potuko wakoxyawaka, kchinikanurune wixyawaka, pimrine wuchinikanrexyawaka, walixyawaklu,

Gálatas 5:6

Klu tshinanu Jesus Cristo hetanu hi jiprojhikatshrikwa himukatlu, hi mjiprojhikatukwa yineru himukatlu. Seyni halixlu hichiniklewluyma halikaka himukatatshri potukni.

Efésios 1:4

Wan-rixa Hoyakalu. Xye tshiji hmuyakotkanuklunuwa hnuretlu Cristo himwatshinepwu wixyawaka. Hnuretna, yine potukalune rixyawakapna hike mixkanepni Hoyakalu yhaleya, klu tshinanu ruchinikwu Hoyakalu.

Efésios 3:17

Nanjitkoxlu hixa halixle tshinanu, Cristo himukata hwahajretanhi. Hiyrun-koxa nanjitlu ruchiniklewle hmixkoxyawakaphi hiyrun-koxa hpoyehiwkajyawakaphi,

Efésios 3:7

Hoyakalu, hixa ruchinijyawaka tshinanu, rutakno Cristo pirana, hiwekkaklewatatshri pirana, jinkakletakleru nixyawaka, Hoyakalu tsru pixkonu rixle tshinanu.

Efésios 4:12

Xye hkamha ralpokoxyawakna hinerune ptowruneka Cristo halukanru hkamhiywakna. Wan-rixna, Cristo mane hkamhapotuxyawakapna htserutahchinikanuxikowakapna Cristo piranaya.

Efésios 4:15

Hi wan-hixahchinikanutanu seyni halikaka pirana wunkakletanu wekhixyawakapna wamotlene. Hiyáhoni wujhanru wtseruwna halixlexyawaka ptowru piranako Cristo tshinanuya. Cristo honukla jiwtshi. Walekni Cristo halixatshine hapatjetatshine kosekatshri.

Filipenses 1:9

Nanjitlu Hoyakalu hixa himukata pnute hya hichinikanretlexyawakaplu himatkalewlu halikakalutuya hiyrun-koxa psoluka himathetlewluya,

Colossenses 2:19

Xyekaka pixkalutu hi Cristo jiwu pixkalutuymalutni. Cristo haptowru mankaklewatatshri, mantshi psojitkaka hyokaka, psotsonujijkaka hepixka, pa manepka rixyawakapa. Satkaka mantshi psojite tserutka tserutlewatatshri Hoyakaluya.

Colossenses 2:2

Wane nixa kamrurewleta ptowrunek-yine nmixkotahchinikanuxyawakapa hiyrun-koxa pa hchinikanurune potuko rixyawakapna ruchiniklewjexyawakapna. Hiyrun-koxa rimatpotuxyawakapna psoluka pohirewnalu Cristo-ya ptowru potuko hmixkonuyma. Hiyáhoni xye tshinanu hixa himukata himatlepotutlu, himatkaltshi halikak-potuko Hoyakalu yohimakanatanru pirana tshinanu mpikkanephi. Waleni Cristo.

1 Tessalonicenses 1:3

Hi wutuk-hichinikletlu hixa kamrure hixa halixle tshinanu hiyrunu Cristo hichinijyawaka tshinanu hkamrurewpotuxyawakatka hiyrunu wuchinikjetlu hanu hixa kahwakleta mchiretanutu Wutsrukate Jesus Cristo-ya Wuru Hoyakalu hetanuya.

1 Tessalonicenses 2:13

Wale tshinanu hi wutuk-himalwuretlu Hoyakalu. Hix-yehi wwakanaxini, Hoyakalu pirana wunkakjekanathi, hixa jemlu hiyrunu halixatkalu. Hi yine tokanucha pixka htshinahotatkalu seyni Hoyakalu tokanu potuko hjematka. Wale halikaka Hoyakalu tokanni. Hixa hitokote kamrurewaxikatshrini.

1 Tessalonicenses 3:12

Wanjitkoxlu Tsru Hixikatshriwa Hoyakalu htseruwnakajyawakhi hichiniklewlu piranaya. Hixkakluko hichinikkajinripa hiyrun-koxa pimrine ptowruneka hichinikpotuxinripa. Hixa wuchinijyawakhi pixka hixanna pimrine.

2 Tessalonicenses 1:3

Cristo tshinanu wmoletanune, ptowru hohnekananuko waluka poyahnutletlu Hoyakalu hixa tshinanu! Kihleru wane wixyawaka hixa halixle tshinanu, hiyrunu htseruwna halixlekananumxyawaka tshinanu hiyrun-koxa hixa ptowruneka hichinikakjexyawaka pnute hya tseruwlekananumxyawaka tshinanu.

1 Timóteo 1:5

Xye yokanruru henekka wuchinikanretkajyawaka hixkakluko. Xye hichiniklewlu himwatshine rujhaluna powra hchinikanurune rixyawakna hiyrunu rujhaluna halikakalutuko hkamhiywakna. Rujhaluna ralixyawakluna halikak-potuko.

1 Pedro 1:22

Hiyáhoni xawakni halikaka tokanu homkahlu tshinanu Hoyakalu Hiwejikaluru hepixle tshinanu hpowratahchinikanuxnawa hpoyaho hichinikanretletna hmoletanune Cristo tshinanu ptowru hamotluya. Hiyáhoni hichinikkakanu. Hi hixachatatshinephi seyni hihchinikanu psolukayma hichinikkakanu.

1 João 4:16

Wimatlu hiyrunu walixlu Hoyakalu hamotwu hixa. Hoyakalukni hamotlewlu. Hamotlewlu hwatshri Hoyakalu hwatshrini hiyrunu Hoyakalu waleymalu.