Efésios 4:13 - Bíblia

¹³ Hiyáhoni hixa ptowrunekwu wan-hixatshinwu wapkapanru pa hchinikanurutu wixyawaka walixle Jesus Cristo-ya hiyrun-koxa wimatjempiranyehitanru Hoyakalu whene pirana. Wan-hixatshine tsrune hixinwa Cristo piranaya klu tshinanu wtseruwnanu haté Cristo yáholu potuko wixinwa.

Efésios 4:13 ပူးပေါင်းရင်းမြစ်များ

Mateus 11:27

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

João 1:16

Klu tshinanu rumukatle tsru potuko hepixlewatatshri yoptotatshinwu hixa ptowrunekwu. Ruhlenu renekachale yoptotatshinwu hiyrunu ruhlenu renekachale wane pnutepa yoptotatshinepwu.

João 16:3

Xyekaka hkamhinhina hixa klu tshinanu hi rimatluna Nuru Hoyakalu, hi hitako rimatna.

João 17:21

Nanjityi pa hchinikanurune rixyawakapna, hixa pixka Nuru Hoyakalu pa hchinikanurunwu pixa hitayma hiyrunu pa hchinikanurunwu hita pixayma. Nanjityi pa hchinikanurune pixkakanna hixayma, xye tshijne hajene halixyawakaplu pyokanatanruno nixyawaka.

João 17:3

Pixa Hoyakalu halikakalutu rimaxyawakapna yine, hike pixka hixatshriyi, hiyrunu Jesus Cristo, pyokanatanru rimaxyawakapna yine, xyekni hiweklu hike rixiniko mnikawnakatupa.

João 6:69

Hixa halixyi, wmunanhayi Pixni Cristo-yi, Hoyakalu hichpajikatshriyi Potukalyi!

Atos 4:32

Ptowruneka Cristo halixatshine pa hajipkana, pa hchinikanurunni. Hi satukna wan-tshina: Nimwaleru pejnu hitanu. Seyni wanna ptowruneka hapiklu rejnunkatkakna psoluka rimwastsireneyma.

1 Coríntios 1:10

Hiyáhoni Cristo tshinanu nmoletanune, nuykothi pa hchinikanerune htshintokanutanu. Hi hkotspalahchinikankakanu hixkakluko. Pa hchinikanurunephi ptowru potuyako. Pa halukkalunephi.

1 Coríntios 14:20

Cristo tshinanu nmoletanune, hi mturune pixka hixanu hihchinikanuya seyni halikaka hektutu hmasatanu. Halikaka hihchinikanuya tsrune hixinwa.

1 Coríntios 2:6

Seyni halikaka himatkalewlu pirana wkochtshekleru waleni tsrune halixlewle tshinanu piranni. Hi xye tshiji hajene himatkale pirana wkochtsheka hi koxa yokanatkalune towuxikolu himatkalewle nikawnatshripa pirana wkochtsheka.

2 Coríntios 4:6

Hoyakalu wla tshina: “Mapchahawak-yehi katalupni.” Wane potuko hixa hatawnaletatka halikaka pirana wihchinikanuya. Xyekni renejyawu himatkaltshi hatajnu Hoyakalu hoyaknu himatyehixikowakapa, yotshyahatatshri Cristo hojiya.

Gálatas 4:19

Ha nowhenene pixkalune! Matuwhenetatshro pixka nixa jemletshinothi. Hi nutuka jemletshinothi haté Cristo hali tsepotlehchinikanuxiniphi.

Efésios 1:17

Nanjijetlu Wutsrukate Jesus Cristo Hoyakalute, waleni Hirtshi ptowru potuko royaknu, renejyawakaphi himatkaltshi Hoyakalu Hiwejikaluru henekanwu hiphujetlewatatshri rimathexikolupa halikakalutu pirana Hoyakalu yehiya.

Efésios 1:23

Cristo halixatshine hapatjetatshine Cristo mane yaholukni wanna. Satkaka halixatshri Cristo mane psojitekni wale. Cristo-ni ptowru potuko nikat-kamruretatshri psol-potuko.

Efésios 2:15

Cristo, waleko himaneyma, nikatlu judeu-nerune hiykoxikolu piranakananu Moisés yonreru piranni, himaletlewakanatatshri pirana. Hiyáhoni hepi nerukananu pa nerupka rixkaka. Rimatletkakna Cristo tshinanuya.

Efésios 4:12

Xye hkamha ralpokoxyawakna hinerune ptowruneka Cristo halukanru hkamhiywakna. Wan-rixna, Cristo mane hkamhapotuxyawakapna htserutahchinikanuxikowakapna Cristo piranaya.

Efésios 4:3

Ptowru potuko himukaxyawaka hixanu pa hchinikanurune hixyawaka, pa neru rixkakanwu Hoyakalu Hiwejikaluru pa hchinikanurune wixini.

Efésios 4:5

Wutsrukate satupkalu, halixlewlu koxa satupka, h-batiza-xikowak-koxa satupka.

Filipenses 3:10

Naluklu Cristo tsonu nimaxyawaka, Cristo yotunoxinri himukatle naluk-himatleta hiyrun-koxa hsalewnale yimatshri naluk-hixleta. Hiyrunu wale hipnale pixka nixikolupa.

Filipenses 3:8

Seyni halikak-potu Cristo nkayaxyawakapa tshinanu ptowru potuko hiknokachatkaluru nikahwakatka wale kachrijrutkani kihler-potuko Nutsrukate Cristo Jesus himatyehixikolu. Wale tshinanu namtaklu ptowruka hektutu, malukkotu nikahwaklu Cristo numukata yoptolexyawakapa.

Colossenses 1:28

Hiyahokni ptowru potuk-yine wunkakjetlu Cristo pirana. Satkaka yine wuykojeta, wasrukjetna satkaka ptowru himatkalewluya. Wumukaxyawaka wixa hanikletanna yine ptowruneka Hoyakalu hoji sreta tsru halixlerunepa Cristo Jesus-ymalune.

Colossenses 2:2

Wane nixa kamrurewleta ptowrunek-yine nmixkotahchinikanuxyawakapa hiyrun-koxa pa hchinikanurune potuko rixyawakapna ruchiniklewjexyawakapna. Hiyrun-koxa rimatpotuxyawakapna psoluka pohirewnalu Cristo-ya ptowru potuko hmixkonuyma. Hiyáhoni xye tshinanu hixa himukata himatlepotutlu, himatkaltshi halikak-potuko Hoyakalu yohimakanatanru pirana tshinanu mpikkanephi. Waleni Cristo.

Hebreus 5:14

Seyni tsrune pixkalune nijitu nikkaluru potni, wane pixkalune hasruha kamrurewlehchinikanutatshine tshinanu rimathetluna hektuntshi hiyrunu rimat-nuretluna kihle kamrure rixyawakna.

2 Pedro 1:4

Xye tshinanu, Hoyakalu hinkakletlerkaka himukatatshri potuko, halukkaluru potu, wunkakka. Wan-hixatshinwu, Hoyakalu hchinikanuymalunwu. Xye tshijne halukleru sreta hichpajikatshinetkawu hiyáhoni xye tshijne himtukkakatshri wasujyatka.

2 Pedro 3:18

Seyni halikaka Wutsrukate Jesus Cristo, Wiwekkakjeru hepixle hiyrunu Cristo himathetle tseruwnikatshinephi. Wale pohitko xawakni hohne hiyrun-koxa hike rixiniko mnikawnakatupa hohne koxa hpohitko.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.