Efésios 4:10 - Bíblia

¹⁰ Hiyáhoni serpikatshri, walekatkani tenhohne potuko yatshritka, tenhohne pnut-potu hwatshri hyatka, psoluka mal-hohnewak-potuko htsepota.

Efésios 4:10 ပူးပေါင်းရင်းမြစ်များ

Mateus 24:34

Halikaka wane ntshinhi, xyekaka wan-hixa hiphujewnaletanu hmupnaknuhnapukawna xawakni mupnakanewa.

Lucas 24:44

Waneya Jesus wan-tshinna: — Nimwakanaxiniwahi nunkakatkahi raluk-hakanhaleta ptowru potuko hita pirana yonatkaluru, Moisés yonreruya, Hoyakalu tokanu hinkakletatshine yonreya hiyrun-koxa Salmos-mta yonatkaluruya hita pirana.

João 1:16

Klu tshinanu rumukatle tsru potuko hepixlewatatshri yoptotatshinwu hixa ptowrunekwu. Ruhlenu renekachale yoptotatshinwu hiyrunu ruhlenu renekachale wane pnutepa yoptotatshinepwu.

João 19:24

Waneya wannakakluko wla tshina: — Hi wsuskakanru seyni hiknokkaluru wuknokanu wimaxyawakapa katu kayatanru Jesus-ni mkalu. Wan-rixa hpoyahokajyawakaplu Hoyakalu tokanu mitshikawluru yonatkaluru tshinyawaka, wla tshinatshri: “Nomkalu hkanipretna wannakakluko, hiknoklu rikamhaluna rimaxyawakapna katu kayatanru nomkalu.” Hiyáhoni wan-rixatkana soldado-ne.

João 19:28

Wane pnute, rimaxinixka Jesus ptowruka rali kamhalexinixka hiyrun-koxa hpoyahokajyawakaplu Hoyakalu tokanu mitshikawluru yonatkaluru, Jesus wla tshina: — Honunnahno.

João 19:36

Xyekaka wan-hixatka Hoyakalu tokanu yonatkaluru tshinyawaka himukata poyahokaklexyawakapa. Wane htshina: “Hi satukna hihapu hiknahko.”

Atos 1:11

Waneya wane htshinna: — Jejine Galileia hajene, klu tshinanhe wane hwa hixa teno hyihjeta? Xyekni Jesus hixayma hwakanatatshri, tenhohne yatshritka waleko satkapanu hanukta rixa hatskoletatka hixa hetanuya wane potuko rixa hapokletanutnaka.

Atos 1:9

Waneya wane rali tshinrexinixka, Jesus teno ranikkatka wanna hetanuya. Waneya satu hohimkohi katshpoklu Jesus haté hi rumukata hetletatkaluna.

Atos 2:33

Hiyáhoni Jesus hanikkatka, Hoyakalu potukle sreta rawyawakpatka hiyáhoni hyoptotlu Hoyakalu Hiwejikaluru htshina hinkaklexyawakpotuklu Jesus. Hiyáhoni xye hixa hetanru hiyrunu hjemanru waleni Hoyakalu Hiwejikaluru hiyoklerni.

Atos 3:18

Seyni Hoyakalu kamhalu wale runkaklewjixanru ptowruneka Hoyakalu tokanu hinkakletatshine namaya, Messias hijhalu hsalewniywaka.

2 Coríntios 12:2

Nimatlu satu yineru Cristo halixatshri. Tenhohne rankapka quatorze rixinri mhalni. Hi nimatlu ho halikaklahe wane rapkapa himaneyma ho riwejinri tsonrahe wane rapkapya. Hoyakalu tsonu himata.

Efésios 3:19

Hiyáhoni nanjitlu himaxyawaklu Cristo hichiniklewle, hixa wihchinikanu pnuterut-potni wale, Hoyakalu himukata tsepotlexyawakaplu hiwejikaluru wiwekleya psol-potuko.

Colossenses 1:19

Hoyakalu hikchikahchinikanuxnawa Cristo hoho rawinripa psoluka rixannu.

Colossenses 2:9

Klu tshinanu ptowruka Hoyakalu hixannu pso potuko Cristo mane hitokote rawa.

1 Timóteo 3:16

Tsru mimat-hinkakletkotu waleni potuknutshi hchinikanu piranni klu tshinanu: “Jesus hiphujewna yineru mane rixnawa seyni riwejinriya potukalni. Hiwejikalune Hoyakalu towrene tenhohne hajene hetatkalu. Ruphujtatka psol-tshijneya. Xye tshijne halixlerni. Ranikka tenhohne.”

Hebreus 4:14

Hiyáhoni wchikota halixletanu walixle wuphujetlerutka tshinanu. Klu tshinanu W-sacerdote-te, Tsru Sacerdote potukni, tenhohne yatshritka Hoyakalu yehi potuko hapokatshri, waleni Jesus, Hoyakalu whene.

Hebreus 7:26

Wale tshinanu Jesus-kni W-sacerdote-te Tsru Potuko, wujhaleru potuko! Potukal-potukni wale hike mmahaxikatni, powralu. Hiyrun-koxa hektune yehi kotspalaxikalurni wale, tenhohne ten-potu hajerni wale.

Hebreus 8:1

Xye pirana ptowruka wtshinakanatanru haptowruxikolni xye. Waneywu xye pixkalutu Tsru Sacerdote. Ptowru Potuko Himukatatshri tenhohne hajeru tuplawakle, hpotukle sreta hwatshrini wale.