Efésios 4:1 - Bíblia

¹ Wale tshinanu, hita Paulo-no, kachitkalurno klu tshinanu Nutsrukate Jesus Cristo nomkahita, nanjithi hiwekan-xako Hoyakalu halujyawak-potuko homkahitanu htshanixikowaka.

Efésios 4:1 ပူးပေါင်းရင်းမြစ်များ

Gênesis 17:1

Noventa e nove mhale rixinixka Abrão, Tsru Hixikatshriwa Hoyakalu hakanhayehitlu waneya wane htshinru: — Hita Ptowru Himukata Kamhaletatshrino Hoyakalno; Hitayma pyanu potuka hchinikanupyi.

Gênesis 5:24

Hoyakalu riyana Enoque waneyatka ramhatka klu tshinanu Hoyakalu haniklu waleymatkalu.

Atos 9:31

Hiyáhoni Cristo halixatshine hapatjetatshine xkehkaka Judeia tshijneya, Galileia tshijneya hiyrun-koxa Samaria tshijne psoluyaka hihlewahchinikanutatka. Htseruwahchinikanutatkana hiyrunu hkahwakpiratluna Tsru Hixikatshriwa Jesus hiyrunu rixolewnatkana, Hoyakalu Hiwejikaluru hislahle tshinanu.

Romanos 11:29

Klu tshinanu Hoyakalu hi yokmakahchinikanyehitlu katuktako raluka nurreta hiyrunu katuktako raluk-hihlehchinikanyehreta, hi hyokmakahchinikanuta.

Romanos 12:1

Hiyáhoni Cristo tshinanu nmoletanune, Hoyakalu hetwamonre tsru potuko rixyawaka tshinanu nanjithi henejinwa Hoyakaluya himane henekachalu rixyawaka. Hoyakalu tshinanu kotspalatkalunhi hiwejinri powraluya, Hoyakalu hikchikhihlenrerutka. Wane potuko rimalukyi Hoyakalu.

1 Coríntios 4:16

Hiyáhoni nanjithi hita pixka hixanu.

2 Coríntios 10:1

Hitakni, Paulo-no, wla mitshi ntshinnawa, hixastsi nwiniklunu kpoyikonerno seyni howuka nwiniklunu ktokanno. Hitakni hanjithi Cristo mayohnuyma hiyrun-koxa hchinikannuyma,

2 Coríntios 5:20

Hiyáhoni xawakni Cristo hitshre tshinanu wunkaklewjeta, hatatjewa Hoyakalu tshanixhi hixa wunkakle tokanuya. Cristo hitshre tshinanu nanjithi hixa Hoyakalu kamnikanatatshinhi himatletkotka Hoyakaluya.

2 Coríntios 6:1

Hiyáhoni hixa rikamrurewatanunwu hanjithi Hoyakalu kamrureya: Hi himnanhinri Hoyakalu hihlenu wale honukla renekatkahi Hoyakalu.

Gálatas 4:12

Cristo tshinanu nmoletanune, nanjithi hita pixka hixahchinikanuxyawaka klu tshinanu hixa pixkalut-koxno hita. Hike halikaka himtukno hita.

Efésios 2:10

Klu tshinanu Hoyakalu hiyakotwu Jesus Cristo-ya kihleru wkamhiywakapa. Kihleru wkamhin-honra mitshikawako ralpokotatkalu hixa tshinanu wkamhiywakaplu kihleru.

Efésios 3:1

Xye hikolukle tshinanu, hita Paulo-no, preso hajerno Jesus Cristo hitshre tshinanu. Hixa judeu mixkanhi nepixyawakapa.

Efésios 4:17

Hiyáhoni Wutsrukate Jesus hiwaka tshinanu wane ntshina hiykolethi: Hi malixkane pixka hixa hiwekletanu, klu tshinanu wanna mahijeru hichinikanuwleta.

Efésios 4:4

Cristo mane satupkalu hiyrun-koxa Hoyakalu Hiwejikaluru satupkalu. Wkahwakleru hiwejikaluru hike rixiniko mnikawnakatupa Hoyakalu tshanixlewle satupkalutu.

Efésios 5:2

Xye chinikantshi ptowru wiwejinri htowuta. Hichinikanuwyehkakanu. Hixa hichinikanuwkakleyehixyawaka pixka rixa Cristo, renejyanawa rupniywaka hixa tshinanu renekachaxnatkawa henekachaluru rixnatkawa hatewa phamluhalo phamluro pixka potuko hixatshritkani Hoyakalu hetanuya hiyrun-koxa henekachaluru hiylatkaluru Hoyakalu hikchikhihlenutanru potuko.

Filipenses 1:27

Hiyáhoni xawakni hixa hixjexyawaka hiwejinriya rujhalu kihle piranalu potuko hiwekkaklewatatshri pirana, Cristo pirana kamhakjixle pixka hixyawaka. Waneyakni netapiniphi ho nmetapkanuklunuphi waneya hixa pirana njeminipa poyehi halixle hixyawaka htshinikowaka pa halukalutu pa hchinikanurutu kihle piranalu potuko hiwekkaklewatatshri pirana halixlu yapretak-hepixletatshinephi.

Filipenses 3:14

Nasukakananumta numukata hapoklexyawakaplu hasuklu hichinixyawaka numlujikolu nkayaxyawakapa. Waleni Hoyakalu tshanixle hiwekle hikeklu hohne mnikawnakatupni Cristo Jesus tshinanu.

Colossenses 1:10

Waneyakni hixa himukata kamhaletanru Hoyakalu halujyawaka hiyrun-koxa Hitsrukate Hoyakalu hiwaka himalwutko hixa hixjexyawaka tshinanu. Tseruwnatshinephi ptowru potuko kamrurtshi kihleruya hiyrunu tseruwnatshinephi Hoyakalu himatyehipotuxyawaka.

Colossenses 2:6

Hiyáhoni mitshikananu hixa yoptolexyawaklu Tsru Hixikatshriwa Jesus Cristo pixka hixa homkahretanru.

Colossenses 4:12

Epafras, satutnaka hix-yehi hichpajikatshritka, Cristo towreru halikhi. Hi rutuk-hanjihohneyehrethi seyni ranjijetlu Hoyakalu hpoyehiwa halixlekakanhi, tsrune rixkakanhi halixlewluya, psoluka Hoyakalu halukanru hixa tshinanu.

1 Tessalonicenses 2:12

Wumutjekanathi, wapnanuhchinikankakjekanathi, wuykojekanathi Hoyakalu halujyawaka himukata kamhaletanu hixa hiwejinriya. Tomhakalunhi waleko hpohirewaxyawaka hajene hixyawakapa hiyrunu royaknu himwatshine hixyawakapa.

2 Tessalonicenses 1:11

Hiyáhoni wale tshinanu hi wutuk-hanjihohneyehrethi. Wanjijetlu Woyakalute xye htshanixikowaka pixka potuko halukalunephi. Hiyrun-koxa wanjijetlu Hoyakalu ptowru kihleru haluka kamhaletanru himata kamhiywakapa hiyrunu wanjijetlu halixlewlu kamrure hpoyahokakanu pixkontshiyma.

2 Timóteo 1:9

Hoyakalu hiwekkakwu hiyrun-koxa htshanixwu wale hinerune wixyawakatka. Hi hixako wkamhanru tshinanu htshanixwu seyni waleko hihchinikanu tshinanni. Hiyrun-koxa Hoyakalu hihlenu renekachale tshinanu htshanixwu. Hmawkanuklunuwa hyinuwakle papko Hoyakalu henekwu xye kihleru renekachale Jesus Cristo tshinanuya.

Tito 2:10

Htowutjene hejnunkate hi rumutukanna towretshine seyni ptowruka tshinanu himnanhikalunepni rimathexikowakapna. Wan-hixatshinepa Hoyakalu Wiwekkakjeru hasrujikolu pirana hepixatshine rixyawakapna ptowru potuyako.

Hebreus 13:21

Nanjitlu Hoyakalu hike mmahaxikane rixkajyawakaphi ptowru kamrurtshi tshinanu. Wale halujyawaka tsonu kamhatshinephi hiyrunu ptowru potuko rukchikhihlenreru, hix-yehi kamrurewaxikatshri rixyawaka, Jesus Cristo tshinanu. Himalwutkalurupni wale, hikeklu hohne mnikawnakatupa. Seyoka.

Hebreus 3:1

Hiyáhoni Cristo tshinanu nmoletanune, hix-koxa Hoyakalu nurrenhi, homkahpotutanru Jesus, Nuretkalurni wale hiyrunu Tsru Sacerdote potni wale halixlu pirana wuphujetjereru.

1 Pedro 2:11

Nuchinikanune potu, hixa hi hewi tshijne hajenekhi hiyrunu hi xye tshijne hitukatshinhi hiyáhoni nanjipotuthi hasujinri hektuntshi mantshi halukanru, yineru hiwekle kamnitatshri.

1 Pedro 3:9

Hi hektutuyma papnutanru hektutu pkamhikjeru. Hiyrun-koxa hi yanhakluyma papnutanru yanhaklu. Seyni halikaka kihlewaka hanjiyehitanna. Klu tshinanu himatanru htshanixkoklunu, htshanixka kihlewaka hyoptoxyawakapa.

1 Pedro 5:10

Seyni Hoyakalu ptowru kihleru heneklewatatshri, wale hoyaknutshi hike mmahaxikatu tshanixwu, Cristo Jesus tshinanu, hpotukatanhi, hpoyehiwkakanhi, hmixkowkakanhi, rapnanuhchinikankakanhi, hsalewnale pchini tsonurutu hiknohinipa.

2 Pedro 1:3

Ptowru potuko halukkaluru hiweklu tshinanupa, wpotukatjerupa tshinanu wenekka, Hoyakalu hoyaknu himukatatshri tshinanuya. Tshanixkalunwu royaknu hwahohoxyawakapwu hiyrunu potukalune wixyawaka, Cristo himaxikolu tshinanu.

2 João 1:5

Hiyáhoni xawakni Tsro pixkaluto, nanjityi. Himka herotu yokanruru nyonanwakatyi seyni mitshikawluru hyinuwaklekananuko yokanruru, wjemleru tokanuko nyonanwakatyi. Waleni wuchinikkajyawaka.