Efésios 3:8 - Bíblia

⁸ Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Efésios 3:8 ပူးပေါင်းရင်းမြစ်များ

Lucas 14:22

— Waneya xekoyaka towrertshi wan-tshinru htowutjeru: “Nutsrukate, ptshinyawaka nixatka seyni rixetawa hwikowaka.”

João 1:16

Klu tshinanu rumukatle tsru potuko hepixlewatatshri yoptotatshinwu hixa ptowrunekwu. Ruhlenu renekachale yoptotatshinwu hiyrunu ruhlenu renekachale wane pnutepa yoptotatshinepwu.

Atos 5:41

Hiyáhoni nuretkalune hjemahchinikanyehixikowakna yehi ruchpajyana. Rumuwamtna klu tshinanu rutakyahokkana rumukata salewnalexyawakna haté reyikkana Jesus hiwaka tshinanu.

Atos 9:15

Waneya Tsru Hixikatshriwa wan-tshinru: — Seyni wane pyanu klu tshinanu nnuretlu xye jeji hkamrurewaxyawakpatka hita tshinanu. Hita hiwaka hpohixinripa judeu mixkane yehiya, pohirtshin-yehiya, israel-nerune klopichane yehiya.

Romanos 11:33

Ha hi psokananru Hoyakalu hihlenu. Hanhe ruchinixya hihchinikanu hiyrunu rimatkalnu! Kathe xawaka himatjemlu Hoyakalu hixjexyawaka?

Romanos 12:10

Hamotkakanu hixkakluko, moletkakatshine pixka. Hkahwakpiratanru hixa satkakhi.

Romanos 2:4

Ho peyikluhe xawaka Hoyakalu potshwanu, wale hchinikanu, hkahwakhohnekanaxyawakyi? Hi he puchiniklu Hoyakalu hihlenu kosejyawakyi pehchinikanuxyawakapa?

1 Coríntios 1:30

Klu tshinanu Hoyakaluko Cristo Jesus hipxakkakatkahi. Hiyáhoni walekni wimatkalewniya. Cristo tshinanu Hoyakalu potukatatkawu, Hoyakalunerune rixkakwu hiyrun-koxa Cristo tshinanu riwekkakwu.

1 Coríntios 15:9

Klu tshinanu ptowruneka nuretkalune pnute mujhakotno hita. Himka npoyahotlu Hoyakalu nuretanru ntshinikowaka klu tshinanu Hoyakalunerune Cristo halixatshine hapatjetatshine nkamnijekanata.

1 Coríntios 2:9

Hiyáhoni wane htshina Hoyakalu tokanu yonatkaluru mitshikawlur-pirana: “Hi satukna yineru hetjejetlu, hi satukna jemjejetlu, hi waleko ruchinikanretjejeta yineru ptowru potuko Hoyakalu halpokoxyana ruchinikjene.”

Gálatas 1:16

Waneya hituru ruphujewnayehkakno, nunkaklexyawakaplu Cristo pirana judeu mixkaneya, hike yineru hchinikanu nujhatka.

Gálatas 2:8

Klu tshinanu Pedro mixkotjeru judeu-ne tshinanu hnurexikolu, hit-koxa renekkatka xye towuwlu judeu mixkane tshinanu.

Efésios 2:7

Hoyakalu wan-rixa rekhixyawakna hiwekatshinepa pa hohnechakananu hinatshripa hi psokananru renekachaxyana retwamonutkal-tshinanna Cristo Jesus-ya.

Efésios 3:1

Xye hikolukle tshinanu, hita Paulo-no, preso hajerno Jesus Cristo hitshre tshinanu. Hixa judeu mixkanhi nepixyawakapa.

Efésios 3:16

Nanjitlu Hoyakalu repixyawakapna yine rimwaleru tsrur-potuko tshinanu, renejyawakhi, hixa nanwaka hmixkowaxinripa, pixkontshi Hoyakalu Hiwejikaluru tshinanu.

Efésios 3:19

Hiyáhoni nanjitlu himaxyawaklu Cristo hichiniklewle, hixa wihchinikanu pnuterut-potni wale, Hoyakalu himukata tsepotlexyawakaplu hiwejikaluru wiwekleya psol-potuko.

Efésios 3:2

Hix-hetko jempiranyehitlu Hoyakalu henejya tshinanno xye kamrurtshi renekno hixa tshinanupa.

Filipenses 2:3

Hike hkamhanu hixako halujyawakacha. Hike hkamhanu halixkotachaxikatshinwa hixyawakapa. Seyni malixkoxikatshinepwahi. Satkaka kahwakanru pimrine wale yohnik-hijhakalune rixyawakna.

Filipenses 4:19

Noyakalute hikchijinhi ptowru hmahaxinri waleko hpohirewnale royaknu yehi hwatshri Cristo Jesus tshinanuya.

Colossenses 1:27

Klu tshinanu Hoyakalu nurehchinikanuxnawa rimatkajyawakapna rayinetene rimaxyawakapluna royaknu pirana tsru potuko ptowru yine tshinanupa piranni. Cristo hixa hitokote hwatshritka piranni xye. Hiyáhoni hixa himukata kahwakletlu Hoyakalu hoyaknu hyoptoxyawakapa.

1 Timóteo 1:13

Mitshikananu hektutu ntshinanwakjekanatlu Cristo. Nkamnijekanatlu ptowru pejnu hektutu nkamhanwakjekanatlu. Seyni Hoyakalu hiknokatkalu nektunu nma mimathetjekanatanutu. Wane nixjekanata malixkatu nixjekanaxiniwa.

1 Timóteo 1:15

Xye ntshinreru halikakni hiyáhoni rujhalu ralixkoxikowaka psolu hchinikanuymako: Cristo Jesus xye tshijne hinpatka hektune riwekkajyawakapa. Hiyrunu wanna ptowruneka hektune pnuterutno hita.

1 Timóteo 2:7

Wale tshinanukni nutakka nuretkaluru yokanatkaluru nixyawaka hiyrun-koxa judeu mixkane nasrujyawakapa nunkaklexyawakaplu Cristo halixikolu pirana, halikaka pirana. Hi nweyawata, halikaka pirana ntshina.

2 Timóteo 1:11

Hoyakalu nuretno, rutakno jinkaklewakleru nixyawaka, judeu mixkane nasrujyawakapa.

Apocalipse 3:18

Ntowuthi ouro myapjetkotu hit-yehi hanjixyawaka, phurun-potu hixyawakapa. Hiyrunu mkatshri klatalu hit-yehi hanjixini hmakaxyawakaplu hma patewaxyawakanupa hmamkanu tshinanu. Hiyhale pniri hit-yehi hanjixini hsahayhalexinripa, hapkathojixyawakapa.