Efésios 3:7 - Bíblia

⁷ Hoyakalu, hixa ruchinijyawaka tshinanu, rutakno Cristo pirana, hiwekkaklewatatshri pirana, jinkakletakleru nixyawaka, Hoyakalu tsru pixkonu rixle tshinanu.

Efésios 3:7 ပူးပေါင်းရင်းမြစ်များ

Atos 9:15

Waneya Tsru Hixikatshriwa wan-tshinru: — Seyni wane pyanu klu tshinanu nnuretlu xye jeji hkamrurewaxyawakpatka hita tshinanu. Hita hiwaka hpohixinripa judeu mixkane yehiya, pohirtshin-yehiya, israel-nerune klopichane yehiya.

Romanos 1:5

Hiyáhoni Jesus Cristo tshinanu Hoyakalu henekno xye hitakkaluru, hnurreru nixyawakatka, Cristo tshinanu, nalixkajyawakapna, kajnako nixkajyawakapna yine psol-tshijne hajeneko.

Romanos 12:3

Renekachale Hoyakalu hihlenu Hoyakalu henekachaxyano tshinanu, wla ntshina hixa satkakhi tshinanupa: Hi hkahwajinwa pimrine yohnik-hihlenhi hixyawaka. Seyni halixlewlu Hoyakalu henekachaleyma hyahoxinwa hanu hixatshinhi.

Romanos 15:16

Cristo Jesus towrerno judeu mixkane nepixyawaka. Sacerdote kamrure pixka nixa hiyáhoni nkamrurni Hoyakalu pirana, kihle piranalu potuko hiwekkaklewatatshri pirana nunkaklexyawaka nkamhajeta. Wane nixa judeu mixkane henekachalune rumukata hixlexyawakapna Hoyakalu hikchikhihlenreru potukatlewatatshri Hoyakalu Hiwejikaluruya.

1 Coríntios 15:10

Seyni Hoyakalu hihlenu tshinanu, hitatkani hita. Hiyrun-koxa Hoyakalu hihlenu hi mahijerutatka hita tshinanu. Klu tshinanu nuretkalune kamrurewle pnute nixa kamrurewleta hita. Halikaka hi hit-potni seyni Hoyakalu hihlenu hitaymalutu kamrurewata.

1 Coríntios 3:5

Klu tshinanu klunerni Apolo? Klunerni Paulo? Hixa Hoyakalu halujyawaka homkahitatshine tsonwu. Halikaka wunkakle tshinanu hixa halixlu Tsru Hixikatshriwa Cristo pirana. Hanuru kamrurtshiktako Hoyakalu henekanwu hixa satkaka wale wkamhanu.

2 Coríntios 3:6

Hiyrun-koxa Hoyakalu poyahotatshine rixkakwu herotu hkojiretlewleya. Xye hkojirexyawu hi Moisés yokanreru yonatkaluru ruchpajya seyni Hoyakalu Hiwejikaluru yokanre ruchpajya halikaka. Klu tshinanu Moisés hiykole yonatkaluru hipuktshi heneklewatatshrini seyni Hoyakalu Hiwejikaluru heneklewle hiwekkaklewata.

2 Coríntios 4:1

Hiyáhoni hi wuhroka klu tshinanu Hoyakalu ruchinijyawaka tshinanwu xye kamrurtshi renekwu.

Gálatas 2:8

Klu tshinanu Pedro mixkotjeru judeu-ne tshinanu hnurexikolu, hit-koxa renekkatka xye towuwlu judeu mixkane tshinanu.

Efésios 1:19

Hiyrun-koxa wimaxyawakaplu hi psokananru hpixkonu, wmixkotjeru, hixa Cristo halixatshinwu hwatshinetkawu tshinanu. Wan-rixa kamrureta Hoyakalu hpixkonuyma.

Efésios 3:2

Hix-hetko jempiranyehitlu Hoyakalu henejya tshinanno xye kamrurtshi renekno hixa tshinanupa.

Efésios 3:20

Hiyáhoni xawakni rimalwutko Hoyakalu, hpixkonu tshinanu, wmixkotjeru wiwejinriya, rumukata kamhaletanru pnut-potu wanjixyalu ho wuchinikanretleru.

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Efésios 4:16

Walekni haptowru mankaklewatatshri. Himane psojitkaka rapatjeta pa manepka hkamhiyatkalu. Hiyáhoni Cristo mane psojitkaka yokakkalunwu. Satkaka psojite hepixka. Cristo pixkonu tshinanu. Hiyáhoni satkaka mantshi psojite Cristo halukanru hkamhini htserutlu Cristo mane. Wuchinikle tshinanu wtserutlu Cristo mane.

Colossenses 1:29

Wale tshinan-koxa nkamrurewpotuta, nyapretaklewata. Numukata kamhaletlu xye Cristo himukatle tsru potuko tshinanu nmixkotjeru.

1 Tessalonicenses 2:13

Wale tshinanu hi wutuk-himalwuretlu Hoyakalu. Hix-yehi wwakanaxini, Hoyakalu pirana wunkakjekanathi, hixa jemlu hiyrunu halixatkalu. Hi yine tokanucha pixka htshinahotatkalu seyni Hoyakalu tokanu potuko hjematka. Wale halikaka Hoyakalu tokanni. Hixa hitokote kamrurewaxikatshrini.

Hebreus 13:21

Nanjitlu Hoyakalu hike mmahaxikane rixkajyawakaphi ptowru kamrurtshi tshinanu. Wale halujyawaka tsonu kamhatshinephi hiyrunu ptowru potuko rukchikhihlenreru, hix-yehi kamrurewaxikatshri rixyawaka, Jesus Cristo tshinanu. Himalwutkalurupni wale, hikeklu hohne mnikawnakatupa. Seyoka.