Efésios 3:5 - Bíblia

⁵ Mitshikananu xye yohimakanatkaluru pirana hi renekna rimaxyawakna yine wale pirana, xawakni pixka. Seyni xawakni Hoyakalu hekhitna nuretkalune wale tokantshi hiphujetatshine hiyrun-koxa nuretkalune htokanu hinkakletatshine rekhita, Hoyakalu Hiwejikaluruya.

Efésios 3:5 ပူးပေါင်းရင်းမြစ်များ

Mateus 13:17

Hichinikanru xako xye: Híxona Hoyakalu tokanu hinkakletatshinni hiyrun-koxa pimrine potukalunni haluk-hetletmaklu hixa hetanru seyni hi rumukatatkana; hiyrun-koxa raluka yijnakoletmaklu hixa yijnakotanru seyni hi hyijnakotluna.

Mateus 20:7

— Waneya ruhitluna, wla htshinruna: “Klu tshinanu hike kamrurewjixwu.” Waneya wla htshinna: “Hajewa hix-koxa kamrurewatanutka nusanateya.”

Mateus 23:34

Hiyáhoni wane ntshinhi nyokananwakatanhi hinamtatshri pirana hinkakletatshine, jimatkalerune hiyrun-koxa kasruklewaklerune hinanchitkaluru pirana hasruklewatatshine. Hixa satkaka wannapni hiylatanu, satkakapni cruz hitakko, pimrinepni hkotshipjetanu hanjihohnewakapjiya hiyrunu pa poktshi pejnukananu hkamnixinna pimrinepni.

Lucas 10:24

Klu tshinanu wane ntshinhi hixo Hoyakalu tokanu hinkakletatshinni hiyrun-koxa phurune haluk-hetletmaklu hixa hetanrutka. Seyni hi retluna. Raluka yijnakoletmakluna hixa yijnakotanrutka seyni hi hyijnakotluna.

Lucas 11:49

Hiyah-koxni Hoyakalu rimatkalnuyma wla htshina: “Nyokananwakatmakna, hinamtatshri pirana hinkakletatshine, nnuretanun-koxa. Satkakapni ruylatanna. Pimrinepni hsalewnakakanna.”

João 14:26

Hiyrunu Hapnanuhchinikankaklewatatshri ptowru potuko hasrukanhi. Walekni hepixanhi hichinijyawaklu ptowru potuko nunkaklexyatkahi. Xye Hapnanuhchinikankaklewatatshri, Hoyakalu Hiwejikalurni. Walekni Hoyakalu yokanatanrupa Hita hiwakaya.

João 16:13

Seyni runinpatka Hiwejikaluru halikakalutu, waleko kosekanhi ptowru piranako halikaka piranaya. Klu tshinanu hi waleko hihchinikanu runkakletanu seyni runkakletanru ptowruka hjemlerutka, runkakletanru hinatshripa pirana.

Atos 10:28

Waneya Pedro wan-tshinna: — Hixa himatlu hinanchitkalurni judeu hapyehixyawakaplu pa neruko ho rimapatjexyawakapna. Seyni Hoyakalu hekhitatkano hikeni yineru malukkotu, kaptsholu Hoyakalu yhaleya.

Romanos 16:25

Wuya wimalwutanru Hoyakalu! Wale himukata halixkaklepotuthi hixa, halixlewluya Jesus Cristo pirana, kihle piranalu potuko hiwekkaklewatatshri pirana, nunkakletleru tshinanu. Waleni halikakalutu pirana phujetanuru hix-hohne potuko mitshikananu yohimakanatkaluru pirana.

1 Coríntios 2:10

Hiyáhoni Hoyakalu hiphujetlu xye pirana Hoyakalu Hiwejikaluruya wimaxyawakaplu. Klu tshinanu Hoyakalu Hiwejikaluru ptowru potuko retjeta haté Hoyakalu tsonu himatanu hiyrunu Hoyakalu ralukleru rimata.

Efésios 2:20

Hixa pantshi sotlu kamhikolu pixkalunhi. Jesus pirana hiphujetatshine nuretkalune hiyrun-koxa Hoyakalu tokanu hinkakletatshine hoho panawaxikatshinhi. Poyehir-hoho panawaxikatshinhi. Hiyrun-koxa Jesus Cristo-kni sotlu hijhakaluru pixkalut-potu, psolupjiko poyehiwkakatshri.

Efésios 3:9

Hiyrun-koxa renekno nimatjemkajyawakna ptowru neruka hanu potu rixa yohimakanatatshri pirana, Hoyakalu hixa hichinikanretlexyawakna pirana. Klu tshinanu Hoyakalu ptowru potuko hiyakotatshri ptowru papkokananuko mitshikananu hi ruphujetakanatlu xye pirana yohimakanatkaluru.

2 Pedro 3:2

Tokantshi mitshikawluru, Hoyakalu tokanu hinkakletatshine, Hoyakalu nurrene tokanu hichinikanu hiyrun-koxa hixa Wutsrukate Jesus Wiwekkakjeru nurrenwu, tokanu hijretle hichinikanu.

Judas 1:17

Seyni hixa nuchinikanune, hichiniktokanutanru Wutsrukate Jesus Cristo nurrene tokanu, tokantshi mitshikananu runkakletlerna.