Efésios 3:4 - Bíblia

⁴ Wale het-yonhaxini himatjemanru Cristo pirana yohimakanatkaluru nimatleru.

Efésios 3:4 ပူးပေါင်းရင်းမြစ်များ

Mateus 13:11

Waneya Jesus wan-tshinatkana: — Hixamka henekka himaxyawakaplu mimatyehitkotu pirana tenhohne pohirewaxyawaka pirana seyni wanna hike.

Lucas 8:10

Waneya wane htshinna Jesus: — Hixamka henekka himaxyawakaplu mimatkotu pirana Hoyakalu pohirewaxyawaka pirana. Seyni pimrine tshinanu yapkaklu nkamhiylu ptowru piranako. Rexinna retmakna, hi rapkathojitna; hjeminna, hjemmakna hma mimatjeminixipna.

Romanos 11:25

Cristo tshinanu nmoletanune, naluklu hixa himaxyawaklu pa pirana yohimluru pirana. Himaxyawakaplu hi ptowru potuko himatawa. Judeu-nerune hi ptowru hohnekananuko chikohajirunepni seyni wan-rixachatna judeu-ne judeu mixkane hma poyahokajiknu pchinikwana hi ralixanna judeu-ne.

Romanos 16:25

Wuya wimalwutanru Hoyakalu! Wale himukata halixkaklepotuthi hixa, halixlewluya Jesus Cristo pirana, kihle piranalu potuko hiwekkaklewatatshri pirana, nunkakletleru tshinanu. Waleni halikakalutu pirana phujetanuru hix-hohne potuko mitshikananu yohimakanatkaluru pirana.

1 Coríntios 13:2

Hoyakalu tokanu numukata hinkakletletkamka hiyrun-koxa nimatkamkalu ptowru piranako yohimatkaluru pirana hiyrun-koxa ptowru potuko himatkalewlu pirana nimatkamka, hiyrun-koxa nalixle pixkonu tshinanu haté teno mriji numukata yokmanjixleta seyni nma muchinikanretkanukluna nimwastsirene waneya hikepno hita.

1 Coríntios 4:1

Hixa hijhalu Cristo-yma kamrurewatatshinwu hikahwajyawakwu. Hoyakalu pirana yohimakanatkaluru pirana hiphujetatshinwu.

2 Coríntios 11:6

Himka nimat-hinkaklewpotuta wanna pixka seyni hi hapkatatatshrino rimatkalnuyna. Ptowru hohneruka ptowru potuko wuphujexnawa hix-yehiya ptowru pirana tshinanuya.

Efésios 1:9

Rimatkakwu Hoyakalu hihchinikanu pirana, mitshikananu yohimakanatkaluru pirana. Waleko ralujyawaka tshinanu wan-rixa klu tshinanu wan-rixahchinikanuta Hoyakalu, Cristo-yma kamrurewatatshrini.

Efésios 3:3

Hoyakalu hekhitno hkamhanrupa pirana yohimakanatkaluru. Wale pirana rimatjemkakno. Xye pirana mitshikananu nyonata psotsonu tokantshi hixa tshinanupa.

Efésios 3:9

Hiyrun-koxa renekno nimatjemkajyawakna ptowru neruka hanu potu rixa yohimakanatatshri pirana, Hoyakalu hixa hichinikanretlexyawakna pirana. Klu tshinanu Hoyakalu ptowru potuko hiyakotatshri ptowru papkokananuko mitshikananu hi ruphujetakanatlu xye pirana yohimakanatkaluru.

Efésios 5:32

Halikakalutu hijhakaluru pirana runkakleta xye hima. Waleni Cristo, hiyrun-koxa Cristo halixatshine hapatjetatshine mkoje pejnu piranni.

Efésios 6:19

Hit-koxa hanjihohneyehitanu, nunkaklewaxini, Hoyakalu henektokanuxyawakapno hiyrun-koxa nunkaklewaxini nma pijyawakanupa, nunkakle pirana rimatjemikowakap-koxa kihle piranalu potuko hiwekkaklewatatshri pirana npohitakanatanru pirana.

Colossenses 1:26

Xye pirana honukla mitshikananu mimatakanatkotu mitshikawa hohneko Hoyakalu yohimakanatanru pirana yine tshinanu ptowru hohnekananuko seyni xawakni ruphujetlu xye pirana rayinetene tshinanu.

Colossenses 2:2

Wane nixa kamrurewleta ptowrunek-yine nmixkotahchinikanuxyawakapa hiyrun-koxa pa hchinikanurune potuko rixyawakapna ruchiniklewjexyawakapna. Hiyrun-koxa rimatpotuxyawakapna psoluka pohirewnalu Cristo-ya ptowru potuko hmixkonuyma. Hiyáhoni xye tshinanu hixa himukata himatlepotutlu, himatkaltshi halikak-potuko Hoyakalu yohimakanatanru pirana tshinanu mpikkanephi. Waleni Cristo.

Colossenses 4:3

Hanjihohnexini hix-koxa hanjihohneyehitanu, Hoyakalu himukata hikchika yapawaklexyawakapwu wunkaklexyawakaplu Cristo pirana mpohitakanatkotu pirana. Cristo pirana npohitle tshinanu kapna nutakka.

1 Timóteo 3:16

Tsru mimat-hinkakletkotu waleni potuknutshi hchinikanu piranni klu tshinanu: “Jesus hiphujewna yineru mane rixnawa seyni riwejinriya potukalni. Hiwejikalune Hoyakalu towrene tenhohne hajene hetatkalu. Ruphujtatka psol-tshijneya. Xye tshijne halixlerni. Ranikka tenhohne.”

1 Timóteo 3:9

Halixlewlu pirana halikakalutu Hoyakalu hekhirewle hinotatshinepni powratahchinikanuxikatshinepwa.