Efésios 3:3 - Bíblia

³ Hoyakalu hekhitno hkamhanrupa pirana yohimakanatkaluru. Wale pirana rimatjemkakno. Xye pirana mitshikananu nyonata psotsonu tokantshi hixa tshinanupa.

Efésios 3:3 ပူးပေါင်းရင်းမြစ်များ

Atos 22:17

— Waneya Jerusalém nsatojinixka, nanjihohnekanatawa Hoyakalupjiya netlu satu hetkaluru Hoyakalu pixkonu tshinanu.

Atos 22:21

— Waneya wane pnute Tsru Hixikatshriwa Hoyakalu wan-tshinno: “Pyanutka, howuk-tshijne nyokanatanyi judeu mixkane tskalaya.”

Atos 23:9

Waneya tsru sapletshi rixna wanna. Satkaka kasruklewaklerune hinanchitkaluru pirana hasruklewatatshine, fariseu-ne hajene yopkaka waneya hipokananu wane htshinna: — Hike hektutu wukchijyalu xye jeji. Pa katako satu hiwejikaluru Hoyakalu towreru tenhohne hajeru ho satu hiwejikaluru hiynumatlu.

Romanos 11:25

Cristo tshinanu nmoletanune, naluklu hixa himaxyawaklu pa pirana yohimluru pirana. Himaxyawakaplu hi ptowru potuko himatawa. Judeu-nerune hi ptowru hohnekananuko chikohajirunepni seyni wan-rixachatna judeu-ne judeu mixkane hma poyahokajiknu pchinikwana hi ralixanna judeu-ne.

Romanos 16:25

Wuya wimalwutanru Hoyakalu! Wale himukata halixkaklepotuthi hixa, halixlewluya Jesus Cristo pirana, kihle piranalu potuko hiwekkaklewatatshri pirana, nunkakletleru tshinanu. Waleni halikakalutu pirana phujetanuru hix-hohne potuko mitshikananu yohimakanatkaluru pirana.

2 Coríntios 12:1

Wanepnawaka ntokanuwnanu yahmaklu hike hkochpakanu. Hiyáhoni xawakni nunkakletanru Tsru Hixikatshriwa Cristo hekhixyano nupnaleya hiyrun-koxa pimri hiphujetkaluru rekhixyano.

Gálatas 1:12

Hike yineru hinkakno wale pirana, hi satukna yineru hasrukno wale. Seyni Jesus Cristo potuko hiphujetpiranatlu hit-yehiya.

Efésios 1:17

Nanjijetlu Wutsrukate Jesus Cristo Hoyakalute, waleni Hirtshi ptowru potuko royaknu, renejyawakaphi himatkaltshi Hoyakalu Hiwejikaluru henekanwu hiphujetlewatatshri rimathexikolupa halikakalutu pirana Hoyakalu yehiya.

Efésios 3:4

Wale het-yonhaxini himatjemanru Cristo pirana yohimakanatkaluru nimatleru.

Efésios 3:6

Xyekni tokantshi yohimakanatkaluru. Kihle piranalu potuko hiwekkaklewatatshri pirana tshinanu, judeu mixkane kwawaklena judeu-neruneyma Hoyakalu henekanwu kihler-pirana. Judeu mixkane Jesus mane psojitnina judeu-neruneyma. Hiyrun-koxa Hoyakalu judeu-nerune runkaklexinri judeu-nerune mixkanen-koxatkani Jesus Cristo tshinanuya.

Efésios 3:9

Hiyrun-koxa renekno nimatjemkajyawakna ptowru neruka hanu potu rixa yohimakanatatshri pirana, Hoyakalu hixa hichinikanretlexyawakna pirana. Klu tshinanu Hoyakalu ptowru potuko hiyakotatshri ptowru papkokananuko mitshikananu hi ruphujetakanatlu xye pirana yohimakanatkaluru.

Efésios 6:19

Hit-koxa hanjihohneyehitanu, nunkaklewaxini, Hoyakalu henektokanuxyawakapno hiyrun-koxa nunkaklewaxini nma pijyawakanupa, nunkakle pirana rimatjemikowakap-koxa kihle piranalu potuko hiwekkaklewatatshri pirana npohitakanatanru pirana.

Colossenses 2:2

Wane nixa kamrurewleta ptowrunek-yine nmixkotahchinikanuxyawakapa hiyrun-koxa pa hchinikanurune potuko rixyawakapna ruchiniklewjexyawakapna. Hiyrun-koxa rimatpotuxyawakapna psoluka pohirewnalu Cristo-ya ptowru potuko hmixkonuyma. Hiyáhoni xye tshinanu hixa himukata himatlepotutlu, himatkaltshi halikak-potuko Hoyakalu yohimakanatanru pirana tshinanu mpikkanephi. Waleni Cristo.

Colossenses 4:3

Hanjihohnexini hix-koxa hanjihohneyehitanu, Hoyakalu himukata hikchika yapawaklexyawakapwu wunkaklexyawakaplu Cristo pirana mpohitakanatkotu pirana. Cristo pirana npohitle tshinanu kapna nutakka.

Hebreus 13:22

Hiyáhoni xawakni Cristo tshinanu nmoletanune, hakotanru tokantshi nujrexyahi. Klu tshinanu yonawahlo nyonanwakaxyahi hi ho piranru.

1 Pedro 5:12

Yonatatshri Silvano tshinkaluru. Hixa tshinanu moltshi halikakalutni suslahakleru potukni wale. Wale yonaxyano pso piranajiji Hoyakalu towuxyahi pirana. Hiyrun-koxa yonawahloyma nuphujetlu Hoyakalu halukleru halikakalutu himwatshine hixyawakapa pirana.

2 Pedro 3:15

Hichinikanru Wutsrukate Cristo kahwakachale renekpapkotna yine riwejyawakapna tshinanu. Wane potuko htshinatka wuchinikanru Paulo tshinkaluru, Cristo tshinanu wmoletanru. Wale wane htshinatkahi yonawahloya rimatkale Hoyakalu henejyalu tshinanu.