Efésios 3:2 - Bíblia

² Hix-hetko jempiranyehitlu Hoyakalu henejya tshinanno xye kamrurtshi renekno hixa tshinanupa.

Efésios 3:2 ပူးပေါင်းရင်းမြစ်များ

Atos 13:2

Waneya pa kata Tsru Hixikatshriwa Hoyakalu rimalwujekanaxinna hiyrunu rohajirewakanaxinna, Hoyakalu Hiwejikaluru wan-tshina: — Xawakni Barnabé hiyrunu Saulo hkotspalaxinno kamrurtshi tshinanu. Nnuretna satu kamrurtshi tshinanu.

Atos 13:46

Seyni Paulo, Barnabé htsernu hchinikanuyma runkaklewatna wane htshinna: — Raluk-hinkaklehapkatna hixa judeu-nhi Hoyakalu tokanu. Seyni hixa malujyawakanru tshinanu hiyrunu hiwejinri hikeklu hohne mnikawnakatupa hixa malujyawakanru tshinanu hixa wuknokanu xawakni judeu mixkane wunkakanu.

Atos 22:21

— Waneya wane pnute Tsru Hixikatshriwa Hoyakalu wan-tshinno: “Pyanutka, howuk-tshijne nyokanatanyi judeu mixkane tskalaya.”

Atos 9:15

Waneya Tsru Hixikatshriwa wan-tshinru: — Seyni wane pyanu klu tshinanu nnuretlu xye jeji hkamrurewaxyawakpatka hita tshinanu. Hita hiwaka hpohixinripa judeu mixkane yehiya, pohirtshin-yehiya, israel-nerune klopichane yehiya.

Romanos 1:5

Hiyáhoni Jesus Cristo tshinanu Hoyakalu henekno xye hitakkaluru, hnurreru nixyawakatka, Cristo tshinanu, nalixkajyawakapna, kajnako nixkajyawakapna yine psol-tshijne hajeneko.

Romanos 11:13

Hixa nunkaka, judeu mixkanhi. Hit-honra nuretkalurno judeu mixkane tshinanu hiyáhoni nuslahpotutlu nkamrure.

Romanos 12:3

Renekachale Hoyakalu hihlenu Hoyakalu henekachaxyano tshinanu, wla ntshina hixa satkakhi tshinanupa: Hi hkahwajinwa pimrine yohnik-hihlenhi hixyawaka. Seyni halixlewlu Hoyakalu henekachaleyma hyahoxinwa hanu hixatshinhi.

1 Coríntios 4:1

Hixa hijhalu Cristo-yma kamrurewatatshinwu hikahwajyawakwu. Hoyakalu pirana yohimakanatkaluru pirana hiphujetatshinwu.

Gálatas 1:13

Hixa jempiranatlu nixjekanaxyawaka pirana judeu-ne hiykole pirana nomkahjekanaxini. Hixa himatlu, Hoyakalu halixatshine hapatjetatshine nkamnixyawaka pirana. Nkamnipotutatkana nnikaxyawakamkapna.

Efésios 1:10

Rapokpapkoluxinixka Hoyakalu heneklu Cristo htowuxyawakaplu ptowru potuko. Ptowru potuko tenhohne hwatshri hiyrun-koxa ptowru potuko tshiji hwatshri htowuxyawakapa.

Efésios 3:7

Hoyakalu, hixa ruchinijyawaka tshinanu, rutakno Cristo pirana, hiwekkaklewatatshri pirana, jinkakletakleru nixyawaka, Hoyakalu tsru pixkonu rixle tshinanu.

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Efésios 3:9

Hiyrun-koxa renekno nimatjemkajyawakna ptowru neruka hanu potu rixa yohimakanatatshri pirana, Hoyakalu hixa hichinikanretlexyawakna pirana. Klu tshinanu Hoyakalu ptowru potuko hiyakotatshri ptowru papkokananuko mitshikananu hi ruphujetakanatlu xye pirana yohimakanatkaluru.

Efésios 4:21

Halikaka hjempiranyehreru Cristo hasruklewle wane potuko hixa hasrukletka halikakalutu tokantshi Jesus-ya.

Efésios 4:7

Hixa satkaka yoptotlu himatkalnutshi renekachale hiwekkaklewatatshri psolukatka reneksaxyawakatkawu satkakwu Cristo henejyawu psolukatka.

Colossenses 1:4

Klu tshinanu wjempiranyehitlu hixa halixle pirana Jesus Cristo-ya. Hiyrun-koxa wjempiranyehitlu ptowruneka Hoyakalu hayinetene hichinikjexyawaka pirana.

Colossenses 1:6

Xye tokantshi hix-yehi hapokatshritka ptowru tshijne hapokatshritkani. Xye tokantshi ptowru yineru tserutahchinikanutatshrini, hix-koxa htserutahchinikanjeta himatjeminixkalu Hoyakalu hihlenu hixa tshinanu halikak-potu piranaya heyijnaklekananuko haté xawakni.

1 Timóteo 1:11

Hoyakalu tokanu honra, kihle piranalu potuko hiwekkaklewatatshri piranni. Xyekni tokantshi Hoyakalu hinkakjixno. Walekni kihler-potuko tokantshi hiwekkaklewatatshri pirana Hoyakalu poyahnutkaluru heneklewle.

1 Timóteo 1:4

Puykotanna yine hi psol-hohneruka hyanumlexinrina hinkakluchakaka hiyrunu hi tsrunni hiwakkaka mlejikananuko hkochtshetanna. Klu tshinanu xye pirankaka kamhalu hepomsalu. Xyekaka hi hepixlu Hoyakalu kamrure. Klu tshinanu Hoyakalu kamrure halixluymako hkamhaka.

1 Timóteo 2:7

Wale tshinanukni nutakka nuretkaluru yokanatkaluru nixyawaka hiyrun-koxa judeu mixkane nasrujyawakapa nunkaklexyawakaplu Cristo halixikolu pirana, halikaka pirana. Hi nweyawata, halikaka pirana ntshina.

2 Timóteo 1:11

Hoyakalu nuretno, rutakno jinkaklewakleru nixyawaka, judeu mixkane nasrujyawakapa.