Efésios 2:7 - Bíblia

⁷ Hoyakalu wan-rixa rekhixyawakna hiwekatshinepa pa hohnechakananu hinatshripa hi psokananru renekachaxyana retwamonutkal-tshinanna Cristo Jesus-ya.

Efésios 2:7 ပူးပေါင်းရင်းမြစ်များ

Romanos 2:4

Ho peyikluhe xawaka Hoyakalu potshwanu, wale hchinikanu, hkahwakhohnekanaxyawakyi? Hi he puchiniklu Hoyakalu hihlenu kosejyawakyi pehchinikanuxyawakapa?

Efésios 1:7

Wuchinikanretjeru Jesus hiwekkakwu waleko hihraha tshinanu rupnale tshinanu. Rupnale hiknokatkalu wektunu, Hoyakalu hihlenu henekachale tsrur-potuko tshinanu.

Efésios 2:4

Seyni Hoyakalu hetwamonre tshinanu tsru potuko hiyrun-koxa ruchinijyawakwu tsru potuko.

Efésios 3:21

Himalwutkalurupni Hoyakalu, Cristo halixatshine hapatjetatshineya Cristo Jesus tshinanu ptowru papkoko mnikawnakatupni. Seyoka.

Efésios 3:5

Mitshikananu xye yohimakanatkaluru pirana hi renekna rimaxyawakna yine wale pirana, xawakni pixka. Seyni xawakni Hoyakalu hekhitna nuretkalune wale tokantshi hiphujetatshine hiyrun-koxa nuretkalune htokanu hinkakletatshine rekhita, Hoyakalu Hiwejikaluruya.

2 Tessalonicenses 1:12

Hiyahokni Wutsrukate Jesus Cristo hiwaka pohijexikowakapa hixa hitokoteya hiyrunu hixa himathexikowakapa Cristo-ya, Wutsrukate Hoyakalu hiyrunu Tsru Hixikatshriwa Jesus Cristo hepixleyma.

Tito 3:4

Seyni wane pnute Hoyakalu Wiwekkakjeru potshwanu hiyrun-koxa ruchiniklewle yin-yehi hiphujewniyatka.

1 Pedro 1:12

Hoyakalu mitshi himatjemkakatkana, hi wannako tshinanupni xye pirana seyni hixa tshinanupni. Xyekaka pirana runkaklena hixa tshinanu, xawakni hinkakka kihle piranalu potuko hiwekkaklewatatshri pirana jinkakletakleruneya Hoyakalu Hiwejikaluru, tenhohne hichpajikatshri hepixleyma. Haté hiwejikalune Hoyakalu towrerune tenhohne hajene hijha himatletlu klunerni xyekaka pirana.