Efésios 2:6 - Bíblia

⁶ Cristo-yma hipuktshi riwekkajyatkawu hiyáhoni Cristo Jesus-yma tsru hitakkaluru tenhohne hwatshri Hoyakalu henekwu.

Efésios 2:6 ပူးပေါင်းရင်းမြစ်များ

Mateus 26:29

Halikaka wane ntshinhi hikeklu hohne nnikanru xye Páscoa hohne tshinanupa haté rakanhanu Páscoa hohne potu Nuru Hoyakalu pohirewaxyawakaya.

Lucas 12:37

Hihlewahchinikanyehitkalunephi towrertshine hiyokatshine pixka hixini, ptowruka halpokatkalurpatka hpohire hnapu. Halikaka wane ntshinhi, hpoyiptshijixinwa phuru. Htuplakjixanna htowrene. Repixanutkana wale potuko.

João 12:26

Satu yineru kamrurewyehixinno, romkahitanno. Waneya hanukta nwanu hita wane koxa rawanu nkamrurewyehitjeru. Ptowru yineru hit-yehi kamrurewaxikatshri pejnu Nuru Hoyakalu kihler-pirana htshinanwakatanru.

João 14:3

Waneya nyinpatka, hixa hwiywakapa nalpokoxyawakapa, nunanutnaka. Hitako hwapanutkahi, hixa hita hwiywaka hwanutka.

Efésios 1:1

Hita, Paulo-no, Jesus Cristo nurrerno, Hoyakalu halujyawakako tshinanu, nyonatlo twu yonawahlo, Hoyakalu hayinetene tshinanu. Hixa Éfeso hajenhi, Cristo Jesus munanhahohnekanatatshinhi tshinanu nyonatlo.

Efésios 1:3

Himalwutkalurni Wutsrukate Jesus Cristo Hoyakalute, himalwutkalurni Wutsrukate Jesus Cristo Hiru. Hoyakalu honra ptowru hixatshri kihleru wiwejinri tshinanupa tenhohne hwatshri heneklewatatshri, hixa Cristo-ymalunwu tshinanu.

Efésios 2:10

Klu tshinanu Hoyakalu hiyakotwu Jesus Cristo-ya kihleru wkamhiywakapa. Kihleru wkamhin-honra mitshikawako ralpokotatkalu hixa tshinanu wkamhiywakaplu kihleru.

Efésios 2:13

Seyni xawakni Jesus Cristo-ymalunhi hixyawaka tshinanu hixa mitshikananu Hoyakalu yehi howuka hwakanatatshinhi hapokastsitlu Hoyakalu, Cristo hipnale tshinanu.

Colossenses 1:18

Cristo mane pixkalune, Cristo halixatshine hapatjetatshinetka yokanatatshrini Cristo jiwtshi pixkalutni. Walekni himane hiwekle heneklewatatshri. Walekni mitshikananu hipuktshi yotunoxikatshri hiyáhoni ptowru potuko hitsrukatekni wale.