Efésios 2:5 - Bíblia

⁵ Wale tshinanu Hoyakaluya, hipnakanatatshinwu wixjekanata wmalixlenu tshinanu, Hoyakalu, Cristo walixyawaka tshinanu, riwekkakwu. Klu tshinanu Hoyakalu henekachale tsonu tshinanu wiwekkakka.

Efésios 2:5 ပူးပေါင်းရင်းမြစ်များ

Lucas 15:24

Klu tshinanu xye noturu nupnaholerutka hiwekhonukatnaka, hamhakanatatshri hiphujewnatka.” — Waneya hyinuwaka poyikowletna.

João 5:21

Nuru hiwekkakjetna hipnatshine, hiweklu renekjetna. Hiyáhoni waneko pixka nix-hita Whentshi tshinkalurno. Hanuruktako yineru naluk-hiwekkakleta, niwekkaklu.

João 6:63

Hoyakalu Hiwejikaluru waleni henek-hiweklerewatatshri. Wimane hike kochpakatshrini. Tokantshi ntshinyahi waleni Hoyakalu Hiwejikaluru, hiweklu reneklewata.

Atos 15:11

Seyni Tsru Hixikatshriwa Jesus walixyawaklu tshinanu wiwekkakka ruhlenu renekachale tshinanu, wanna pixka hchinikannu tshinanu.

Romanos 16:20

Hiyrun-koxa Hoyakalu wapnanuhchinikankakjeru, xekoyaka hallitanru Satanás-pni. Hixa hakakanru. Nanjitlu Hoyakalu, Jesus Cristo hihlenu himatkalewkakanhi.

Romanos 3:24

Seyni Hoyakalu powratachatlu yineru, hi rujhalu hwenuxikowaka, Hoyakalu henekachalewata klu tshinanu Cristo Jesus wenutatkalu.

Romanos 4:16

Hiyáhoni Hoyakalu hinkakletlu halixatshine tshinanu. Wan-rixa Hoyakalu rimaxikowaka Hoyakalu hinkakletanru renekachatanna Abraão-ni klopichane ptowrun-potuka, hi Moisés yonreru pirana homkahitatshine tshinanu tsonu seyni ptowru yineru pejnu halixatshri Abraão-ni pixka hixa halixletatshri tshinanni. Klu tshinanu Abraão-ni wuruta hixa halixatshinwu ptowrunekwu.

Romanos 5:10

Wkamnitmaklu Hoyakalu seyni rimatletawawu hituru hipnal-tshinanu. Rimatletatkawu hiyáhoni wane pnuteyaka wiwekkakko Cristo hiwekle tshinanu.

Romanos 5:6

Klu tshinanu hi wumukata hepixlexnawa, wumtuknu tshinanu hiyáhoni rapokpapkoluxinixka Cristo hipnapatka hixa tshinanu.

Romanos 5:8

Seyni Hoyakalu wla rixa hekhiretlu hi pa hamotlekananu rixwu klu tshinanu hektune wixakanaxiniwa Cristo hipnapa hixa kachrijru.

Romanos 8:2

Hiwejikaluru hiykole Cristo Jesus tshinanuya, hiwekkaklewatatshri kochpakno hektuntshi towre pixkonuya hiyrunu hipuktshi heneklewatatshri pixkonuy-koxa.

Efésios 2:1

Mitshikananu hipnatshine pixka hixakanata Hoyakalu tokanu hmajnakowakanaxyawaka tshinanu, hektunu tshinanu.

Efésios 2:8

Klu tshinanu Hoyakalu himukatle reneklewle hiwekkakatkahi Jesus halixikowaka tshinanni. Hiyrunu hi hixako wuhlenu tshinanu riwekkakwu seyni Hoyakalu henekachale tshinanu tsonu wiweka.

Efésios 5:14

Klu tshinanu ptowru potuko hiphujetkalurni katawakaya. Hiyáhoni mitshikawlur-pirana wan-tshina: “Pixa himkatshriyi, puyokanu xako! Hipnatshri yehi puchpajinixka, Cristo Katalu nikotyehitanyi.”

Colossenses 2:13

Hixa hipnakanatatshinhi hixa hektunu tshinanu hiyrunu mjiprojhakanhi Cristo-yma hiwekkakalunhi. Hoyakalu hamtakahchinikanyehixyatkahi hixa hektunu ptowruka.

Tito 2:11

Klu tshinanu Hoyakalu hekhitlu repixle, hiweklu heneklewatatshri, rawamka ptowru yineru tshinanumka.

Tito 3:5

Riwekkakwu hi hixako wkamhaleru kihleru tshinanni seyni rixa hetwamonrewlexyawaka tshinanni. Herokakalunwu herotu matuxikolu tshinanu rerotetwu Hoyakalu Hiwejikaluru himukatle tshinanwu.

Apocalipse 22:21

Nanjitlu Wutsrukate Jesus henekachale hihlenu hixa ptowrunekhi tshinanupa.