Efésios 2:3 - Bíblia

³ Halikaka mitshikananu ptowrunekwu wanna pixka hixjekanatatshinwu, womkahjekanatlu hixako wixjexyawaka. Wkamhajekanatlu wimaneko hiyrun-koxa wihchinikanu halujyawakako. Hiyáhoni hix-koxa pimrineko pixka wixa kahwaklekanatlu Hoyakalu hapnokatlewle.

Efésios 2:3 ပူးပေါင်းရင်းမြစ်များ

Gênesis 5:3

Riwekatka Adão cento e trinta mhale waneya hwuhenetlu hiwhene wale pixka potuko rixa, Adão yáholu potuko. Wale hiwakni Sete.

Gênesis 6:5

Waneya retlu Tsru Hixikatshriwa Hoyakalu hi psokananru hektutu rapatjererna yine tshijiya hiyrunu rethixanutna yine hektutu tsonu ruchinikanretjetna rajiyna ptowru hohneruka.

Gênesis 8:21

Waneya Tsru Hixikatshriwa Hoyakalu hamluphatlu kihlephaholu waneya wane htshinnawa: — Hi nsaletanutnaklu tshiji yine tshinanu klu tshinanu yine hektuwaka tsonu ruchinikna hmatureyakawa hyinuwaka haté xawakni. Hi koxa napnokatanutnaklu ptowru hiwekatshri, hanu nixa hapnokatletanna mitshikawlunni.

Marcos 4:19

Seyni kojwakahchinikanrukaka, ho pohirewnalu, ho poyikowlukaka xye hohne hexikaluru mixkowpotuta waneya xekoyaka hkakmokannatkalu. Hiyáhoni hi hjiwatanatkana.

João 1:13

Wanna ptowruneka hi hrahtshiyma matutatshine tsonni, hi mantshi matuxikatshine tsonni, hi yineru halujyawaka tshinanu matutatshinetkani seyni Hoyakalu tshinanu matutatshinni wanna.

João 8:44

Hixa hirni, Tsru Kamtshi, hichpajikatshinhi. Hiyrunu hiru hikchikhihlenreru hektutu hkamhanu. Waleni jiylalewakleru hyinuwaklekananukawa. Halikakalutu pirana mimwakatni wale. Klu tshinanu hikeklu rimwatkalu halikakalutu pirana. Hweyawaxini, waleko hihchinikanu tshinanu wan-rixa. Klu tshinanu kayloklerni wale hiyrun-koxa ruyakotlu weyawlu.

Atos 14:16

Mitshikananu Hoyakalu hetachatlu ptowru nerkaka wannako ralujyawakako romkahixyawakna.

Romanos 1:24

Hiyáhoni Hoyakalu hichochatna hektut-potuko hkamhiywakna hektu haji rixle tshinanna, kapatmenuru hkamhakajyawakna wannakakluko.

Romanos 11:30

Seyni hixa judeu mixkanhi mitshikananu majnakowaxyatkalu Hoyakalu. Seyni judeu-nerune majnákonu tshinanu Hoyakalu hetwamonutatkahi.

Romanos 13:14

Seyni Wutsrukate Jesus Cristo wutajinwa. Hiyrunu hi wujhanru wimane halujyawaka wkamhiywaka.

Romanos 2:14

Klu tshinanu judeu mixkane, Moisés yonreru mwikanemkani, seyni wane potuko rixinna ruphujetluna wannako rimwalerna htowutjerna yáholu Moisés yonrerumka hi rimwana.

Romanos 5:10

Wkamnitmaklu Hoyakalu seyni rimatletawawu hituru hipnal-tshinanu. Rimatletatkawu hiyáhoni wane pnuteyaka wiwekkakko Cristo hiwekle tshinanu.

Romanos 5:9

Hiyáhoni Cristo tshinanu hi wetanru Hoyakalu hapnokatlewle klu tshinanu Cristo hraha hiyokle tshinanu wpowratka Hoyakaluya.

Romanos 6:12

Hiyáhoni hi hitshitanru hektuntshi towuxyawaklu himane moyakatu, himane het-sotanre hma kamhiywakanupa.

Romanos 7:18

Klu tshinanu nimatlu hita hitokote hikeni kihleru, walekni, nomane hi rawa kihleru. Klu tshinanu hitamka haluka kihleru nkamhiywaka seyni hi nkamhalu.

Romanos 9:22

Wan-rixa Hoyakalu. Rahkalene ralpokohnaputatka ramhiywakapna Hoyakalu tsru hakotlu rixachakananyehitna klu tshinanu Hoyakalu haluk-hekhirexnawa hjihekannu, yine himukata hetlexyawakaplu hpixkonu.

1 Coríntios 4:7

Kathe wan-hixkakyi halukkaluru potu pixyawaka pimrine pnute? Hi he Hoyakaluko henekatkayi ptowru potuko pimwaleru? Hiyáhoni klu pimalixkoxinwa pma yoptotanutu pixka?

2 Coríntios 7:1

Nuchinikanune nimatletlene, xye ptowruka Hoyakalu hinkaklexyapiranwu hixanni. Hiyáhoni xawakni hpowraxinwa ptowru hixatshri wimane pitshotatshriya hiyrun-koxa wsamenru. Potukalun-potu wixinwa ptowru hohneruka Hoyakalu kahwakpiraxikol-tshinanu.

Gálatas 3:22

Seyni Hoyakalu tokanu yonatkaluru wan-tshina, ptowru yineru potuko hektuntshi towutlerni. Wan-rixa hiyáhoni halixlu tshinanu ptowru yineru potuko himukata yoptoletanru Hoyakalu hinkaklexyana hyoptotanrupna Cristo halixatshinetka.

Efésios 2:2

Waneklu papko xye tshiji hixjexyawaka hektutu homkahjekanata, hixa halixjekanatlu tsru hitakkalune metkone hektune malehohnewaka hajene towutatshri. Walekatkani ptowruneka Hoyakalu malixkane towutatshri.

Efésios 4:22

Hiknokanru xako mitshikananu hixjekanaxyawaka hixako halujyawaka, walekni himtukjekanathi sotanuhonutshi yokwire tshinanu.

Colossenses 1:21

Mitshikananu hixa howuka hwakanata Hoyakalu nwakaya. Hiyrun-koxa hektutu hixa kamhajekanatanru tshinanu hiyrunu hektutu hichinikanretjekanatanru tshinanu hixa kamnijekanatlu Hoyakalu.

1 Tessalonicenses 4:13

Cristo tshinanu nmoletanune, naluklu himatjemyawaklu hipnatshine pirana hanu potu rixna, hma wamonuwaxyawakanupa pimrine pixka, hike mkahwakane pixka, hmixyawakanupa.

1 Tessalonicenses 5:6

Hiyáhoni xye tshinanu hi himkatshine pixkalunepwu pimrine pixka seyni hiyokatshine pixkalunepwu halikaka. Kahchinikanurunepwu.

1 Timóteo 6:9

Halikakni tsru tiyiro kaypiratatshine hyahotalexikowakna hyana. Ptowru hixatshri hike mkochpakkatu halujikolu hektutu hyohnixnawa yineru. Xyekaka heneklu yineru salewaktshi hiyrun-koxa hamhikowaka raniklewata.

Tito 3:3

Klu tshinanu hix-koxa mahchinikanunekananwu mitshikananu. Hektuwaka kamhatshinekananwu, pupjetatshinekananwu. Ptowru hixatshri xye tshiji halukanru hiyrunu poyikowlu womkahjekanata. Hektutu womkahjekanata, wet-sotanrewjekanata. Wahnanuwjekanata. Hixkakluko wahnanutkakjekanata.

1 Pedro 1:14

Mturune kajnakolune pixkalunephi. Hi hyimanru mitshikawluru het-sotanruru hmahchinikanuklunuwa papko pixka.

2 Pedro 2:14

Himopatlewlu romkahitna hiyhaleymana ptowru papkoko. Hi rumukata hicholetluna hektuntshi. Mpoyehi hchinikanune rutsekna. Wanna tsonu repixikolna ruchinikanretna. Hektuntshi whenenni.

2 Pedro 2:18

Klu tshinanu tokantshi halukkaluru phuta hyanumjexinrina ralixkotjetna pirana, mantshi haluklerukaka chinikantshi mimaletkotu hkosetna hajeyri hektuntshi yehi hasukpiraxikatshinewa.

1 João 2:16

Klu tshinanu ptowruka xye tshijne hwatshri, yiner-mane het-sotanreru, yhaltshi het-sotanrewle, hiyrunu ptowru halixkolewlu, hi Wuru Hoyakalu yehi hichpajikatshrini seyni xye tshijne hichpajikatshrini wale ptowruka.

1 João 2:8

Seyni herotu yokanrur-pirana nyonanwakatanutnakhi. Waleni halikakalutu Jesus Cristo-ya hixay-koxa, klu tshinanu mapchahalu hiknohpiratatka hiyrunu katalu halikakalutu mixkowamtatka.