Efésios 2:2 - Bíblia

² Waneklu papko xye tshiji hixjexyawaka hektutu homkahjekanata, hixa halixjekanatlu tsru hitakkalune metkone hektune malehohnewaka hajene towutatshri. Walekatkani ptowruneka Hoyakalu malixkane towutatshri.

Efésios 2:2 ပူးပေါင်းရင်းမြစ်များ

Mateus 11:19

Runa Jeji Whene tshinkaluru. Hnika, rura. Seyni hixa wan-tshina: “Haha hetanu, xye jeji tsru nikalu, vinho-ha jirakleru. Jijhawenruklerune hiyrun-koxa hektune rimatleta.” Hiyáhoni yine hetanru Hoyakalu himatkalewle potukalu rixyawaka, Hoyakalu himatkalewle himwatshri kamrure tshinanu.

Mateus 13:22

Waneya hitataji kona yehi hapoktatajitatshine wanna Hoyakalu tokanu jematshine pixkalune seyni kojwawaktshi xye hohne hajeru tshinanu ho pohirewnalu yokwire hakanhinipa, hkakmokannatkalu hiyáhoni hi hjiwatanatkana.

Mateus 13:38

Hsanni xye tshijne. Kihletatajiru wannakatkani Hoyakalu pohirewaxyawaka hayinetene. Kchana walekatkani Hoyakalu kamnitjeru hayinetene,

Marcos 4:19

Seyni kojwakahchinikanrukaka, ho pohirewnalu, ho poyikowlukaka xye hohne hexikaluru mixkowpotuta waneya xekoyaka hkakmokannatkalu. Hiyáhoni hi hjiwatanatkana.

Lucas 16:8

— Waneya phuru hikchikhihlenutatkalu pantshi muhle hislahletkatu rimatkalnu tshinanu. Waneya Jesus wla tshina: — Yine, xye hohne hwatshine, yine katawaka hwatshine yohnik-jimatkalerunni xye tshiji hajeru piranaya.

Lucas 22:31

Waneya Jesus wan-tshina: — Simão, Simão. Hetanu, Tsru kamtshi Satanás-mka halukyi pixa. Raluk-hixirikletmakyi hahosu hixirijikowaka pixka.

João 12:31

Xawakni rapokpapkolutatka xye tshijne rukolukanuwnayehixikolupa. Xawakni kamtshi xye tshijne towutatshri hallitkotka.

João 13:2

Jesus hiyrunu rasruklene hali nikletatka. Kamtshi koxa hali hitakahchinikanretatkalu Simão whene, Judas Iscariotes tshinkaluru, Jesus rekhixyawakapa hkamnitjeneya.

João 13:27

Pão yotshmoluru hnika waneya chinpotukawa Satanás kamtshi jihloklu. Waneya Jesus wla tshinru: — Wuya pkamhalerupa pkamhahapkatanu.

João 14:30

Xawakni pnutpatka hi hixo pirana nunkakanhi klu tshinanu xye tshijne towutatshri hinanu. Hike htowutanu hit-yehiya.

João 15:19

Xye tshijne hajeneymalune hixkamka waneyamka hamotko hixa wannanu pixka. Seyni xye tshijne hajeneymalune hma mixyawakanu tshinanni, hiyrunu nurethi xye tshijne hajene hmixyawakanu tshinanu, xye tshijne hajene hahnanuthi.

João 16:11

Hikolukanuwnalu klu tshinanu xye tshijne yokanatatshri hikolukanuwnatka.

João 7:7

Xye tshijne hajene hi himukata hahnanutlethi hixa, seyni hita rahnanutna klu tshinanu hkamrurna phujewaka nutaklu rimathexikowaka hektutni hkamrurna.

João 8:23

Waneya Jesus wla tshinatkana: — Hixni xye tshiji hwatshinhi. Seyni hitni teno hajerno. Hixni xye tshijne hajenhi seyni hitni hi xye tshijne hajerno.

João 8:44

Hixa hirni, Tsru Kamtshi, hichpajikatshinhi. Hiyrunu hiru hikchikhihlenreru hektutu hkamhanu. Waleni jiylalewakleru hyinuwaklekananukawa. Halikakalutu pirana mimwakatni wale. Klu tshinanu hikeklu rimwatkalu halikakalutu pirana. Hweyawaxini, waleko hihchinikanu tshinanu wan-rixa. Klu tshinanu kayloklerni wale hiyrun-koxa ruyakotlu weyawlu.

Atos 19:35

Waneya tsru poktshi hajeru yonawahlewjetatshri potshke hixkakna hixolune yine. Wane htshinna: — Jejine, Éfeso hajene, ptowru yineru himatlu Éfeso poktshikni hislahjetlu Tsro hoyakalo Diana-pji hiyrun-koxa sotlu tenhohne hichpajikatshri rihnanutjetna. Kahwakpiratkaluru hkahwakluna wanna.

Atos 5:3

Waneya Pedro wan-tshinru: — Ananias, haklu tshinanhe pitshitlu Satanás htowuxyawakyi pihchinikanuya pweyawyehixyawaklu Hoyakalu Hiwejikaluru pumutujyawaklu psoji tshiji wenru?

Romanos 12:2

Hi hewi tshijne hiwejikatshine pixka hixanu seyni hitshitanru Hoyakalu herotexyawaklu hixa hchinikanu psol-potuko. Wan-hixatshinephi himatanru Hoyakalu halukanru kihleru hiyrunu hikchikhihlenruru hiyrunu ruhleretanru potuko.

1 Coríntios 5:10

Seyni hi ptowrun-potuko xye psol-tshijneko hajene kapoklewakleruneyma ntshina. Hiyrun-koxa hi ptowru ksotanuholuneyma, hi ptowru katshowhuruneyma, hi ptowru mayawletshicha kkahwakpirakleruneymako ntshina. Klu tshinanu wan-hixinipa, hixa hijhalu xye psol-tshijneko hichpajyawaka.

1 Coríntios 6:11

Mitshikananu satkakhi hixa wan-hixjekanatatshinhi. Seyni hixa hektuntshi herojikatka, Hoyakalu yoptolenetkahi, hi jihyehitkalunetkahi Hoyakaluya, Wutsrukate Jesus Cristo tshinanu hiyrun-koxa Hoyakalu Hiwejikaluru tshinanu.

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

Gálatas 1:4

Cristo henejnawa rupniywaka wektunu tshinanu. Wan-rixa Cristo riwekkajyawakwu xye hektutu hohneya, Hoyakalu, Wuru halujyawaka tshinanu.

Efésios 1:21

Ten-hajene ptowruneko tsrukakalune pnute, tsru hitakkalurkaka pnute, ptowru hixkolkaka pnute tsru potni wale, Jesus Cristo. Hi xye hohnepka ptowru potuka yokanatatshripni seyni ptowru hinatshri hohnepa koxa pnuterutni Jesus Cristo.

Efésios 2:11

Judeu mixkane hixjexyawaka tshinanu, mjiprojhikanwa tshinkalunhi judeu-neya. Jiprojhal-pirana wale yine kamrure tsonni. Hichinikanru mitshikananu hkamrure.

Efésios 2:13

Seyni xawakni Jesus Cristo-ymalunhi hixyawaka tshinanu hixa mitshikananu Hoyakalu yehi howuka hwakanatatshinhi hapokastsitlu Hoyakalu, Cristo hipnale tshinanu.

Efésios 2:3

Halikaka mitshikananu ptowrunekwu wanna pixka hixjekanatatshinwu, womkahjekanatlu hixako wixjexyawaka. Wkamhajekanatlu wimaneko hiyrun-koxa wihchinikanu halujyawakako. Hiyáhoni hix-koxa pimrineko pixka wixa kahwaklekanatlu Hoyakalu hapnokatlewle.

Efésios 4:17

Hiyáhoni Wutsrukate Jesus hiwaka tshinanu wane ntshina hiykolethi: Hi malixkane pixka hixa hiwekletanu, klu tshinanu wanna mahijeru hichinikanuwleta.

Efésios 4:22

Hiknokanru xako mitshikananu hixjekanaxyawaka hixako halujyawaka, walekni himtukjekanathi sotanuhonutshi yokwire tshinanu.

Efésios 5:6

Xako hike yineru yokwijetanhi tokantshi mal-himaluya. Klu tshinanu xyekaka ntshinakanatanru kamhatshine Hoyakalu hapnokatanna wanna hektuwaka kamhatshine.

Efésios 5:8

Klu tshinanu hix-koxa mapchahawaka yapjekanata mitshikananu seyni xawakni Hoyakalunerune hixyawaka tshinanu katawaka hyaninixka. Hiyáhoni hiwekanu katawaka hiwejikatshine pixka.

Efésios 6:12

Klu tshinanu wkamnitjene hi yinni kahiturune, hi kahrahalune seyni wkamnitjene wannakni kamtshine hmuhlenuymana xye psol-hohneko yapatshine hiyrunu tsrukakalune, tsru hitakkalune, malehohnewaka hwatshine tsru pixkontshiyma yine yokwijpiratatshine, kamtshi yokwijpiratwu towutlewpiratatshineya.

Colossenses 1:21

Mitshikananu hixa howuka hwakanata Hoyakalu nwakaya. Hiyrun-koxa hektutu hixa kamhajekanatanru tshinanu hiyrunu hektutu hichinikanretjekanatanru tshinanu hixa kamnijekanatlu Hoyakalu.

2 Timóteo 4:10

Klu tshinanu Demas tshinkaluru hiknokamtatkano. Xye tshijne hajeru tsonu hichinikanretatshrini wale. Tessalônica poktshi nwaka Dalmácia tshijne hyatka. Crescente tshinkaluru Galácia tshijne nwaka hyatka. Tito tshinkaluru Dalmácia tshijne nwaka hyatka.

Tiago 1:27

Hoyakalu Hirtshi himalwuxikolu rukchikhihlenreru kihleru potukalu waleni murune hepixikolu hiyrunu hipnahnurutatshrone hepixikolu hsalewnalna tshinanu hiyrun-koxa rimrexinwa powra hchinikanuru xye tshijne hajeruya.

Tiago 1:7

Wan-hixatshri yineru hi kahwakanru pa hixanu renejikolupa Tsru Hixikatshriwa Hoyakaluya.

Tiago 4:4

Hoyakalu hiknokachatatshinhi! Hi he himatlu xye tshijne hajerkaka himatlexini Hoyakalu hkamnita? Hiyáhoni katuktako himatlexiniplu xye tshijne hajerkaka Hoyakalu hkamnita.

1 Pedro 1:14

Mturune kajnakolune pixkalunephi. Hi hyimanru mitshikawluru het-sotanruru hmahchinikanuklunuwa papko pixka.

1 Pedro 4:3

Klu tshinanu wiwekle hiknohatshritka tshinanu wpoyahokakatkalu ptowru potuka malixkane halukanru. Waneklu papko womkahikanatlu hapoklewlu, mantshi het-sotanrewle, himri, hahsalu, tsru niklu hiyrunu hoyakalu minjene himtuklewatatshine kahwakpirlu womkahjekanatatka.

2 Pedro 2:14

Himopatlewlu romkahitna hiyhaleymana ptowru papkoko. Hi rumukata hicholetluna hektuntshi. Mpoyehi hchinikanune rutsekna. Wanna tsonu repixikolna ruchinikanretna. Hektuntshi whenenni.

1 João 3:10

Wane wixa himathetletanna Hoyakalu whenene, kamtshi whenen-koxa: Ptowru yineru potuknutshi mkamhakatu, ho Cristo tshinanu hmoletanru hma muchinikkanuklunru katuktako, wale hi Hoyakalu matkaklerni wale.

1 João 3:8

Ptowru yineru hektuwaka kamhatshri, kamtshinerutkani. Klu tshinanu hyinuwaklekananuko hmajnakowata kamtshi. Hiyáhoni xye tshinanukni ruphujewnapa Hoyakalu Whene, hnikaxyawakaplu kamtshi kamrure.

1 João 4:4

Mturune, Hoyakalunune wanna hallitatka. Klu tshinanu hixa himwaler-potu himukatatshri xye tshijne hwatshri yohnikayalutni wale.

1 João 5:19

Wimatlu Hoyakalununetkawu. Wimatkoxlu xye tshijnemka ptowruka htowuta kamtshi.

1 João 5:4

Hoyakalu matkaklene hallitanru xye tshijne. Xye tshijne hallitatshri, waleni walixle. Xyekni wkaykakjeru.

Apocalipse 12:9

Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.

Apocalipse 13:14

Hyokwijetna tshiji hwatshine ptowruneka himyekaklewatatshrikaka hkamhaleruyma, rumukatle renejikolu tshinanu, mitshikananu kmatsyiru hetanu. Runkakjixna xye tshijne hajene mayawletshicha hkamhiywakapna kmatsyiru mayawleya, yohlolewapi kastakjiwuxikalurutka seyni hi rupna.

Apocalipse 13:8

Ptowru tshiji hwatshine, katuktako hi khiwaka Carneiro Whene tshinkaluru, hiylatkaluru papel-te stenoya xye tshijne hiyakotkoklunukananuko, hiweklu heneklewatatshri steno mwa hiwakatkatu, himalwutanru kmatsyiru.

Apocalipse 16:17

Waneya hiwejikaluru Hoyakalu towreru tenhohne hajeru sete rixinri, hipkaklu histono hwatshri malehohnewaka yehi. Waneya tokantshi tsru himalu potuko Hoyakalupji, tenhohne hwatshripji, pohirtshi tuplawakle yehi, hichpaktokanuxyatka, wla tshinatshri: — Ralixatka!

Apocalipse 20:2

Waneya hkachpotutlu dragão, wale honra himnu hitsruka, Tsru Kamtshini wale, Satanás tshinkalurni. Rostutlu. Mil mhale pejnu hostutkalurni wale.