Efésios 2:18 - Bíblia

¹⁸ Cristo tshinanu, hixa ptowrunekwu, judeu-neru hiyrun-koxa judeu mixkanhi, wumukata yanwakletlu Hoyakalu, Hirtshi wtshinreru nwaka, Hoyakalu Hiwejikaluruya satupkalutu.

Efésios 2:18 ပူးပေါင်းရင်းမြစ်များ

Efésios 3:12

Jesus Cristo wmunanhal-tshinanu hi wpika. Hiyahokni kihlehchinikanwu hiyrunu kihle hapoklepwu Hoyakalu nwaka Jesus Cristo walixyawaka tshinanu.

1 Coríntios 12:13

Hiyrun-koxa hixa ptowrunekwu ho judeu-nerunwu ho judeu mixkane ho hixa towretshinwu ho hixa hichpakatshinwu, wutakka hixa ptowrunekwu pa manepka wixikowaka walerutu Hiwejikaluruya. Hiyrun-koxa wutka hixa ptowrunekwu satupkalutu Hiwejikaluruya.

Romanos 5:2

Walixle tshinanu Cristo wan-hixwu Hoyakalu hihlehchinikanrewle henekachalu wyoptoxyawaka. Wane wixa haté xawakni. Wale tshinanu wpoyikowata klu tshinanu Hoyakalu hoyaknu wkahwakanu.

Efésios 4:4

Cristo mane satupkalu hiyrun-koxa Hoyakalu Hiwejikaluru satupkalu. Wkahwakleru hiwejikaluru hike rixiniko mnikawnakatupa Hoyakalu tshanixlewle satupkalutu.

João 14:6

Waneya Jesus hihitna: — Hitni hatnu hapno, Hitni halikakalutno, Hitni hiwekluno. Yine Hita tshinanu tsonu rumukata hapokanwakletluna Nuru Hoyakalu.

João 10:9

Hitni carneiro jihlokawakleno hiyáhoni katukta hita hiknohanu riwekanu, hjihlokanu, ruchpakanu, rukchikanru hnikleru.

João 10:7

Waneya wane pnute htshina hinkakleta Jesus: — Halikakni ntshinhi, Hitni hiphaptono carneiro jihlokawakleno.

Colossenses 1:12

Hiyrun-koxa himalwutanru Wuru Hoyakalu wpoyahokakjeru wtsaklawkakjeru ptowru potuko ralpokleru rayinetene tshinanu Hoyakalu pohirewaxyawaka katawaka hwiywaka.

Gálatas 4:6

Hiyáhoni rekhixyawakaplu Hoyakalu whenene wixyawaka, Hoyakalu yokanatlu Hituru Hiwejikaluru, wan-tshinatshri wajiya. Hipokananu wla htshina: “Hirtshi, Nuru.”

Romanos 8:15

Klu tshinanu Hiwejikaluru honra Hoyakalu henekanwu, hi jhamleholune rixkakanwu. Seyni Hoyakalu Hiwejikaluru wan-hixkakwu Hoyakalu whenene wixyawaka. Hiyáhoni Hoyakalu Hiwejikaluru pixkonu tshinanuya hipokananu wane wtshinanu: Hirtshi! Nuru!

1 Pedro 3:18

Klu tshinanu pa katapka Cristo koxa salewnatka hektuntshi tshinanu. Hiyáhoni kihleru kamhatshri salewnatka hektutu kamhatshri tshinanupa. Wan-rixa Cristo ranijyawakapwu Hoyakalu nwaka. Waneyakni Cristo ruylaxikolu himane tsonu seyni riwejinri hiwekkakhonuklu.

Efésios 6:18

Xye ptowruko hkamhanu hanjihohneruya Hoyakalu hanjitanu repixyawakaphi. Hanjihohnetanu hi hituk-hanjihohneretanu. Hoyakalu Hiwejikaluru kosekle homkahitanu hanjihohneruya. Hi himnanhanu. Hi hihrokanu hanjihohneruya. Hanjihohneyehitanna Hoyakalu halixatshine.

1 Coríntios 8:6

Seyni hixa tshinanu waneru satupkalutu Hoyakalu. Waleni Wuru Hoyakalu ptowru potuko hiyakotatshri. Wiweka wale halujyawaka wkamhiywaka. Hiyrun-koxa Wutsrukate Hoyakalu satupka. Waleni Jesus Cristo. Ptowru potuko hkamhaka Jesus Cristo tshinanuko. Haté hix-koxa hwa Jesus Cristo tshinanu.

Hebreus 7:19

Klu tshinanu Moisés yonreru towre hike hpotukata. Seyni kahwakkaluru wane pnute himukatatshri hakanhatka. Hiyáhoni xye kahwaklu tshinanu Hoyakalustsi wapokanu.

Efésios 3:14

Wale tshinanu nyoptsojityehitlu Wuru Hoyakalu nanjihohnexyawaka.

Judas 1:20

Seyni hixa nuchinikanune, halixlu potukal-potuko hoho, hpoyehixinwa. Hanjihohnetanu Hoyakalu Hiwejikaluru hepixleyma.

1 Pedro 1:21

Wale tshinanu Hoyakalu halixa, Cristo hiwekkakjeru hipuktshiya hiyrunu Cristo hiphujetjeru. Wan-rixa kahwakachalu hiyrunu halixlu Hoyakalu yehi yoptoxikalurupa.

1 Pedro 1:17

Wuru Hoyakalu hiwaka hmunanhini, yinecha mkahwakpiratkatu, ptowru yineru kamhanru hetatshrini tshinanu, xye tshij-hoho hwaka pchinika hkahwakpiratanru Hoyakalu ptowru tshinanuya.

Mateus 28:19

Wale tshinanu hyanu. Hasrukanna ptowru tshijne hajene. H-batiza-tanna Hoyakalu Hirtshi hiwakaya, Hoyakalu Whene hiwakaya, Hoyakalu Hiwejikaluru hiwakaya.

Tiago 3:9

Winruyma wimalwutlu Hoyakalu, Wuru honukla. Wanepnawaka winruyma wkamakpiratna yine, Hoyakalu yáholu potuko hiyakoxikalune.