Efésios 2:16 - Bíblia

¹⁶ Cruz rupniywaka tshinanu Cristo nikatlu hahnanuwlu. Cruz tshinanu hepi neru pa nerupka rixatkana. Hiyáhoni Hoyakalu nwaka hsatkakatkawu.

Efésios 2:16 ပူးပေါင်းရင်းမြစ်များ

Romanos 5:10

Wkamnitmaklu Hoyakalu seyni rimatletawawu hituru hipnal-tshinanu. Rimatletatkawu hiyáhoni wane pnuteyaka wiwekkakko Cristo hiwekle tshinanu.

Romanos 6:6

Hiyáhoni wimatanru wiwekle mitshikawlurni hipnanatka Cristo-yma cruz-ya hnikawniywakapa hektuntshi mixkonu, hektuntshi mtowuxyawakanupwu.

Romanos 8:3

Moisés yonreru hi kmixkonu klu tshinanu hektuntshi hihrokahchinikankaklewatatshri himaletlewata. Seyni Hoyakalu hituruko hyokanatatka yineru hektuntshi hwaleru pixka rixyawakapa hektuntshi hkamnixyawakapa hiyáhoni ruylatlu hektuntshi yineru mane hwatshri.

Romanos 8:7

Hiyáhoni waleko ralujyawaka kamhatshri Hoyakalu hkamnita. Klu tshinanu wan-hixatshri hi yijnakotlu Hoyakalu yonreru. Halikaka wan-hixatshri hi himukata homkahretlu Hoyakalu.

1 Coríntios 10:17

Klu tshinanu hixwu pão nikatshinwu. Seyni wale pão satupkalu, walerutu pão wnika. Hiyáhoni hixa hixolunwu pa manepkawu.

Gálatas 2:20

Seyni niweka wanepnawaka. Seyni halikaka hiwekatshri hi hitni seyni Cristo, hita nanwaka hiwejikatshrini. Xawakni xye niwekle Hoyakalu whene halixikolu tshinanu niweka. Walekni namotjeru hiyrunu renejnawana hita tshinanu.

Efésios 2:15

Cristo, waleko himaneyma, nikatlu judeu-nerune hiykoxikolu piranakananu Moisés yonreru piranni, himaletlewakanatatshri pirana. Hiyáhoni hepi nerukananu pa nerupka rixkaka. Rimatletkakna Cristo tshinanuya.

Efésios 3:6

Xyekni tokantshi yohimakanatkaluru. Kihle piranalu potuko hiwekkaklewatatshri pirana tshinanu, judeu mixkane kwawaklena judeu-neruneyma Hoyakalu henekanwu kihler-pirana. Judeu mixkane Jesus mane psojitnina judeu-neruneyma. Hiyrun-koxa Hoyakalu judeu-nerune runkaklexinri judeu-nerune mixkanen-koxatkani Jesus Cristo tshinanuya.

Efésios 4:4

Cristo mane satupkalu hiyrun-koxa Hoyakalu Hiwejikaluru satupkalu. Wkahwakleru hiwejikaluru hike rixiniko mnikawnakatupa Hoyakalu tshanixlewle satupkalutu.

Colossenses 2:14

Hcheyitlu w-deve-kanatanru m-deve-tkane rixkakwu. Hektutu wumtukakanatjeru, wjihyehjekanatjeru yonatkaluruya hcheyita Hoyakalu. Ruchyapotutatkalu w-conta-te klu tshinanu cruz rixpatatkalu.

Colossenses 3:15

Hitshitanru Hoyakalu wapnanuhchinikankakjeru kosejyawaklu hixa hchinikanu. Klu tshinanu tshanixkalunhi hapnanuhchinikanru tshinanu pa manepka hixyawakapa. Hiyrunu hpoyahnutlewjetanu.