Efésios 2:12 - Bíblia

¹² Waneklu papko hixa Cristo kotspalakanathi. Hi Hoyakalu hayinetene nuretkalune hixakanata seyni kahnete hajene hixakanata. Hi Hoyakalu hinkakletanru pirana yoptotatshine hixakanata, Hoyakalu hinkakletpiranachakanaxiklúkona hinerune tsonu. Hiyáhoni hike wkahwakakanata Hoyakalu yehiya. Xye tshiji hiwekle hiwekakanaxya seyni moyakalutenhi hixapa.

Efésios 2:12 ပူးပေါင်းရင်းမြစ်များ

Gênesis 15:18

Wale hohneko Tsru Hixikatshriwa Hoyakalu hchinkapkaklu Abrão wane htshinru: — Pixa klopichane nenekanru xye tshiji haté Egito wenne ruchpajya haté tsru wenu Eufrates tshinikowaka ruchinita.

Lucas 1:72

Retwamonre pirana wutsrukatenni runkaklexinritka rekhitanu. Htshina hinkaklexyawaknina pixka potuko rixa halikakalutu pirana hi ramtaklu.

João 10:16

Pimrine pratshine carneiro-ne pixkalune nwiya hi xye carneiro himjiywaka hruko hajenni wanna. Wanna koxa nujha hwapleta. Ntokanu hjemanna. Pa xkehipkapna hiyrun-koxa carneiro-ne suslahakleru satupkaplu.

João 15:5

— Uva-tsa pixkalutno hita. Hixni hiplu. Hiplu hita hwatshripa hiyrunu hita nimwaleru-plu pixkalutu, hixo sahiplu. Seyni hita mwakatu hikeko hkochpaka.

João 4:22

Hixa Samaria-nerunhi hi himatlu kluneru potu himalwujeta, seyni hixa judeu-nwu wimatlu wimalwutanru klu tshinanu judeu-ne yehi runya hiwekkaklewatatshri.

Atos 2:39

Klu tshinanu xye pirana Hoyakalu hinkaklexyatkahi hixa, hixa whenen-koxa runkaklexyalu hiyrun-koxa wanna ptowruneka hi hixastsi hwatshine tsonu runkaklexya. Tsru Hixikatshriwa Woyakalute tomhanune pejnu runkaklexyalu.

Atos 28:20

Wale tshinanu naluk-hetlethi niynumsaxyawakaphi. Xye corrente-kaka nostuxikolu israel-nerune kahwakleru nalixyawaka tshinanu.

Atos 3:25

Hipirana psoluka Hoyakalu hinkaklexyana Hoyakalu tokanu hinkakletatshine hix-koxa runkaklexyatkalu. Hix-koxa hkojireta Hoyakalu, Hoyakalu hkojirexinnina hixa hitsrukatenni wane htshinniru Abraão-ni: “Ptowru tshijne hajene hihlewahchinikanyehitko piklopichane tshinanu.”

Romanos 9:8

Hiyáhoni hi ptowru Abraão-ni klopichane Hoyakalu whenene hixnawa. Seyni Hoyakalu whenen-potuko wannakni wanna ptowruneka Hoyakalu whenenepa Hoyakalu Abraão-ni hinkaklexinritka.

Gálatas 4:8

Seyni mitshikananu Hoyakalu hmimatyehitkanuklunuwa, hoyakalune minjene towutjekanathi.

Efésios 2:19

Hiyáhoni xawakni hixa judeu mixkanhi, hi kahnete hajenetkahi. Hi koxa Hoyakalu mimatletanunetkahi. Seyni xawakni Hoyakalu kotspalatanune nuretkalune nerutkahi. Hiyrun-koxa hixa satkaka Hoyakalu molenetkahi.

Efésios 4:18

Halikakalutu tokantshi hi rimatjemna. Hi rawyana hiwejikaluru Hoyakalu henejyamkana klu tshinanu mimatjemkan-potukni hiyrun-koxa hchikohajiwatna.

Colossenses 1:21

Mitshikananu hixa howuka hwakanata Hoyakalu nwakaya. Hiyrun-koxa hektutu hixa kamhajekanatanru tshinanu hiyrunu hektutu hichinikanretjekanatanru tshinanu hixa kamnijekanatlu Hoyakalu.

Colossenses 1:27

Klu tshinanu Hoyakalu nurehchinikanuxnawa rimatkajyawakapna rayinetene rimaxyawakapluna royaknu pirana tsru potuko ptowru yine tshinanupa piranni. Cristo hixa hitokote hwatshritka piranni xye. Hiyáhoni hixa himukata kahwakletlu Hoyakalu hoyaknu hyoptoxyawakapa.

Colossenses 1:5

Wan-hixjeta halikakalutu tokantshi tshinanu hix-yehi rehapokletka kihle piranalu potuko hiwekkaklewatatshri pirana, hjempiranrerutka walekni hkahwakleru himlujikolu tenhohneya.

1 Tessalonicenses 4:13

Cristo tshinanu nmoletanune, naluklu himatjemyawaklu hipnatshine pirana hanu potu rixna, hma wamonuwaxyawakanupa pimrine pixka, hike mkahwakane pixka, hmixyawakanupa.

1 Tessalonicenses 4:5

Hi suxo haluklerucha hkamhanu, pimrine pixka Hoyakalu mkahwakpiratkane pixka hi hixanu.

2 Tessalonicenses 2:16

Hiyáhoni xawakni waleko Wutsrukate Jesus Cristo hiyrunu Hoyakalu, Wuru wuchinikjeru hiyrunu hapnanuhchinikanru hikeklu mnikawnakatupa heneklewatatshri hiyrun-koxa kihleru kahwakachalu renekachale tshinanu,

1 Timóteo 1:1

Twu yonawahlo Paulo yokanrerni Cristo Jesus nurrerno, Hoyakalu wiwekkakjeru tshin-towutlexyawakno tshinanu hiyrunu Cristo Jesus wkahwakle tshinanu.

Hebreus 11:34

Tsru tshitshmero ruwakamtna hiyrunu rasukna hma muylaxikowakanupna yohlolewapiyma halixlu tshinanu. Hihrokatshinemkani seyni hixkolune pixka rixna. Hiylakaklu yehi himat-yahotkajikatshine pixka rixna hiyrunu pnu tshijne hichpajikatshine yahotkakatshine rakakna halixlu tshinanu.

Hebreus 6:18

Xye hepi pirana mmayxakatu tshinanu, hi rumukata weyawleta Hoyakalu, hiyáhoni wimwalu hixko hchinikanu wixle Hoyakalu tshinanu. Hiyáhoni wumukata hikchikletlu tsru hepixlewlu, hixa Hoyakalu nwaka hasukatshine pixkalunwu, wunkaklexikolu kahwakatshinpotwu.

Hebreus 8:6

Seyni halikaka Jesus yoptotlu satu kamrurtshi sacerdote-ne kamhajekanatanru yohnik-hijhakaluru kamrurtshipa. Hiyrun-koxa Hoyakalu yine runkajya pirana Jesus-ya, wale hijhakalur-potni klu tshinanu Hoyakalu hinkajya piranwu, kochpakatshri pirana potukni.

1 Pedro 1:21

Wale tshinanu Hoyakalu halixa, Cristo hiwekkakjeru hipuktshiya hiyrunu Cristo hiphujetjeru. Wan-rixa kahwakachalu hiyrunu halixlu Hoyakalu yehi yoptoxikalurupa.

1 Pedro 1:3

Wpoyahnutanru Wutsrukate Jesus Cristo Hiru, Royakalute. Herotu matuxikolu renekwu hiweklu wkahwajyawakapa Jesus Cristo hiwejinixnaka hipuktshiya tshinanu. Hoyakalu hetwamonre tsru potuko tshinanu.

1 Pedro 3:15

Tsru Hixikatshriwa Hoyakalu pixkalunephi ptowru chinikantshiya. Ptowru mayohnutshi hiyrunu ptowru kahwakpirlu chinikantshiyma halpokotanu hinkaklexyawakaplu hixa himwaleru hmunanhaleru pirana ptowru yine hepomhakjene tshinanu.

1 João 3:3

Ptowru yineru Cristo munanhatshri, powralu rixinwa. Cristo powranu pixka rixanu.