Efésios 2:1 - Bíblia

¹ Mitshikananu hipnatshine pixka hixakanata Hoyakalu tokanu hmajnakowakanaxyawaka tshinanu, hektunu tshinanu.

Efésios 2:1 ပူးပေါင်းရင်းမြစ်များ

Gênesis 8:21

Waneya Tsru Hixikatshriwa Hoyakalu hamluphatlu kihlephaholu waneya wane htshinnawa: — Hi nsaletanutnaklu tshiji yine tshinanu klu tshinanu yine hektuwaka tsonu ruchinikna hmatureyakawa hyinuwaka haté xawakni. Hi koxa napnokatanutnaklu ptowru hiwekatshri, hanu nixa hapnokatletanna mitshikawlunni.

Mateus 8:22

Seyni Jesus wla tshinru: — Pomkahitanno hita. Petachatanna hipnatshinekakluko kapnakajyawaka.

Lucas 15:24

Klu tshinanu xye noturu nupnaholerutka hiwekhonukatnaka, hamhakanatatshri hiphujewnatka.” — Waneya hyinuwaka poyikowletna.

Lucas 15:32

Seyni wujhatkalu xye poyikowlu wkamhiywaka, wpoyikowaxyawaka. Klu tshinanu xye pepuru hipnatshrikananni hiwekatka. Hamhakanatatshrini seyni hikchikalurutkani.”

João 10:10

Seyni katshowhuru xye tshinanu tsonu runa htshowhuxyawakapna, ruylalewaxyawakapa, hnikaxyawakapna carneiro-ne. Seyni hita hina carneiro-ne jiwekle hixyawakpatka hiyrunu hiweklu hike mmahaxikatutka nenejyawakapna.

João 14:6

Waneya Jesus hihitna: — Hitni hatnu hapno, Hitni halikakalutno, Hitni hiwekluno. Yine Hita tshinanu tsonu rumukata hapokanwakletluna Nuru Hoyakalu.

João 5:21

Nuru hiwekkakjetna hipnatshine, hiweklu renekjetna. Hiyáhoni waneko pixka nix-hita Whentshi tshinkalurno. Hanuruktako yineru naluk-hiwekkakleta, niwekkaklu.

João 5:25

Halikakni, halikakni wane ntshinhi, hipnatshine Hoyakalu Whene tokanu hjemyawakna papko hinamta hiyrunu rapokatka. Hiyrunu htokanu jematshine hiwekkakko.

Romanos 8:2

Hiwejikaluru hiykole Cristo Jesus tshinanuya, hiwekkaklewatatshri kochpakno hektuntshi towre pixkonuya hiyrunu hipuktshi heneklewatatshri pixkonuy-koxa.

1 Coríntios 15:45

Wane htshina Hoyakalu tokanu yonatkaluru: “Hoyakalu hiyakotlu Adão waleni mitshikananu yineru mantshi hiwekatshri rixyawakapa.” Seyni hapkatatatshri Adão waleni hiwejikaluru hiwekkaklewatatshrini.

2 Coríntios 5:14

Klu tshinanu Cristo hichinijyawakwu tshinanu wihchinikanu hkoseta. Klu tshinanu wimatlu satupka yineru hipnatka ptowrunek-yine tshinanu. Hiyáhoni hatatjewa ptowrunekwu hipnatka waleyma.

Efésios 4:18

Halikakalutu tokantshi hi rimatjemna. Hi rawyana hiwejikaluru Hoyakalu henejyamkana klu tshinanu mimatjemkan-potukni hiyrun-koxa hchikohajiwatna.

Efésios 5:14

Klu tshinanu ptowru potuko hiphujetkalurni katawakaya. Hiyáhoni mitshikawlur-pirana wan-tshina: “Pixa himkatshriyi, puyokanu xako! Hipnatshri yehi puchpajinixka, Cristo Katalu nikotyehitanyi.”

Colossenses 2:13

Hixa hipnakanatatshinhi hixa hektunu tshinanu hiyrunu mjiprojhakanhi Cristo-yma hiwekkakalunhi. Hoyakalu hamtakahchinikanyehixyatkahi hixa hektunu ptowruka.

1 Timóteo 5:6

Seyni tiwekka pchinika poyikowlu tsonu tomkahixini hipnatshro pixkalutotkani.

1 João 3:14

Wimolene wuchinikanrexyawaka tshinanu wimathexnawa hipuktshi wuchpajyatka hiweklu wjihlokatka. Klu tshinanu katukta hi hichiniklu himole, wale hipuktshikowalu.

Apocalipse 3:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Sardes poktshi hajene kosekatshri: “Xyekni hinkaklu hixa tshinanu, wla htshina, sete hiwejikalune Hoyakalununni hiyrunu sete katahirine hanikatshri. Nimatlu hkamrure. Hiwekatshine hikahwakkalune seyni halikaka hipnatshinhi.