Efésios 1:9 - Bíblia

⁹ Rimatkakwu Hoyakalu hihchinikanu pirana, mitshikananu yohimakanatkaluru pirana. Waleko ralujyawaka tshinanu wan-rixa klu tshinanu wan-rixahchinikanuta Hoyakalu, Cristo-yma kamrurewatatshrini.

Efésios 1:9 ပူးပေါင်းရင်းမြစ်များ

Mateus 13:11

Waneya Jesus wan-tshinatkana: — Hixamka henekka himaxyawakaplu mimatyehitkotu pirana tenhohne pohirewaxyawaka pirana seyni wanna hike.

Lucas 12:32

Waneya Jesus wla tshina: — Noprane ovelha-ne mixone pixkalunmakhi seyni hi hpikanu. Klu tshinanu hixa Hiru nurehchinikanuxnawa hpohirewaxyawaka renejyawakaphi.

Lucas 2:14

— Himalwutkalurni Hoyakalu tenhohne pnut-tennu hajeru. Kihlehchinikanurune yine xye tshijne hajene, rukchikhihlenrene.

Atos 13:48

Waneya judeu mixkane xye hjeminiklunna hpoyikowatna hiyrunu rimalwutluna Tsru Hixikatshriwa Hoyakalu tokanu. Hiyáhoni ralixna ptowruneka nuretkalunetka hkayaxyawakapna hiwejinri mnikawnakatupa.

Atos 2:23

Seyni Hoyakalu waleko ralujyawaka tshinanu Jesus renekhi hixa myoya. Waneya hixako hiylatlu. Jejine hektune cruz hiylaxyalu Jesus hixako tshinanu.

Atos 4:28

Rapatjetna hkamhiywakapluna wale mitshikananu punkakletleru pmixkonu tshinanu, pihchinikanu tshinanu hakanhatshripa.

Romanos 11:25

Cristo tshinanu nmoletanune, naluklu hixa himaxyawaklu pa pirana yohimluru pirana. Himaxyawakaplu hi ptowru potuko himatawa. Judeu-nerune hi ptowru hohnekananuko chikohajirunepni seyni wan-rixachatna judeu-ne judeu mixkane hma poyahokajiknu pchinikwana hi ralixanna judeu-ne.

Romanos 8:28

Wimatlu ptowru potuyako Hoyakalu kamrurewata hixa hihlenu tshinanu, ptowrunek-yine Hoyakalu hamotatshine, Hoyakalu nurrenni. Hoyakalu nuretatkana waleko hkamrure hkamhiywaka tshinanupna.

1 Coríntios 1:21

Hoyakalu rimatkalnu tshinanu hi ritshitna yine Hoyakalu rimatyehixyawakna yine rimatkalnu tshinanna. Seyni Hoyakalu hikchikahchinikanuxnawa riwekkajyawakapna hiwekkaklewatatshri pirana halixatshine. Pimrine mahchinikannutshi pirana rikahwakluna hiwekkaklewatatshri pirana.

Gálatas 1:12

Hike yineru hinkakno wale pirana, hi satukna yineru hasrukno wale. Seyni Jesus Cristo potuko hiphujetpiranatlu hit-yehiya.

Gálatas 1:15

Seyni Hoyakalu, retwamonre tshinanu, hnuretno, htshanixno nma matutkanuklunuwa.

Gálatas 1:16

Waneya hituru ruphujewnayehkakno, nunkaklexyawakaplu Cristo pirana judeu mixkaneya, hike yineru hchinikanu nujhatka.

Efésios 1:11

Hoyakalu ptowru potuko rixahchinikanuxyawaka kamhatshrini. Hiyáhoni Cristo-ymalunwu wixyawaka tshinanu wnuretka, xye tshiji hiyakotkoklunu pnutekananuko, Hoyakalu halujyawaka tshinanu, Hoyakalunerune wixyawakapa.

Efésios 1:8

Hi psokananru himatkalewlu hiyrun-koxa rimatjemle renekanru hixa tshinanu.

Efésios 3:11

Ruchinikanrexyawak-potuko rixa kamhaletlu Hoyakalu honra mitshikawako raluka kamhalexyawaka hnikata kamhaletlu rixa hichinikanretlexyawaka rixa yokanretlu Wutsrukate Jesus Cristo-ya.

1 Timóteo 3:16

Tsru mimat-hinkakletkotu waleni potuknutshi hchinikanu piranni klu tshinanu: “Jesus hiphujewna yineru mane rixnawa seyni riwejinriya potukalni. Hiwejikalune Hoyakalu towrene tenhohne hajene hetatkalu. Ruphujtatka psol-tshijneya. Xye tshijne halixlerni. Ranikka tenhohne.”

2 Timóteo 1:9

Hoyakalu hiwekkakwu hiyrun-koxa htshanixwu wale hinerune wixyawakatka. Hi hixako wkamhanru tshinanu htshanixwu seyni waleko hihchinikanu tshinanni. Hiyrun-koxa Hoyakalu hihlenu renekachale tshinanu htshanixwu. Hmawkanuklunuwa hyinuwakle papko Hoyakalu henekwu xye kihleru renekachale Jesus Cristo tshinanuya.