Efésios 1:7 - Bíblia

⁷ Wuchinikanretjeru Jesus hiwekkakwu waleko hihraha tshinanu rupnale tshinanu. Rupnale hiknokatkalu wektunu, Hoyakalu hihlenu henekachale tsrur-potuko tshinanu.

Efésios 1:7 ပူးပေါင်းရင်းမြစ်များ

Mateus 20:28

Waneko pixka rixa Jeji Whene. Jeji Whene hi hina repixikowakapa, seyni runa repixyawakapna yine, riwejinri renejyawakapa, hixolune yine majnákonu hwenuxyawakapa.

Mateus 26:28

Twu copa stonha nunkakletleru, waleni herotu nohraha piranni. Xye nohraha hixolune yine tshinanu hiyokkalurupa hektuntshi hiknojikowakapa tshinanu.

Mateus 6:12

Pamtakahchinikanyehixinwu wektunu pimrine hektunu wamtakahchinikanyehixyawaka pixka.

Marcos 14:24

Waneya wla htshina: — Xyeni hatatjewa nohraha hmunanhalerni Hoyakalu yineruyma hixolune yine tshinanu hiyokkalurupa.

Lucas 1:77

Hoyakalu hayinetene punkakanu hiwekkaklewatatshri pirana, rektunna hiknojikowakpatka.

Lucas 24:47

Hiyrun-koxa ptowru tshijneko runkaklexikotka hehchinikanru pirana hektuntshi hiknojikowaka pirana, wale hiwakaya. Jerusalém poktshi hyinuwaka hinkaklewlexini.

João 20:23

Hixa hamtakahchinikanyehixinri pimrine hektunu waneya Hoyakalu koxa hamtakahchinikanyehitanru wanna hektunu. Seyni hixa hma mamtakahchinikanyehixiniklunru pimrine hektunu, wanna hektunu hi ramtakahchinikanyehitka rektunna.

Atos 10:43

Ptowruneka Hoyakalu tokanu hinkakletatshine hiphujtatlu Jesus pirana, satkaka yineru Jesus hiwaka hmunanhiywakapa ruknojikowakapa rektunna.

Atos 2:38

Waneya Pedro wan-tshinna: — Hehchinikanutanu hixa satkakhi Jesus Cristo hiwakaya h-batiza-xikowakapa hixa himtukjetatshrikaka hiknojikowakapa; wan-hixatshripa Hoyakalu Hiwejikaluru hyoptotanu Hoyakalu henekanhi.

Atos 20:28

Hislahinwa. Hislahan-koxna pimrine Hoyakalu Hiwejikaluru henejyahi hislahiywakna. Carneiro-ne hinotatshine pixka hixanna Hoyakalu halixatshine hapatjetatshine, hanjitkalunetka Hoyakalu whene hipnaleya.

Atos 3:19

Hiyáhoni hehchinikanutanu xako, hyokmakahchinikanutanu waneya hiknojiko hektunu.

Romanos 2:4

Ho peyikluhe xawaka Hoyakalu potshwanu, wale hchinikanu, hkahwakhohnekanaxyawakyi? Hi he puchiniklu Hoyakalu hihlenu kosejyawakyi pehchinikanuxyawakapa?

Romanos 3:24

Seyni Hoyakalu powratachatlu yineru, hi rujhalu hwenuxikowaka, Hoyakalu henekachalewata klu tshinanu Cristo Jesus wenutatkalu.

Romanos 3:25

Hoyakalu heneklu Cristo henekachaluru hiylatkaluru rixyawakapa hiyáhoni cruz rupniywaka tshinanu, yineru hektunu hiknokatshri rixyawakatka Cristo, ptowru yineru munanhalerutkani Cristo. Hoyakalu wan-hixa rekhixyawaklu potukalu rixyawaka. Mitshikananu Hoyakalu hetachatna hektuwaka kamhatshine, hmachiretannu tshinanu; hiyáhoni hi rapnokatna rektunna.

Romanos 9:23

Hkahwakhohnekanatna Hoyakalu yine, retwamonre yoptotatshinepa tshinanu rekhixyawakna royaknu tsrur-potuko tshinanu. Nyi yine Hoyakalu halpokotatka royaknu yoptotatshinepa.

1 Coríntios 1:30

Klu tshinanu Hoyakaluko Cristo Jesus hipxakkakatkahi. Hiyáhoni walekni wimatkalewniya. Cristo tshinanu Hoyakalu potukatatkawu, Hoyakalunerune rixkakwu hiyrun-koxa Cristo tshinanu riwekkakwu.

2 Coríntios 8:9

Klu tshinanu hixa himatpiranatlu Wutsrukate Jesus Cristo hihlenu henekachalewle pirana. Phurukananni Cristo seyni hixa tshinanu hike mwikatutkani, hike hmimwalnutka pohirewkakatkahi hixa.

Efésios 1:14

Hoyakalu Hiwejikaluru renekna rayinetene hmunanhiynawa ptowru potuko Hoyakalu hinkakletakanatanru hyoptoxyawakapna rayinetene, haté wali yoptoletanru psol-potuko wyoptotanrupa. Hiyáhoni rimalwutko Hoyakalu hiyrunu rimathetko ruhlenu.

Efésios 1:18

Hoyakalu nanjijeta hkotpukahchinikanuxyawakaphi waneya hixa himukata himatletlu hma mahijeruxyawakanupa Hoyakalu nurexyawakhi tshinanupa. Hiyrun-koxa himaxyawakaplu hi psokananru wyoptotanrupa wiwejinri pirana halixatshine tshinanu, potukalune Jesus halixatshine tshinanupa.

Efésios 1:6

Wimalwutanru Hoyakalu renekachale renejya tshinanwu. Ruhlenu renekachale tsru potuko hixa nwaka ruchinikanrexinri wan-rixachata wuchinikanretjeru Jesus tshinanu.

Efésios 1:8

Hi psokananru himatkalewlu hiyrun-koxa rimatjemle renekanru hixa tshinanu.

Efésios 2:4

Seyni Hoyakalu hetwamonre tshinanu tsru potuko hiyrun-koxa ruchinijyawakwu tsru potuko.

Efésios 2:7

Hoyakalu wan-rixa rekhixyawakna hiwekatshinepa pa hohnechakananu hinatshripa hi psokananru renekachaxyana retwamonutkal-tshinanna Cristo Jesus-ya.

Efésios 3:16

Nanjitlu Hoyakalu repixyawakapna yine rimwaleru tsrur-potuko tshinanu, renejyawakhi, hixa nanwaka hmixkowaxinripa, pixkontshi Hoyakalu Hiwejikaluru tshinanu.

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Filipenses 4:19

Noyakalute hikchijinhi ptowru hmahaxinri waleko hpohirewnale royaknu yehi hwatshri Cristo Jesus tshinanuya.

Colossenses 1:14

Jesus hraha tshinanu wkachikanatjeru yehi wuchoxikatka hiyrun-koxa walekni wektunu hamtakahchinikankakatshri.

Colossenses 1:27

Klu tshinanu Hoyakalu nurehchinikanuxnawa rimatkajyawakapna rayinetene rimaxyawakapluna royaknu pirana tsru potuko ptowru yine tshinanupa piranni. Cristo hixa hitokote hwatshritka piranni xye. Hiyáhoni hixa himukata kahwakletlu Hoyakalu hoyaknu hyoptoxyawakapa.

Colossenses 2:13

Hixa hipnakanatatshinhi hixa hektunu tshinanu hiyrunu mjiprojhakanhi Cristo-yma hiwekkakalunhi. Hoyakalu hamtakahchinikanyehixyatkahi hixa hektunu ptowruka.

Colossenses 2:2

Wane nixa kamrurewleta ptowrunek-yine nmixkotahchinikanuxyawakapa hiyrun-koxa pa hchinikanurune potuko rixyawakapna ruchiniklewjexyawakapna. Hiyrun-koxa rimatpotuxyawakapna psoluka pohirewnalu Cristo-ya ptowru potuko hmixkonuyma. Hiyáhoni xye tshinanu hixa himukata himatlepotutlu, himatkaltshi halikak-potuko Hoyakalu yohimakanatanru pirana tshinanu mpikkanephi. Waleni Cristo.

1 Timóteo 2:6

Renejnawa ptowrunek-yine hektunu pixkonu hiyrun-koxa hipuktshi pixkonu hkochpajyawakwu. Rimaxikowaka Hoyakalu haluklu ptowru yineru hiwejyawakamkapa, hipapkolu potuko renekka Cristo.

Tito 2:14

Renejnawa hixa repixyawakapa. Wan-rixa hkochpajyawakapwu ptowru jikolukanuruya ruhlexyawakapwu waleko rayinetene wixyawakapa, jmererunepwu kihleru kamhalu tshinanupa.

Tito 3:6

Hi psojikna rimaletlu Hiwejikaluru seyni wale renekpotutwu Hoyakalu, Jesus Cristo Wiwekkakjeru tshinanuya.

Hebreus 9:22

Psokaklu ptowruko Moisés yonre kochtshekleru pirana hijhatkalu hrahtshi hpowraxikowakapa. Hiyrun-koxa hrahtshi hma kochpakkonuklunu, hi rawa ramtakahchinikanyehixikolu hektuntshi.

1 Pedro 2:24

Cristo, waleko himaneya hahmuna skita hoho ranikhektunutwu. Hipnatshine pixka wixyawakapa hektuntshi tshinanu seyni halikaka wiwekanu kihleru wkamhiywakapa. Wuhletkatka Cristo kotshipjexikolu tshinanuya.

1 Pedro 3:18

Klu tshinanu pa katapka Cristo koxa salewnatka hektuntshi tshinanu. Hiyáhoni kihleru kamhatshri salewnatka hektutu kamhatshri tshinanupa. Wan-rixa Cristo ranijyawakapwu Hoyakalu nwaka. Waneyakni Cristo ruylaxikolu himane tsonu seyni riwejinri hiwekkakhonuklu.

1 João 2:12

Mturune pixkalune, nyonanwakathi klu tshinanu hektunu hiknojikatka Jesus Cristo hiwaka tshinanu.

1 João 2:2

Jesus Cristo tshinanukni wektunu hiknokka, hi hixa wektunu tsonu tshinanu seyni psol-tshijne hajenenni hektunu tshinan-koxa.

1 João 4:10

Xyekni hamotlewlu. Himka wamotatkalu Hoyakalu seyni wale hamotatkawu hixa. Hiyahokni hyokanatlu Hiwhene Cristo rumukata wukolukanuwnalkaka ramtakahchinikankajyawakapa.

Apocalipse 14:4

Nyi jejine, cento e quarenta e quatro mil yine pejnu, suxone mapokmanetkanewa, wannani powrahchinikanurune. Nyi jejine Carneiro Whene tshinkaluru homkahitatshinni hanuktako hyini wale. Nyi yin-yehi hanjixikalunni. Wanna honra mitshikananu henekachalu pixkalune Hoyakalu tshinanunepa hiyrunu Carneiro Whene tshinkaluru tshinanunepa.

Apocalipse 5:9

Waneya herotu chikale hchikaletna. Wla htshina chikaletna: — Pixa tsonu himukatatshriyi pixa yonawahlo steno pyoptoxyawaka hiyrunu sete hosture pjimlajyawakapa, pkotpujyawakaplo. Klu tshinanu hiylatkaluryi, pihraha hiyokkaluruyma panjitna yine Hoyakalu tshinanupa, ptowru neruko tshinanu, ptowru nru tshinanuko, ptowru yineru kakojeru tshinanu, ptowru tshijne hajene tshinan-koxa.