Efésios 1:6 - Bíblia

⁶ Wimalwutanru Hoyakalu renekachale renejya tshinanwu. Ruhlenu renekachale tsru potuko hixa nwaka ruchinikanrexinri wan-rixachata wuchinikanretjeru Jesus tshinanu.

Efésios 1:6 ပူးပေါင်းရင်းမြစ်များ

Mateus 17:5

Wane htshinakanaxiniwa hohimkohi hichyatna. Waneya hohimkohi hitokote ruchpajyatka tokantshi wla tshinatshri: — Xyekni nowhene nalukleru. Hyijnakotanru hanukta htshinanhi!

Mateus 20:9

— Waneya satkaka cinco hora yinuwaka kamrurewletatshri yoptotlu satu proji prata kamhikaluru.

Mateus 3:17

Waneya satu tokantshi tenhohne hichpajya, wan-tshinatshri: — Xyekni Noturu namotleru. Wale poyikowkakno.

Lucas 2:14

— Himalwutkalurni Hoyakalu tenhohne pnut-tennu hajeru. Kihlehchinikanurune yine xye tshijne hajene, rukchikhihlenrene.

João 10:17

Wale tshinanu Nuru Hoyakalu hamotno. Klu tshinanu niwekle namtaka numukata kochtshekletatnaklu niwekle.

João 3:35

Hoyakalu Hirtshi hamotlu Whentshi tshinkaluru. Hiyrun-koxa wale towre rutajyalu ptowru potukananuka.

Romanos 8:1

Hiyáhoni Cristo Jesus munanhalene hi hjihyehitkona Hoyakaluya.

2 Coríntios 4:15

Xye ptowruka hakanhatka hixa hepixikowaka tshinanupa. Wale tshinanu Hoyakalu hihlenu himukatatshri potuko hapokyehitna hixolune yin-yehi. Hiyáhoni nyipa yine himalwutanru Hoyakalu hanjihohneruya, hpohixikowakapa Hoyakalu.

2 Coríntios 5:21

Hektuntshi mimwakatni Cristo seyni wanepnawaka Hoyakalu hapnokatlu Cristo wektunu tshinanu, wpoyaho potukawnalexyawaka Hoyakalu hetanuya.

Efésios 1:12

Hiyáhoni hixa mitshikananu Cristo halixatshinwu himalwutanru Hoyakalu ruhlenu tsrur-potuko tshinanu.

Efésios 1:14

Hoyakalu Hiwejikaluru renekna rayinetene hmunanhiynawa ptowru potuko Hoyakalu hinkakletakanatanru hyoptoxyawakapna rayinetene, haté wali yoptoletanru psol-potuko wyoptotanrupa. Hiyáhoni rimalwutko Hoyakalu hiyrunu rimathetko ruhlenu.

Efésios 1:18

Hoyakalu nanjijeta hkotpukahchinikanuxyawakaphi waneya hixa himukata himatletlu hma mahijeruxyawakanupa Hoyakalu nurexyawakhi tshinanupa. Hiyrun-koxa himaxyawakaplu hi psokananru wyoptotanrupa wiwejinri pirana halixatshine tshinanu, potukalune Jesus halixatshine tshinanupa.

Efésios 2:7

Hoyakalu wan-rixa rekhixyawakna hiwekatshinepa pa hohnechakananu hinatshripa hi psokananru renekachaxyana retwamonutkal-tshinanna Cristo Jesus-ya.

Filipenses 1:11

Waneya hixa hiwejinri katsepopatkalu ptowru chinikantshi kihleru, Jesus Cristo tsonu hakanikleru, ralixkoxikolupa hiyrunu rimalwuxikolupa Hoyakalu.

Filipenses 3:9

Cristo-ymalutu nixyawakapa hi hitako npotuknupni Moisés yonreru pirana homkahlu nma momkahixyawakanupa. Seyni npotukatjerni Cristo nalixle tshinanu, Hoyakalu potukaxyawaklu yineru halixlu tshinanu tsonu.

Filipenses 4:19

Noyakalute hikchijinhi ptowru hmahaxinri waleko hpohirewnale royaknu yehi hwatshri Cristo Jesus tshinanuya.

Colossenses 1:13

Hoyakalu kochpakwu mapchahawaka kachrewleya waneya ranikatkawu hikeni kaheknanuwlu Hituru ramotleru potuko pohirewaxyawaka wwiywakapa.

1 Pedro 2:5

Hix-koxa sotlu hiwekatshine pixkalunhi. Hoyakalu Hiwejikaluru panathi. Sacerdote-nhi Hoyakalu kotspalenhi, henekachalurkaka henekjetatshinephi Hoyakalu tshinanupa, Hoyakalu halukanru Jesus Cristo tshinanuya.

1 Pedro 2:9

Seyni hixa halixatshinhi Hoyakalu nurrenhi, hineruneko hixyawakapa, Tsru Hixikatshriwa Hoyakalu sacerdote-tenhi, yine potukalunetkahi, Hoyakalunuko hixyawakapa. Hoyakalu nuretatkahi hiphujexyawakaplu rixa hihlehchinikanrexyawakhi, mapchahawaka hichpajyawakapa, wale nwaka katawak-potuko nwaka wwiywakapa htshanixikowaka.

1 Pedro 4:11

Satu yineru hinkaklewaxinipa, Hoyakalu tshinyawaka pixka htshinanu. Pimrine repixjexini satu, himatkaltshi Hoyakalu henejyaluyma repixanna. Hoyakalu himalwuxikolupa ptowru potuko tshinanu, Jesus Cristo tshinanuya. Hoyakalu hiphujexikolni, towutatshrini hike rixiniko mnikawnakatupa. Amém.