Efésios 1:5 - Bíblia

⁵ Xye tshiji hiyakotkoklunu pnutekananuko Hoyakalu nurehchinikanuxnawa wale hiturune rixkajyawakapwu Jesus Cristo-ya, walenuko wixyawakapa. Wan-rixa klu tshinanu Hoyakalu haluklu wan-rixahchinikanuxyawaka.

Efésios 1:5 ပူးပေါင်းရင်းမြစ်များ

Mateus 1:25

Seyni tma matuwhenetkanu pchinika Maria hi rapokmanetlo José. Tmatkakatkalu mitshikananu toturu waneya rutakhiwakatlu Jesus.

Mateus 11:26

Hehe, Nuru, xye pixa palujyawakni.

Lucas 10:21

Waneya waneklu hpoyikowpotuta Jesus, Hoyakalu Hiwejikaluru himukatle tshinanu. Waneya wane htshina: — Nimalwutyi, Nuru, tenhohne tshij-koxa Towutatshriyi. Klu tshinanu pyohimatlu xye pirankaka jimatkaleruneya hiyrunu kahchinikanuruneya. Seyni puphujetlu hike mimatkane hetanuya. Hehe, Nuru, xye pixa palujyawakni.

Lucas 11:32

Hikolukanuwnalu hohnepa jejinni Nínive poktshi hajenni hikolukanna xyeklu papko hiwekatshinepni klu tshinanu Jonas-ni hinkakle tshinanu rehchinikanutatkana. Haha himatanu, hewiru Jonas-ni tshinkaluru yohnik-hijhakalurni.

Lucas 12:32

Waneya Jesus wla tshina: — Noprane ovelha-ne mixone pixkalunmakhi seyni hi hpikanu. Klu tshinanu hixa Hiru nurehchinikanuxnawa hpohirewaxyawaka renejyawakaphi.

João 1:12

Seyni ptowruneko, ralixjene pejnu rutakna Hoyakalu whenene rixyawakapna, ralix-hiwakatjene pejnu tshinanu wan-rixa.

João 11:52

Hiyrunu hi wale tshijne tsonu tshinanu rupnapini seyni rapatjexyawakapna Hoyakalu whenene ptowru tshijne hipalaxikatshine pa nerunepka rixyawakapna.

João 20:17

Waneya Jesus wan-tshinro: — Hi pkachitanno klu tshinanu Nuru yehi hi nyawa. Seyni nomolene yehi pyanu, punkakanna: “Teno nyanu Nuru yehi hiyrunu hixa Hiru yehi, Noyakalute yehi hiyrunu hixa Hoyakalute yehi nyanu.”

Atos 13:48

Waneya judeu mixkane xye hjeminiklunna hpoyikowatna hiyrunu rimalwutluna Tsru Hixikatshriwa Hoyakalu tokanu. Hiyáhoni ralixna ptowruneka nuretkalunetka hkayaxyawakapna hiwejinri mnikawnakatupa.

Romanos 8:23

Hi Hoyakalu kamhaleru msamenrutu tsonu hotshhita seyni hix-koxa wan-hixa. Hiwejikaluru Potukalu Hoyakalu henekachale himwatshinwu. Wotshhita hitoko maneya haté Hoyakalu hali wan-hixlexinipwu wale whenenepotpakotkawu. Waleni wimane hiwekkajikol-potuko.

1 Coríntios 1:1

Hita, Paulo-no, nuretkalurno Hoyakalu halujyawaka tshinanu, Cristo Jesus pirana nuphujexyawaka. Hita, Cristo tshinanu nmoletanruyma Sóstenes tshinkaluruyma,

1 Coríntios 1:21

Hoyakalu rimatkalnu tshinanu hi ritshitna yine Hoyakalu rimatyehixyawakna yine rimatkalnu tshinanna. Seyni Hoyakalu hikchikahchinikanuxnawa riwekkajyawakapna hiwekkaklewatatshri pirana halixatshine. Pimrine mahchinikannutshi pirana rikahwakluna hiwekkaklewatatshri pirana.

2 Coríntios 6:18

Hirpakno hita, hixpakni nowhenene hiyrun-koxa nwuheneronephi — wane htshina Tsru Hixikatshriwa Hoyakalu ptowru potuko himukatatshri.”

Gálatas 3:26

Klu tshinanu hixa Jesus Cristo halixyawaka tshinanu hixa ptowrunekhi Hoyakalu whenenhi.

Efésios 1:11

Hoyakalu ptowru potuko rixahchinikanuxyawaka kamhatshrini. Hiyáhoni Cristo-ymalunwu wixyawaka tshinanu wnuretka, xye tshiji hiyakotkoklunu pnutekananuko, Hoyakalu halujyawaka tshinanu, Hoyakalunerune wixyawakapa.

Efésios 1:9

Rimatkakwu Hoyakalu hihchinikanu pirana, mitshikananu yohimakanatkaluru pirana. Waleko ralujyawaka tshinanu wan-rixa klu tshinanu wan-rixahchinikanuta Hoyakalu, Cristo-yma kamrurewatatshrini.

Filipenses 2:13

Klu tshinanu Hoyakalukni hix-yehi kamrurewaxikatshri, halujyawakaplu hiyrun-koxa hkamhiywakaplu wale halujyawakako.

Colossenses 1:19

Hoyakalu hikchikahchinikanuxnawa Cristo hoho rawinripa psoluka rixannu.

2 Tessalonicenses 1:11

Hiyáhoni wale tshinanu hi wutuk-hanjihohneyehrethi. Wanjijetlu Woyakalute xye htshanixikowaka pixka potuko halukalunephi. Hiyrun-koxa wanjijetlu Hoyakalu ptowru kihleru haluka kamhaletanru himata kamhiywakapa hiyrunu wanjijetlu halixlewlu kamrure hpoyahokakanu pixkontshiyma.

Hebreus 2:4

Waneya Hoyakalu poyehitatkalu hipirana wannani hiphujetleru, hekhirewlukakayma, tsru himyekaklewatatshriyma, hiyakolukakayma hiyrun-koxa Hoyakalu Hiwejikaluru pixkonu reneklewle waleko raluk-heneklewlexya pejnu.

1 João 3:1

Hetanu, hi pso hamotlukananu rixwu Wuru Hoyakalu, Hoyakalu whenene wtshinikowaka. Halikaka Hoyakalu whenetkawu. Hiyahokni xye tshijne hajene hi himathetwu klu tshinanu hi rimathetatkaluna Wuru Hoyakalu.

Apocalipse 21:7

Hallirewatatshri yoptotanru xye hita tshinanuya. Hitapni Royakalutepno. Hiyrun-koxa wale nowhenepni.