Efésios 1:4 - Bíblia

⁴ Wan-rixa Hoyakalu. Xye tshiji hmuyakotkanuklunuwa hnuretlu Cristo himwatshinepwu wixyawaka. Hnuretna, yine potukalune rixyawakapna hike mixkanepni Hoyakalu yhaleya, klu tshinanu ruchinikwu Hoyakalu.

Efésios 1:4 ပူးပေါင်းရင်းမြစ်များ

Mateus 24:22

Seyni Hoyakalu hma masatkanumkalu salewnikolu papkopa, hikemka hiwekanu. Seyni Hoyakalu nuretanune tshinanu, hmasatanru salewaktshiklu papkopa.

Mateus 24:24

Klu tshinanu hixolune Messias minjene hiyrun-koxa Hoyakalu tokanu hinkakletatshine minjene hakanhanu hiyakolukaka hiyrunu himyekaklewatatshri kamhatshine hyokwijexyawakapna yine. Rumukatkamka haté Hoyakalu nurrene hyokwijetanu.

Mateus 24:31

Kowi hima hajpokoklunpatka Hoyakalu yokanatanna htowrene hiwejikalune tenhohne hajene ptowru sretako rapatjexyawakapna Hoyakalu nurrene ptowru sreta tshijne hichpajikatshine.

Mateus 25:34

Waneya pohirtshi wla htshinanna hpotukle sretate hajene: — “Hinanu, Nuru kihleru htshinyehixyahi. Hyoptotapanru hyoptolerupa Hoyakalu pohirewaxyawaka hixa tshinanu halpokotkalurutka hma muyakotkonuklunuwa xye tshijne.

João 10:16

Pimrine pratshine carneiro-ne pixkalune nwiya hi xye carneiro himjiywaka hruko hajenni wanna. Wanna koxa nujha hwapleta. Ntokanu hjemanna. Pa xkehipkapna hiyrun-koxa carneiro-ne suslahakleru satupkaplu.

João 15:16

Hixa hi nuretno hita seyni hitako nuretatkahi hixa hiyrunu nenek-kamrurethi hyiywakapa, Hoyakalu halukanru hkamhiywaka, rawhohnekanaxyawakapa hkamrure. Waneyakni kluneruktako hanjixinri Nuru Hoyakalu, hita nhiwaka tshinanu hanjixinri, renekanhi.

João 17:24

— Nuru Hoyakalu nanjityi yine penejyano hita nwiywakapa rawyawakapna wanna koxa. Npohirewnale penejyano rexyawakapna. Klu tshinanu xye tshijne hma kamhakonuklunuwa puchinikatkano.

Atos 13:48

Waneya judeu mixkane xye hjeminiklunna hpoyikowatna hiyrunu rimalwutluna Tsru Hixikatshriwa Hoyakalu tokanu. Hiyáhoni ralixna ptowruneka nuretkalunetka hkayaxyawakapna hiwejinri mnikawnakatupa.

Atos 15:18

htshina Tsru Hixikatshriwa Hoyakalu, xye ptowruka kamhatshri. Xye tshijne yinuwajinikananuko rimatakanatatka Hoyakalu kamrure tshinanu.”

Atos 18:10

Pixaymano. Hike yotnekanyi klu tshinanu hixo nonerune xye poktshi hwa.

Romanos 8:33

Kathe xawaka himukata kahekletna Hoyakalu nurrene? Hikeni klu tshinanu Hoyakalukni potukatatkana.

1 Coríntios 1:8

Hoyakalu poyehitahchinikanutanhi haté hihohne nikawninri papko, hi psojikna hjihyehitko Hoyakaluya Wutsrukate Jesus Cristo hohne hapojinipa.

Gálatas 5:13

Cristo tshinanu nmoletanune, hixa tshanixka hichotkalune hixyawakapa. Seyni hi hixako himane halujyawaka hkamhanu mtowutkone hixyawaka tshinanutka. Seyni Hoyakalu hichiniklewle tshinanu hepixkakanu.

Gálatas 5:22

Seyni Hoyakalu Hiwejikaluru kamrurni hixkakluko hamotkajyawaka, wumuwaxyawaka, hwachalu, ptowru potuko wakoxyawaka, kchinikanurune wixyawaka, pimrine wuchinikanrexyawaka, walixyawaklu,

Gálatas 5:6

Klu tshinanu Jesus Cristo hetanu hi jiprojhikatshrikwa himukatlu, hi mjiprojhikatukwa yineru himukatlu. Seyni halixlu hichiniklewluyma halikaka himukatatshri potukni.

Efésios 2:10

Klu tshinanu Hoyakalu hiyakotwu Jesus Cristo-ya kihleru wkamhiywakapa. Kihleru wkamhin-honra mitshikawako ralpokotatkalu hixa tshinanu wkamhiywakaplu kihleru.

Efésios 3:17

Nanjitkoxlu hixa halixle tshinanu, Cristo himukata hwahajretanhi. Hiyrun-koxa nanjitlu ruchiniklewle hmixkoxyawakaphi hiyrun-koxa hpoyehiwkajyawakaphi,

Efésios 4:2

Ptowruko hi halixkoxinwa, mayohonephi, hwachatanu xako. Hichinikkakanu hekhikakanu hixkakluko. Hiyáhoni hixkakluko hepixkakanu.

Efésios 5:2

Xye chinikantshi ptowru wiwejinri htowuta. Hichinikanuwyehkakanu. Hixa hichinikanuwkakleyehixyawaka pixka rixa Cristo, renejyanawa rupniywaka hixa tshinanu renekachaxnatkawa henekachaluru rixnatkawa hatewa phamluhalo phamluro pixka potuko hixatshritkani Hoyakalu hetanuya hiyrun-koxa henekachaluru hiylatkaluru Hoyakalu hikchikhihlenutanru potuko.

Efésios 5:27

Xye hkamha Cristo, rumukata heneklexnawakwa hix-yehiya, hixa hatatjewa hhanunrone, kihleron-potpakwu, maptsholemtatopni potukalo hike mukolukanutopni, hixa hapatjetatshine Cristo halixatshinwu.

Filipenses 2:15

Waneya wan-hixinipa, hike mixkanephi, powrahchinikanunephi, Hoyakalu whenenhi potukalunephi hewi tshijne hajene mpotukane, pupjetatshine tskalaya. Wanna tskala katahirine hatawnatshine pixka hixatshinephi, tenhohne hajene pixkalunephi.

Colossenses 1:22

Seyni xawakni waleko hisretlu hsatkakatkahi, hituru hipnale tshinanu. Hiyáhoni Hoyakalu himatletatkahi wale nwak-potuko ranijyawakhi potukalunephi, hike mixkanephi, hike hikolukanunephi wale hetanuya.

Colossenses 2:2

Wane nixa kamrurewleta ptowrunek-yine nmixkotahchinikanuxyawakapa hiyrun-koxa pa hchinikanurune potuko rixyawakapna ruchiniklewjexyawakapna. Hiyrun-koxa rimatpotuxyawakapna psoluka pohirewnalu Cristo-ya ptowru potuko hmixkonuyma. Hiyáhoni xye tshinanu hixa himukata himatlepotutlu, himatkaltshi halikak-potuko Hoyakalu yohimakanatanru pirana tshinanu mpikkanephi. Waleni Cristo.

Colossenses 3:12

Hoyakalu hayinetenetkahi. Hihchinikanunetkahi. Hnurethi walenuko hixyawakpatka. Hiyáhoni hixa hijhalu hyochmajnawakwa hetwamonrewluya, hichiniklewluya, mturu hixnawakwa, mchiretannutshi, kahwakachluya.

1 Tessalonicenses 3:12

Wanjitkoxlu Tsru Hixikatshriwa Hoyakalu htseruwnakajyawakhi hichiniklewlu piranaya. Hixkakluko hichinikkajinripa hiyrun-koxa pimrine ptowruneka hichinikpotuxinripa. Hixa wuchinijyawakhi pixka hixanna pimrine.

1 Tessalonicenses 4:7

Klu tshinanu Hoyakalu hi tshanixatkawu hektutu kapatmenuru wkamhiywaka tshinanu seyni kihleru, Hoyakalu halukanruko wkamhiywaka tshinanu halikaka.

2 Timóteo 1:9

Hoyakalu hiwekkakwu hiyrun-koxa htshanixwu wale hinerune wixyawakatka. Hi hixako wkamhanru tshinanu htshanixwu seyni waleko hihchinikanu tshinanni. Hiyrun-koxa Hoyakalu hihlenu renekachale tshinanu htshanixwu. Hmawkanuklunuwa hyinuwakle papko Hoyakalu henekwu xye kihleru renekachale Jesus Cristo tshinanuya.

2 Timóteo 2:10

Hiyáhoni nakotachatlu ptowru potuko Hoyakalunerune nuretkalune tshinanu. Wane nixjeta rumukata hiwekkakletkona Jesus Cristo-ya hiyrun-koxa rumukata Hoyakalu yehi hwalexyawakapna hikeklu hohne mnikawnakatupa.

2 Timóteo 2:19

Seyni poyehi potuklu Hoyakalu poyehitleru. Xye poyehitlu: “Tsru Hixikatshriwa Cristo himatna walenunetkani.” Hiyrun-koxa satu hima: “Ptowru neruka Tsru Hixikatshriwa Hoyakalu hiwaka kochtshekatshine, hasujinri hektuntshi.”

Tiago 2:5

Cristo tshinanu nmoletanune nuchinikanune hislahtokanutanno. Hi he Hoyakalu nurrenni wanna hike mwikane xye tshijne hajeruya seyni halixlu tshinanu phurunni hiyrunu Hoyakalu pohirewaxyawaka yoptotatshinepni wanna, runkaklexyana ramotjene?

1 Pedro 1:2

Hoyakalu nurrenhi waleko ralujyawaka tshinanu, Hoyakalu Hiwejikaluru yineru powratatshri tshinanu, hyijnakoxyawakaplu Jesus Cristo halujyawaka, hpolhohoxikolupa wale hrahaya. Hoyakalu hepixle yoptotatshinephi hiyrun-koxa kihle hwachalu hwapotutatshinephi.

1 Pedro 1:20

Hoyakalu nurehchinikanutlu wan-rixyawaka Cristo xye tshijne hma mkamhaknuklunuwa. Seyni xawakni rakanhakakatkalu Cristo, nikawnahohnepiraxinistsi potuko ramotle tshinanhi.

1 Pedro 2:9

Seyni hixa halixatshinhi Hoyakalu nurrenhi, hineruneko hixyawakapa, Tsru Hixikatshriwa Hoyakalu sacerdote-tenhi, yine potukalunetkahi, Hoyakalunuko hixyawakapa. Hoyakalu nuretatkahi hiphujexyawakaplu rixa hihlehchinikanrexyawakhi, mapchahawaka hichpajyawakapa, wale nwaka katawak-potuko nwaka wwiywakapa htshanixikowaka.

2 Pedro 3:14

Hiyáhoni nuchinikanune, xyekaka hapokatshripa kahwakatshine tshinanu jmererunephi. Kihlehchinikanurunephi Cristo-ya, hi psojikna hektuntshiyma hikchikko, hike mixkanephi.

1 João 4:16

Wimatlu hiyrunu walixlu Hoyakalu hamotwu hixa. Hoyakalukni hamotlewlu. Hamotlewlu hwatshri Hoyakalu hwatshrini hiyrunu Hoyakalu waleymalu.

Apocalipse 13:8

Ptowru tshiji hwatshine, katuktako hi khiwaka Carneiro Whene tshinkaluru, hiylatkaluru papel-te stenoya xye tshijne hiyakotkoklunukananuko, hiweklu heneklewatatshri steno mwa hiwakatkatu, himalwutanru kmatsyiru.

Apocalipse 17:8

Kmatsyiru petanru hiwekakanata seyni xawakni hi riweka. Teno pnawaka hamhikowak-yehi hkanijinipa waneya ruylatko. Hiyáhoni yonawahlo steno hiwekkakalune hiwakkaka yonaxikowaka myonhiwakatkone, xye tshijne hwatshine pejnu himyekanu rexinipluna kmatsyiru. Klu tshinanu riwekakanata, xawakni hi riweka seyni ruphujewnapa.