Efésios 1:3 - Bíblia

³ Himalwutkalurni Wutsrukate Jesus Cristo Hoyakalute, himalwutkalurni Wutsrukate Jesus Cristo Hiru. Hoyakalu honra ptowru hixatshri kihleru wiwejinri tshinanupa tenhohne hwatshri heneklewatatshri, hixa Cristo-ymalunwu tshinanu.

Efésios 1:3 ပူးပေါင်းရင်းမြစ်များ

Gênesis 14:20

Himalwutkalurni Tsru Hixikatshriwa Hoyakalu pkamnitjene hamtakkakatshri.” Waneya Abrão ptowru rimwaleru psojitkaka reneklu Melquisedeque.

Gênesis 22:18

Hiyrun-koxa piklopichane tshinanu kihlewaka ntshinanwakatanna ptowruneruka tshij-hoho hwatshine hihlehchinikanutko klu tshinanu ntokanu pomkahitatka.

Lucas 2:28

Waneya Simeão tshinkaluru kanpukatkalu mturu. Hpoyahnutlu Hoyakalu mturu tshinanu. Wla htshinatka:

João 14:20

Wale hohnepa hixa himathetanru Nuru Hoyakalu hwatshri nixyawaka hita. Himathetanru hixni hita hwatshinhi hiyrun-koxa hita hixa hwatshrino hita.

João 17:21

Nanjityi pa hchinikanurune rixyawakapna, hixa pixka Nuru Hoyakalu pa hchinikanurunwu pixa hitayma hiyrunu pa hchinikanurunwu hita pixayma. Nanjityi pa hchinikanurune pixkakanna hixayma, xye tshijne hajene halixyawakaplu pyokanatanruno nixyawaka.

João 20:17

Waneya Jesus wan-tshinro: — Hi pkachitanno klu tshinanu Nuru yehi hi nyawa. Seyni nomolene yehi pyanu, punkakanna: “Teno nyanu Nuru yehi hiyrunu hixa Hiru yehi, Noyakalute yehi hiyrunu hixa Hoyakalute yehi nyanu.”

Romanos 12:5

Hiyáhoni hix-koxa, yáholu hixomnuwu seyni pa manepkawu Cristo-ya. Hiyrunu ptowrunekwu pa manepka psojitwu pimrineymakananuko.

Romanos 15:6

Pa hchinikanurunhi pa tokanurunhi himalwutanru Hoyakalu, Jesus Cristo Hitsrukate.

1 Coríntios 1:30

Klu tshinanu Hoyakaluko Cristo Jesus hipxakkakatkahi. Hiyáhoni walekni wimatkalewniya. Cristo tshinanu Hoyakalu potukatatkawu, Hoyakalunerune rixkakwu hiyrun-koxa Cristo tshinanu riwekkakwu.

1 Coríntios 12:12

Klu tshinanu Cristo mane satupkalutu híxolu wale psojitenkaka. Hiyrun-koxa nyi Cristo mane psojite pixkalune, hixolune pa manepkana.

2 Coríntios 1:3

Himalwutkalurni Wutsrukate Jesus Cristo hiru, royakalute kchinikanur-potukni Hirtshi. Waleni Hoyakalu ptowru neruka hapnanuhchinikankakatshri.

2 Coríntios 11:31

Wutsrukate Jesus Cristo Hoyakalute ptowru hohneruka himalwutkaluru hikeklu hohne mnikawnakatupa himatlu hi nweyawata.

2 Coríntios 5:17

Cristo-yma hwatshritka herotu yinerutkani. Mitshikananu rixjekanaxyawaka nikawnatka. Hiyáhoni xawakni herotutkani.

2 Coríntios 5:21

Hektuntshi mimwakatni Cristo seyni wanepnawaka Hoyakalu hapnokatlu Cristo wektunu tshinanu, wpoyaho potukawnalexyawaka Hoyakalu hetanuya.

Gálatas 3:9

Abraão halixatka. Hiyáhoni ruhlewahchinikanyehitka Abraão. Waneko pixka rixka ptowru halixatshri Abraão pixka ruhlewahchinikanyehitkana.

Efésios 1:10

Rapokpapkoluxinixka Hoyakalu heneklu Cristo htowuxyawakaplu ptowru potuko. Ptowru potuko tenhohne hwatshri hiyrun-koxa ptowru potuko tshiji hwatshri htowuxyawakapa.

Efésios 1:17

Nanjijetlu Wutsrukate Jesus Cristo Hoyakalute, waleni Hirtshi ptowru potuko royaknu, renejyawakaphi himatkaltshi Hoyakalu Hiwejikaluru henekanwu hiphujetlewatatshri rimathexikolupa halikakalutu pirana Hoyakalu yehiya.

Efésios 1:20

Hoyakalu hekhitlu hpixkonu Cristo hipuktshi riwekkajinixkalu waneya Hoyakalu hituplatlu Jesus hpotukle sreta tenhohne hpixkonuyma.

Efésios 2:6

Cristo-yma hipuktshi riwekkajyatkawu hiyáhoni Cristo Jesus-yma tsru hitakkaluru tenhohne hwatshri Hoyakalu henekwu.

Efésios 3:10

Hiyáhoni xawakni Cristo halixatshine hapatjetatshine tshinanu tsrukakalune hiyrun-koxa tsru hitakkalune malehohnewaka hwatshine rimathetanruna ptowruka hixatshri Hoyakalu himatkalewle.

Efésios 6:12

Klu tshinanu wkamnitjene hi yinni kahiturune, hi kahrahalune seyni wkamnitjene wannakni kamtshine hmuhlenuymana xye psol-hohneko yapatshine hiyrunu tsrukakalune, tsru hitakkalune, malehohnewaka hwatshine tsru pixkontshiyma yine yokwijpiratatshine, kamtshi yokwijpiratwu towutlewpiratatshineya.

Filipenses 2:11

Ptowru yinerunru pejnu hiphujetanru Tsru Hixikatshriwani Jesus Cristo. Hoyakalu Hirtshi himalwuxikolupa.

Hebreus 8:5

Sacerdote-ne kamrure halikaka tenhohne hwatshri yaperechani hiyrunu tenhohne hwatshri kamrure yapkaklechani. Hiyáhoni wale tshinanu Hoyakalu wan-tshinru Moisés, Hoyakalupji nikalumta kamhikolu hkamhakjixlu Moisés mitshikananu, wla htshininri: “Xako puslahanru pekhixikolu, teno mriji petakanaxinri potuko mayawle, pkamhanu xako ptowru potuko. Hi psojikna pmayxajinri.”

Hebreus 9:23

Xyekaka yihapkakletlu tenhohne hwatshrikaka halikakalutu, hiyáhoni rujhatkalu wan-rixikowaka hpowraxikowakatka. Seyni tenhohne Hoyakalu yehi hwatshrikaka potu haluklu hiylatkaluru wale yohnik-himukatatshrini.

1 Pedro 1:3

Wpoyahnutanru Wutsrukate Jesus Cristo Hiru, Royakalute. Herotu matuxikolu renekwu hiweklu wkahwajyawakapa Jesus Cristo hiwejinixnaka hipuktshiya tshinanu. Hoyakalu hetwamonre tsru potuko tshinanu.