Efésios 1:1 - Bíblia

¹ Hita, Paulo-no, Jesus Cristo nurrerno, Hoyakalu halujyawakako tshinanu, nyonatlo twu yonawahlo, Hoyakalu hayinetene tshinanu. Hixa Éfeso hajenhi, Cristo Jesus munanhahohnekanatatshinhi tshinanu nyonatlo.

Efésios 1:1 ပူးပေါင်းရင်းမြစ်များ

Lucas 16:10

Katukta psotsonuyaka kihle kamrureya, tsrur-tshinan-koxa kihle kamrurru. Hiyrun-koxa katukta hi kihle hislahle psotsonu tshinanu, tsrur-tshinan-koxa waneko pixka rixa.

Atos 16:15

Waneya wala hiyrunu topji hwatshine ptowruneka batiza-tka. Wane pnute Lídia tshanixwu, wane ttshina: — Hoyakalu halixatshro pikahwajinno nopji hapokanu, wane hwanu. Hipokananu ttshanixwu hiyáhoni wane wutukatka.

Atos 18:19

Waneya Éfeso poktshi rapojinixkana wane ruknokamtna Priscila, Áquila. Waneya hanjihohnewakapji hjihloka Paulo judeu-ne riynumsaxyawakapa.

Atos 18:21

Waneya Paulo hichpakpiraxinixka waneya wane htshina: — Hoyakalu halujinipa nsatokanu pa hohne. Hiyáhoni hpokownatka Paulo Éfeso poktshi ruchpajyatka.

Atos 9:13

Waneya Ananias hihitlu wane htshina: — Tsru Hixikatshriwa, hixo yine njempiranyehixyalu xye jeji hi psokananu hektutu hkamhiyatkana potukalune Jesus halixatshine, Jerusalém hajene.

Romanos 1:1

Hita, Paulo-no, Jesus Cristo towrerno, yonatlo twu yonawahlo. Hita Jesus nurrerno, nnuretka, ntowutka Hoyakaluya nunkaklexyawakaplu kihle piranalu potuko hiwekkaklewatatshri pirana.

Romanos 1:7

Hiyáhoni nyonanwakathi hixa ptowrunekhi Roma poktshi hwatshinhi, Hoyakalu hamotanunhi, htomhaka Hoyakalu kotspalatanune hixyawakapa; waneyaphi Hoyakalu hihlenu hiyrun-koxa hihlehchinikanrewlu Wuru Hoyakaluya hiyrunu Tsru Hixikatshriwa Jesus Cristo-ya.

Romanos 8:1

Hiyáhoni Cristo Jesus munanhalene hi hjihyehitkona Hoyakaluya.

1 Coríntios 4:12

Wkamrurewpotuta. Wimyoko wkamrurewaxya. Yanhakkalunwu seyni wuhlewahchinikanyehlewata. Wyotnejetkamka seyni wakotachatlu.

1 Coríntios 4:17

Wale tshinanu Timóteo tshinkaluru nyokananwakathi. Timóteo-ni noturu pixkalutu nalukanru potuko, poyahokakatshri Wutsrukate Jesus-ya. Wale hichinkapkakanhi nixjexyawaka Cristo Jesus-ya. Wane nixa hasruklewleta ptowru sretako ptowru potuko Cristo halixatshin-yehi hapatjexikowakaya.

2 Coríntios 1:1

Hita Paulo-no nuretkalurno. Hoyakalu halujyawaka tshinanu Jesus Cristo nuretno. Nyonata hixa tshinanu, Timóteo wimole Cristo tshinanuyma. Twu wyonata Cristo halixatshine hapatjetatshine Hoyakalunune tshinanu Corinto poktshi hajene tshinanu hiyrun-koxa ptowruneka Hoyakalu kotspalatanune Grécia tshijne psoluka hajene tshinanu.

Gálatas 1:1

Twu yonawahlo, Paulo yokanrerni. Nuretkalurno, nyokanatka. Yine hi yokanatno hiyrunu hi yineru nurreru tshinanu seyni Jesus Cristo tshinanni hiyrun-koxa Hirtshi Hoyakalu tshinanu Cristo hiwekkakatshri hipnatshine tskalaya.

Gálatas 3:26

Klu tshinanu hixa Jesus Cristo halixyawaka tshinanu hixa ptowrunekhi Hoyakalu whenenhi.

Gálatas 3:28

Satupkahi Cristo Jesus-yma. Hi judeu-nhi hi judeu mixkanhi. Hi towrertshiko hi hichotkaluruko. Hi jejineko hi suxoneko.

Gálatas 3:9

Abraão halixatka. Hiyáhoni ruhlewahchinikanyehitka Abraão. Waneko pixka rixka ptowru halixatshri Abraão pixka ruhlewahchinikanyehitkana.

Efésios 1:15

Wale tshinan-koxa hixa Wutsrukate Jesus halixyawaka njempiranyehita hiyrun-koxa hixa pimrine potukalune Cristo halixatshine hichinijyawaka pirana njemini,

Efésios 2:10

Klu tshinanu Hoyakalu hiyakotwu Jesus Cristo-ya kihleru wkamhiywakapa. Kihleru wkamhin-honra mitshikawako ralpokotatkalu hixa tshinanu wkamhiywakaplu kihleru.

Efésios 2:13

Seyni xawakni Jesus Cristo-ymalunhi hixyawaka tshinanu hixa mitshikananu Hoyakalu yehi howuka hwakanatatshinhi hapokastsitlu Hoyakalu, Cristo hipnale tshinanu.

Efésios 2:6

Cristo-yma hipuktshi riwekkajyatkawu hiyáhoni Cristo Jesus-yma tsru hitakkaluru tenhohne hwatshri Hoyakalu henekwu.

Efésios 6:21

Wuchinikanru wimole Tíquico tshinkaluru Wutsrukate Cristo kamrurewyehitatshri halikak-potuko. Wale hinkakanhi hita nopirana hixa himaxyawakaplu hanu nixa.

Colossenses 1:2

wyonatlo twu yonawahlo, hixa Hoyakalu hayinetene Colossos poktshi hajenhi tshinanu. Hixa wmoletanunhi Cristo tshinanu kalixaklerunhi Cristo-ya. Hoyakalu henekachale hihlenu yoptotatshinephi, kihlehchinikanurunephi Wuru Hoyakaluya.

Apocalipse 17:14

Carneiro Whene tshinkalurumka hkamnitanna seyni rallitanna klu tshinanu wale honukla ptowru tsru hixikatshriwa hitsrukatni wale, Carneiro Whene tshinkaluru. Pohirtshine pohirni wale. Romkahitjene, waleymalunni wanna htomhalenni wanna. Wanna nuretkalune koxa hallitanna. Poyehi halixlerunni wanna.

Apocalipse 2:10

Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.

Apocalipse 2:13

Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.