Colossenses 4:3 - Bíblia

³ Hanjihohnexini hix-koxa hanjihohneyehitanu, Hoyakalu himukata hikchika yapawaklexyawakapwu wunkaklexyawakaplu Cristo pirana mpohitakanatkotu pirana. Cristo pirana npohitle tshinanu kapna nutakka.

Colossenses 4:3 ပူးပေါင်းရင်းမြစ်များ

Mateus 13:11

Waneya Jesus wan-tshinatkana: — Hixamka henekka himaxyawakaplu mimatyehitkotu pirana tenhohne pohirewaxyawaka pirana seyni wanna hike.

Atos 14:27

Waneya rapojinixkana Antioquia Paulo, Barnabé hapatjetna Cristo halixatshine hapatjetatshine waneya runkakna psoluka Hoyakalu hixkajyawakna pirana hiyrunu Hoyakalu hixkajyawaklu judeu mixkane koxa ralixyawakna pirana.

Romanos 16:25

Wuya wimalwutanru Hoyakalu! Wale himukata halixkaklepotuthi hixa, halixlewluya Jesus Cristo pirana, kihle piranalu potuko hiwekkaklewatatshri pirana, nunkakletleru tshinanu. Waleni halikakalutu pirana phujetanuru hix-hohne potuko mitshikananu yohimakanatkaluru pirana.

1 Coríntios 16:9

Klu tshinanu nukchiklu hewi híxona yine Hoyakalu pirana halukatshine. Numukata hinkaklewleta yahmaklu híxona nkamnitjene.

1 Coríntios 4:1

Hixa hijhalu Cristo-yma kamrurewatatshinwu hikahwajyawakwu. Hoyakalu pirana yohimakanatkaluru pirana hiphujetatshinwu.

2 Coríntios 2:12

Trôade poktshi napkapini Cristo pirana, kihle piranalu potuko hiwekkaklewatatshri pirana nunkaklexini, netlu Tsru Hixikatshriwa Hoyakalu hali halpokoletatkalu wane hyoptoxiko nunkakle.

Efésios 3:1

Xye hikolukle tshinanu, hita Paulo-no, preso hajerno Jesus Cristo hitshre tshinanu. Hixa judeu mixkanhi nepixyawakapa.

Efésios 3:3

Hoyakalu hekhitno hkamhanrupa pirana yohimakanatkaluru. Wale pirana rimatjemkakno. Xye pirana mitshikananu nyonata psotsonu tokantshi hixa tshinanupa.

Efésios 3:4

Wale het-yonhaxini himatjemanru Cristo pirana yohimakanatkaluru nimatleru.

Efésios 3:9

Hiyrun-koxa renekno nimatjemkajyawakna ptowru neruka hanu potu rixa yohimakanatatshri pirana, Hoyakalu hixa hichinikanretlexyawakna pirana. Klu tshinanu Hoyakalu ptowru potuko hiyakotatshri ptowru papkokananuko mitshikananu hi ruphujetakanatlu xye pirana yohimakanatkaluru.

Efésios 4:1

Wale tshinanu, hita Paulo-no, kachitkalurno klu tshinanu Nutsrukate Jesus Cristo nomkahita, nanjithi hiwekan-xako Hoyakalu halujyawak-potuko homkahitanu htshanixikowaka.

Filipenses 1:19

Klu tshinanu nimatlu hixa hanjihohnere tshinanu hiyrun-koxa Hiwejikaluru Jesus Cristo hepixle tshinanu nuchotko.

Filipenses 1:7

Hixa ptowrunekhi nuchinikanretahohnejeta. Kihleru wane nixa hichinikanretlexyawakhi klu tshinanu hixa nitsaklawnakjenhi xye kamrurtshi honukla Hoyakalu henekatkano. Hixa haté xawakni wan-hixjetno yahmaklu preso nutakka hiyrun-koxa wan-hixjekanatno mkachitkotu nixjekanaxini. Waneklu papko hike himaletakanatno kihle piranalu potuko hiwekkaklewatatshri pirana nimatshwahyawakapa hiyrun-koxa npoyehiwkajyawakpotuplu.

Colossenses 1:26

Xye pirana honukla mitshikananu mimatakanatkotu mitshikawa hohneko Hoyakalu yohimakanatanru pirana yine tshinanu ptowru hohnekananuko seyni xawakni ruphujetlu xye pirana rayinetene tshinanu.

Colossenses 4:18

Hitni Paulo-no halikhi. Hitako yonatlo twu. Hi hamtakanno hostutkalurutkano. Nanjitlu Hoyakalu, Hoyakalu hihlenu henekachaleymapyi.

1 Tessalonicenses 5:25

Nmoletanune Cristo tshinanu, hanjihohneyehitanwu.

2 Timóteo 1:16

Tsru Hixikatshriwa Hoyakalu hetwamonutanna Onesíforo-pji hajene. Klu tshinanu hixo kata rapnanuhchinikankakno. Hi ripatewatno hita, hostutkalurno.

2 Timóteo 2:9

Xye tshinanu nsalewna. Kachitkalurno hektutu kamhatshri pixka. Seyni Hoyakalu tokanu hi kachitkaluru.

2 Timóteo 4:2

Punkakletanru tokantshi hiwekkaklewatatshri pirana. Pkamhapotutanru punkaklewaxyawaka hipapkolu potuko hiyrunu hipapko minje koxa. Yine majnákonu puykotanu, ppoyikotanna, ptowutanna yine halikak-potu romkahixyawakna, pasruklewatanu ptowru mchiretannutshiyma.

Filemom 1:22

Hiyrun-koxa wane pchinika palpokotanru nohrukolupa. Klu tshinanu nalixlu panjihohnere tshinanu hewi nkochpajiko, pixa nwaka nsatkakko.