Colossenses 1:9 - Bíblia

⁹ Hiyáhoni xawakni xye ptowruka tshinanu hi wutuk-hanjihohneyehrethi. Hixa pirana wejemle haté xawakni wanjijetlu Hoyakalu himatkalnutshi hixa htsepoxyawaka wale halujyawaka pirana, ptowru potuko himatkalewleya hiyrunu himatjemlewleya Hoyakalu Hiwejikaluruya.

Colossenses 1:9 ပူးပေါင်းရင်းမြစ်များ

João 7:17

Satu yineru haluka kamhalexinri Hoyakalu halujyawaka, rimathetanru nasrukle hichpajyawaka pirana, ho Hoyakalu yehi hichpajikatshrira ho hitako ntokanra.

Atos 12:5

Waneya Pedro preso hwa ruslahkatka seyni Cristo halixatshine hapatjetatshine psol-mixkonuko Hoyakalu ranjihohneyehitluna Pedro.

Romanos 12:2

Hi hewi tshijne hiwejikatshine pixka hixanu seyni hitshitanru Hoyakalu herotexyawaklu hixa hchinikanu psol-potuko. Wan-hixatshinephi himatanru Hoyakalu halukanru kihleru hiyrunu hikchikhihlenruru hiyrunu ruhleretanru potuko.

1 Coríntios 1:5

Klu tshinanu hixa Cristo-ymalunhi tshinanni ptowru potuko hepixika — hixa hepixka hyanumaxyawaka hiyrun-koxa himatjemle hepixika.

Efésios 1:8

Hi psokananru himatkalewlu hiyrun-koxa rimatjemle renekanru hixa tshinanu.

Efésios 5:10

Hijhanru klunerukta rukchikhihlenreru Wutsrukate Hoyakalu.

Efésios 5:17

Hiyáhoni hi mahchinikanunephi seyni Wutsrukate Cristo halujyawaka himatjematshinephi.

Efésios 6:6

Hi htowutjene hetanu tsonu kajnakophi hyokwijechaxyawaka tshinanupna htowutjene seyni Cristo towrene hikahwajinwa hiyáhoni psoluka hihchinikanu mixkonuyma hkamhanru Hoyakalu halujyawaka.

Filipenses 1:4

Hiyrun-koxa ptowru katako nanjihohneyehixinhi numuwa hanjihohnerejeta,

Colossenses 1:6

Xye tokantshi hix-yehi hapokatshritka ptowru tshijne hapokatshritkani. Xye tokantshi ptowru yineru tserutahchinikanutatshrini, hix-koxa htserutahchinikanjeta himatjeminixkalu Hoyakalu hihlenu hixa tshinanu halikak-potu piranaya heyijnaklekananuko haté xawakni.

Colossenses 3:16

Hitshitanru Cristo tokanu himwiywakhi psoluka ptowru himatkaltshiya. Hasrukkakanu, hiykokakanu Hoyakalu tokanu chikaltshiyma hiyrunu himalwuru chikaleyma hiyrun-koxa pimrikaka chikaltshiyma. Hoyakalu Hiwejikaluruya hchikalewatanu. Hchikalewaxini Hoyakalu tshinanuya hpoyahnutanru hajiya.

Colossenses 4:12

Epafras, satutnaka hix-yehi hichpajikatshritka, Cristo towreru halikhi. Hi rutuk-hanjihohneyehrethi seyni ranjijetlu Hoyakalu hpoyehiwa halixlekakanhi, tsrune rixkakanhi halixlewluya, psoluka Hoyakalu halukanru hixa tshinanu.

Colossenses 4:5

Himatkalnuyma hiwekanu malixkane hetanuya. Hiwekka pchinika hi hetachaxinwa.

1 Tessalonicenses 1:3

Hi wutuk-hichinikletlu hixa kamrure hixa halixle tshinanu hiyrunu Cristo hichinijyawaka tshinanu hkamrurewpotuxyawakatka hiyrunu wuchinikjetlu hanu hixa kahwakleta mchiretanutu Wutsrukate Jesus Cristo-ya Wuru Hoyakalu hetanuya.

1 Tessalonicenses 5:17

Hi hituk-hanjihohneretanu.

2 Tessalonicenses 1:11

Hiyáhoni wale tshinanu hi wutuk-hanjihohneyehrethi. Wanjijetlu Woyakalute xye htshanixikowaka pixka potuko halukalunephi. Hiyrun-koxa wanjijetlu Hoyakalu ptowru kihleru haluka kamhaletanru himata kamhiywakapa hiyrunu wanjijetlu halixlewlu kamrure hpoyahokakanu pixkontshiyma.

Filemom 1:4

Filemom nunkakanyi, ptowru katako nanjihohnexini, pixa hiwaka nkochtshekanu. Npoyahnutlu Noyakalute pixa tshinanu.

Filemom 1:6

Hiyáhoni nanjijetlu Hoyakalu palixle hepixlewatatshri, himukatatshri rixyawakapa. Rimaxikowakapa ptowru potuko kihleru pixa hwatshri, Cristo Jesus hikchijikolni wale.

Hebreus 10:36

Seyni hijhalu hmachiretannu waneya Hoyakalu halujyawaka hali kamhalexinipa hyoptotanru runkaklexya piranhi.

Hebreus 13:21

Nanjitlu Hoyakalu hike mmahaxikane rixkajyawakaphi ptowru kamrurtshi tshinanu. Wale halujyawaka tsonu kamhatshinephi hiyrunu ptowru potuko rukchikhihlenreru, hix-yehi kamrurewaxikatshri rixyawaka, Jesus Cristo tshinanu. Himalwutkalurupni wale, hikeklu hohne mnikawnakatupa. Seyoka.

Tiago 1:5

Seyni satkakhi hixa himatkalnutshi hmahaxini, Hoyakalu hanjitanu waneya renekanhi. Klu tshinanu Hoyakalukni kchinikanuru, ptowru yine ranjitjene renekachata ptowruko hiyrunu rukchikhihlenutlu renekachalewaxyawaka.

Tiago 3:17

Seyni himatkalnutshi tenhohne hichpajikatshri waleni mitshikananu powra hchinikan-menu. Waneya walestsi hajeru, kihle hwachluni, mayohnutshi, kihle hepomhakolu, jetwamonukleru, kihle kamrurewleru potu, myokmakahchinikanutkatu, mixachatkatu.

1 Pedro 2:15

Klu tshinanu Hoyakalu haluklu wan-hixikowaka. Waneya wan-hixatshinhi, kihleru hkamhaleru tshinanu wanna mchinikanune hike mimatkane tokanu hitshrokkakanu.

1 Pedro 4:2

Hiyáhoni xawakni wan-hixatshri yineru hi hijhalu himane het-sotanrewle romkahixyawaka, yineru hikchikhihlenrerumka hi romkahitanu. Seyni Hoyakalu hikchikhihlenreru rujha homkahreta riwekka pchinika.

1 João 2:17

Xye psol-tshijneka hmahakananumxya ptowru het-sotanrewluymakananuko seyni Hoyakalu halujyawaka kamhatshri hikeklu hohne hnikawnanu.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.