Atos 8:9 - Bíblia

⁹ Wale poktshi koxa rawakanata satu jeji Simão hiwakatletatshri. Mitshikawa kahontshitkani wale poktshiya. Rimyekjekanatna Samaria hajene. Tsru potu rutajnawa,

Atos 8:9 ပူးပေါင်းရင်းမြစ်များ

João 7:18

Klu tshinanu waleko hipirana kochtshekatshri, rujhalu waleko hiwaka hpohixikolupa. Halikaka hanurukta himalwutlu hyokanatjeru, wale halikaka, halikaka pirana hinkakletatshri hiyrun-koxa hi kaweylu.

Atos 13:6

Waneya hkoprutna psoluka mar powha hanikajite hwatshijitatshri haté Pafos poktshi rapokna. Wane rexyaluna satu kahontshi judeu-neru halikaka tokantshi minje hinkakletatshri. Wale hiwakni Barjesus.

Atos 13:8

Seyni kahontshi Elimas tshinkaluru kamnitna. (Elimas, walekni Barjesus hiwakni grego-nruya.) Raluk-himaletletlu tshiji towutatshri Jesus hma malixyawakanupa.

Atos 5:36

Klu tshinanu mitshikawa ruphujewnatka Teudas tshinkaluru. Tsru rutajnawa hiyáhoni psokaklu quatrocentos jejine hepiretlu seyni ruylatkatka waneya ralixjene ptowruneka hipalatatka hiyáhoni hike hkamhatkana wanna.

Atos 8:11

Ruslahpotutluna klu tshinanu hix-hohnepotukananu rimyekakatkana kahontshi rixle tshinanu.

2 Tessalonicenses 2:4

Hkamnitanru ptowru hixatshri hoyakalu tshinikatshriwa hiyrunu htserutpiranyehixinwa ptowru hixatshri hoyakalu tshinkalurutka ho himalwutkaluru phuta yohnik-hixahoxikatshriwa. Waneya Hoyakalupji potuko htowutanu, Hoyakalu htshininwa.

2 Timóteo 3:2

Klu tshinanu wanepna yine wanna nanwaka tsonu halujikatshinwa, tiyiro halukatshine potu, tsru hikahwajikatshinwa, halixkoxikatshinwa, hike mkahwakpiratkane, tsrune majnakowyehitatshine, poyahnu mtshinkane, Hoyakalu malukkane,

2 Timóteo 3:5

Hoyakalu hchinikanu potukalu homkahitatshine rikahwajnawana seyni rekhixnawana Hoyakalu pixkonu pirana malixkanetkani. Nyi putspalaxin-pixa.

2 Pedro 2:18

Klu tshinanu tokantshi halukkaluru phuta hyanumjexinrina ralixkotjetna pirana, mantshi haluklerukaka chinikantshi mimaletkotu hkosetna hajeyri hektuntshi yehi hasukpiraxikatshinewa.

Apocalipse 22:15

Seyni poktshi malekate rawna kawene pa himtuknurune, kahontshine, kapoklewaklerune, jiylalewaklerune, mayawletshicha kahwakpiratatshine, hayloklewlu halukatshine hiyrunu weyawlu kamhatshine.