Atos 2:3 - Bíblia

³ Waneya satkaka ruphujewnayehita tshitshmero katmerolkaka pixkalutu. Satkaka wanna tseptahi rapokmerotatka.

Atos 2:3 ပူးပေါင်းရင်းမြစ်များ

Gênesis 11:6

Waneya wane htshina Hoyakalu: — Halikakni panerupkana yine, panrupkana. Xyeni hyinuwajikolu tsonu. Xawakni hike himaletanna wanna klukta raluka kamhaletanna wale hkamhanna.

Mateus 3:11

Hita batiza-jethi honhaya himaxikowaka hixa hehchinikanutatka, seyni wale, hapkatatatshri batiza-tanhi Hoyakalu Hiwejikaluruya, tshitshmeroya koxa. Wale hinatshripa hita pnute himukatatshrini. Hikenno hita h-sandalha-te nanijyawaka.

Mateus 3:15

Waneya Jesus hihita. Wane htshinru: — Petachatanutshi pchini hohnejiji, hpoyaho hakanhalexyawaka ptowruka Hoyakalu halukanru. Waneya João koxa hikchikhihlenutlu wan-rixyawaka.

Lucas 24:32

Waneya wane htshinkakna wannakakluko: — Hi he hamhajitaknawu riynumsakanaxinixkawu hatnu hapoya, runkakakanaxinixkawu Hoyakalu tokanu yonatkaluru tshinpiraxyawaka pirana?

Atos 1:15

Waneklu papko Pedro yopkaka Jesus hasruklene hanikajite (cento e vinte yine hapatjetatka) waneya wane htshina:

Atos 2:11

Satkakwu judeu-nerunwu, satkakwu hiprotaka judeu rixnatkawa. Satkaka Creta tshijne hichpajikatshine pimrine Arábia tshijne hichpajikatshine. Hanhe xawaka wixa himatjemletna nyi yine hixa satkakwu wunru potuko, Hoyakalu kamrure kihler-potuko pirana runkaklexyawakna?

Atos 2:2

Waneya waneklukawa potuko, hjemluna sejirtshi tenhohne hichpajikatshri, tsru kanniphalu pixka rixa hajpoleta htsepotlu htuplakanaxyawaknapji psoluka.

Atos 2:4

Waneya wanna ptowruneka, katsepoyatka Hoyakalu Hiwejikaluru. Waneya hyinuwaka yanumlexyaluna pa nru pejnu, hyanumanruxinine nru pejnu Hoyakalu Hiwejikaluru yanumkakatkana wannanruya.

1 Coríntios 12:10

Satuko yineru yoptotlu Hiwejikaluru potukalu pixkonu himyekaklewatatshri hkamhiywaka seyni satuko yineru renekka himatkalnutshi Hoyakalu pirana runkaklexyawaka. Satuko renekka himatkalnutshi rimathexyawakaplu pixkontshi renekachaxikolu Hoyakalu henejyalu ho satuko pixkontshi pnuko hichpajikatshri rimatheta. Satuko renekka pa nrukaka hyanumaxyawaka. Seyni satuko renekka pa nrukaka hyokajinripa.

Tiago 3:6

Nrutshi tshitshmero pixkalutni. Psol-tshijneko hektutu tsepotkakatshrini winru. Wimane psojitni winru seyni hpitshotlu wimane psoluka. Ptowru potuko wixjexyawaka, xye tshijne hajeru ratawna. Xye hakpahatshri mero hamhikowak-yehi hichpajikatshrini.

Apocalipse 11:3

Hepi nuphujtatjene mkatshri saco mapa kamhikolu makatatshine nyokanatanu. Waneya Hoyakalu tokanu runkakletanna mil duzentos e sessenta hohne pejnu.

Apocalipse 14:6

Waneya satu hiwejikaluru Hoyakalu towreru tenhohne hajeru neta tenhohne palnikatshri. Kihle piranalu potuko hiwekkaklewatatshri pirana hike rixiniko mnikawnakatupa pirana hiphujetatshrini wale. Ptowru tshijne hajeru tshinanupa, ptowru nerkaka tshinanupa, ptowru yineru ptohkaka tshinanupa, ptowru nrukaka tshinanupa hiyrunu ptowru yin-yehi tshinanupa.