Apocalipse 9:5 - Bíblia

⁵ Hi titshitka tsetseru nyi yinni tuylaxyawakapa seyni t-saletachapotuxyawakapna cinco ksuru pejnu tsonu. Yine heklo hinojinna saletle pixka.

Apocalipse 9:5 ပူးပေါင်းရင်းမြစ်များ

João 19:11

Seyni Jesus hihitlu, wla htshina: — Hike ptowuta pixa hita tshinanu Hoyakalu menekkanuklunyi. Wale tshinanu hita nsamyokjeru pixa pnute hektuwatatka.

Apocalipse 11:7

Waneya rali hinkaklewlexinipna hiphujetatshine hepi waneya kmatsyiru teno pnawaka hichpajikatshri kamnitanna, ralliretanunna, ruylatanunna.

Apocalipse 13:5

Waneya ritshitka kmatsyiru tokantshi hektutu hyanumaxyawaka, htserpiranaxnawa. Renekka wan-rixyawaka quarenta e dois ksuru pejnu.

Apocalipse 13:7

Himukatlu renekka Hoyakalu nurrene ralixjene hkamnixyawakapa, rallixyawakapna. Hiyrunu towuwlu renekka ptowru nerune, ptowru nrukaka yanumatatshine hiyrunu ptowru tshijne hajene htowuxyawakapa.

Apocalipse 9:10

Hihchina, heklo hchi pixka rixa. Hinokalewapni hihchina hwatshri. Hihchina kmixkonru yine hsalexyawakapna cinco ksuru pejnu.

Apocalipse 9:3

Tshitshipha hitokote ruchpajya tsetserune. Tshij-hoho rapoka. Renekpixkonutka tsetserune runokalewaxyawakapa heklo xye tshijne hwatshro pixka rixanna.