Apocalipse 9:1 - Bíblia

¹ Waneya cinco rixinri hiwejikaluru Hoyakalu towreru tenhohne hajeru kowitatka. Waneya netlu satu katahiri tenhohne hijrujikatshri, tshiji hapokatshri. Teno pnawaka kotpukapre renekka katahiri.

Apocalipse 9:1 ပူးပေါင်းရင်းမြစ်များ

Lucas 10:18

Waneya Jesus wan-tshinna: — Hehe, hita hetlu Satanás kamtshi rujrujyawaka tenhohneya rawrakle pixka.

Lucas 8:31

Waneya kamtshine hanjitlu Jesus teno pnawaka hma yokanaxyawakanupna.

Romanos 10:7

“Hi pepomhan-koxa: Kathe serpikanu haté tshiji hitokote?” Wale piranni Cristo hatskokakatshripa hipnatshine tskalaya.

Apocalipse 1:18

Hiwekatshrino. Hipnatshrikananno. Seyni petanu, hiwekhohnekanatatshrino hike rixiniko mnikawnakatupni. Ntowutlu hamhikowak-yehi hiyrunu hipuktshi ntowuta.

Apocalipse 1:20

Sete katahirine petlene npotukle myo nanikamxinri hiyrunu sete katalu hanikapine, ouro kamhikolu pirana mpohijetanutukananu nuphujetanu. Sete katahirine, hiwejikalune Hoyakalu towrerune tenhohne hajene wannani Cristo halixatshine hapatjexikowakkaka hwatshinni. Sete katalune hanikapi, yapkakletlu sete hapatjewakkaka.

Apocalipse 11:7

Waneya rali hinkaklewlexinipna hiphujetatshine hepi waneya kmatsyiru teno pnawaka hichpajikatshri kamnitanna, ralliretanunna, ruylatanunna.

Apocalipse 17:8

Kmatsyiru petanru hiwekakanata seyni xawakni hi riweka. Teno pnawaka hamhikowak-yehi hkanijinipa waneya ruylatko. Hiyáhoni yonawahlo steno hiwekkakalune hiwakkaka yonaxikowaka myonhiwakatkone, xye tshijne hwatshine pejnu himyekanu rexinipluna kmatsyiru. Klu tshinanu riwekakanata, xawakni hi riweka seyni ruphujewnapa.

Apocalipse 20:1

Waneya netlu satu hiwejikaluru Hoyakalu towreru tenhohne hajeru tenhohne hichpajyawaka. Chave teno pnawaka hichyapi himyo ranijya. Hiyrunu tsru yomuwatsa, tsrukakalu himyo ranijya.

Apocalipse 20:10

Waneya Tsru Kamtshi hyokwijetjerna tshitshmero powha, enxofre yehi hitokote, ruknokkatka, kmatsyiru hiyrunu hoyakalu tokanu hinkakletatshri minje hwiywaka potuko. Wane hsaletpotuxíkona hohohne, hoyetshno hike rixiniko mnikawnakatupa.

Apocalipse 6:13

Katahirine, tenhohne hwatshri tshij-hoho hijrujyana, figueira muna tujruksahixini pixka totsota sahiko, kanniphalu kowchokchehixinro pixka.

Apocalipse 8:10

Waneya mapa rixinri hiwejikaluru Hoyakalu towreru tenhohne hajeru kowitatka. Waneya satu katahiri tsrur-potuko tsru kat-merolu pixkalutu tenhohne ruchpakhalhalemxya. Satupka mapate (1/3) wenkaka hiyrunu hakophakaka rapokana.

Apocalipse 8:12

Waneya quatro rixinri hiwejikaluru Hoyakalu towreru tenhohne hajeru kowitatka. Satupka mapate (1/3) tkatshi, satupka mapate (1/3) ksuru hiyrunu satupka mapate (1/3) katahiri katalu himtuwnakakkatka. Hiyáhoni satupka mapate hohi hi tnikotatka tkatshi hiyrunu hoyetshno satupka mapate (1/3) hi katatka ksuru hi katahiriko kata wane pchinika.

Apocalipse 8:2

Waneya netna hiwejikalune Hoyakalu towrerune tenhohne hajene sete, wanna honukla Hoyakalu hoji sreta hwahohnekanatatshine. Sete kowi henekkalune.

Apocalipse 9:2

Teno pnawaka hiple hkotpuka katahiri. Waneya teno pnawaka ruchpajya tsru tshitshipha, hsana yoxijikolu pixka. Hiyáhoni tkatshi katalu hkatshpoka hiyrunu malehohnewaka hitshpokatka tshitshipha teno pnawaka hichpajikatshri tshinanu.