Apocalipse 8:7 - Bíblia

⁷ Waneya mitshikananu hiwejikaluru Hoyakalu towreru tenhohne hajeru kowitatka. Waneya sotluha hiyrun-koxa tshitshmero hrahtshi yapjetatshri tshij-hoho ruknokkatka. Hiyáhoni satupka mapate (1/3) hocha halha hiyrunu ptowruka kaptsheru poleru halhana.

Apocalipse 8:7 ပူးပေါင်းရင်းမြစ်များ

Tiago 1:11

Tkatshi nikoxini pixka, ramnu hiprihkaklu kchana waneya kchana hwu hijrukanahonuka, hihwu hihlenu hnikata. Waneko pixka rixa nikawnaleta phuru hkamhanrukaka tshinanu.

1 Pedro 1:24

“Klu tshinanu ptowru yineru peklo pixka hixatshrini. Hiyrun-koxa ptowru hixatshri yineru hihlenu kchana hwu pixkalutni. Peklo hiprihachata hiyrun-koxa kchana hwu hijrukachata.

Apocalipse 12:4

Hihchimtayma hkosetlu satupka mapate katahirine (1/3) tenhohne hajerkaka waneya tshij-hoho ruknoklu. Waneya suxo matuwhenpiratatshro hoji sreta hyopkaka Tsru Kamtshi dragão hnijyawakapmaklu towhene hmatuxiniklunupa mturu.

Apocalipse 16:2

Waneya wane hya mitshikananu Hoyakalu towreru tenhohne hajeru. Rupkaklu histono hwatshri tshij-hoho. Hiyáhoni hanolu kakchiru, katshinolu potuko hapokyehitna wanna yine ptowrunnika kmatsyiru himaxikole himwatshinni hiyrunu kmatsyiru yáholu himalwutatshinni hoho rapoka hanolu.

Apocalipse 16:21

Waneya sotluha tenhohne hichpajikatshri, yine hoho rapokatka. Tsru tshrajhakakalu, quarenta kilo pa hinnu hetkolu satkaka sotluha. Waneya yine hektuwaka htshinanwakatluna Hoyakalu sotluha hsalexyawakna tshinanu, klu tshinanu tsru potuklu xye salewnalu.

Apocalipse 6:8

Waneya netatka. Satu cavalo hakanhatka. Pwalolni. Cavalo yapatshri hiwakni, Hipuktshi. Hiyrunu Hipnatshine Hwiywaka tshinkaluru hapkatamta. Towuwlu satu quatro-te (1/4) renekkana xye tshijne hajene, ruylalewaxyawakapna yohlolewapiyma, natshiyma koxa ruylalewatanna, hipuktshiyma, nikalune kmatsyirune xye tshijne hwatshineyma koxa ruylalewatanna.

Apocalipse 7:1

Waneya wane wkatanu netna quatro hiwejikalune Hoyakalu towrene tenhohne hajene, tshiji sreta quatro yopkakatshine, kanniphalu quatro sreta hichpajikatshri himaletatshine. Rimaletluna kanniphalu tshiji hma yapyawakanupa, mar powha koxa, hocha koxa hma yapyawakanupa.

Apocalipse 9:15

Waneya ruchotkatkana hiwejikalune Hoyakalu towrerune tenhohne hajene quatro. Nyi quatro Hoyakalu halpoklenni wale papko potuko tshinanu, wale hwalapu, wale ksuru, wale hora potuko tshinanupa yine ruylaxyawakapna, satupka mapate (1/3) yine pejnu.

Apocalipse 9:18

Satupka mapate (1/3) yinni hiylatkana xye mapa saletlu tshinanu, tshitshmero tshinanu, tshitshipha tshinanu hiyrunu enxofre tshinanu. Cavalo-ne nama hichpajikatshri.

Apocalipse 9:4

Htshin-towutlexikowakna hi hocha, hi hahmuna, hi satukna pole sureruko tumtujyawakapa seyni yine, Hoyakalu himaxikole jrottshi hitakkaluru mwikane tsonuko hsaletanna halikaka tsetserune.