Apocalipse 8:2 - Bíblia

² Waneya netna hiwejikalune Hoyakalu towrerune tenhohne hajene sete, wanna honukla Hoyakalu hoji sreta hwahohnekanatatshine. Sete kowi henekkalune.

Apocalipse 8:2 ပူးပေါင်းရင်းမြစ်များ

Mateus 18:10

— Xako hi heyikanru satu nyi mturune klu tshinanu wane ntshinhi, hiwejikalune Hoyakalu towrene tenhohne hajene wanna tshinanu psol-hohneko rethojitluna Nuru tenhohne hajeru.

Mateus 24:31

Kowi hima hajpokoklunpatka Hoyakalu yokanatanna htowrene hiwejikalune tenhohne hajene ptowru sretako rapatjexyawakapna Hoyakalu nurrene ptowru sreta tshijne hichpajikatshine.

Lucas 1:19

Waneya hiwejikaluru Hoyakalu towreru tenhohne hajeru wane htshin-hihretlu: — Petanu. Nhiwaka Gabriel, Hoyakalu towrerno. Walekni nyokanatjeru pixa nunkajyawakapa xye pirana kihler-potuko.

Lucas 21:36

Hiyáhoni hi himnanhinri, hanjihohnejetanu, hi hituk-hanjihohneretanu, himukata hasuklexyawakaplu ptowruka xyekaka hinatshripa. Hpaklu poyehiwlehchinikanuta Jeji Whene tshinkaluru hetanuya.

1 Coríntios 15:52

Pchini tsonujiji himruklu pa teyaknuplu hapkat-himpotutatshro kowiklu wan-hixko. Kowi hajpokko waneya hipnakanatatshinetka hiwekanutnaka, hikeklu hohne mnikawnakanpatkani. Ptowrunekwu hemanetanutka.

1 Tessalonicenses 4:16

Klu tshinanu mitshikananhapka waneyaplu sapletshi towutkaluru himapa, waneyapa hiwejikaluru Hoyakalu towrerune tenhohne hajene towutatshri plama hima, waneyapa Hoyakalu kowne hima, waneyapa Tsru Hixikatshriwa Jesus potuko tenhohne hserpijini. Waneyapa hipnatshine Cristo tshinanu yotunohapkatanu.

Apocalipse 1:4

Hita, João-no, nyonanwakatna Sete, Cristo halixatshine hapatjewaka, Ásia tshijne hajene. Kihle hchinikanurunephi hiyrunu kihle hwachalu henejikowakapa Hoyakaluya hwahohnekanatatshri, xawakni hohne hwatshrini, mitshikawni hiyrunu wale pnut-hohne hwatshrip-koxni. Hiyrunu Hoyakalu tuplaprestsi hwatshine sete hiwejikalune tshinanuya koxa.

Apocalipse 11:15

Waneya hiwejikaluru Hoyakalu towreru tenhohne hajeru sete rixinri kowitatka. Waneya tsru himkaka hjemka tenhohneya wla tshinatshri: — Xye tshiji hajeru pohirtshikaka Wutsrukate Hoyakalunpatka hiyrunu hnurreru Cristo-npatkani. Hiyrunu wale pohirewahohnekanatanu hike rixiniko mnikawnakatupa.

Apocalipse 15:1

Waneya wane wkatanu netlu satu hetkaluru, tsru potuko himyekaklewatatshri. Waleni sete hiwejikalune Hoyakalu towrerune tenhohne hajene, sete tsru salewaktshi hapkatatatshri hanikatshine. Klu tshinanu ralipretkani Hoyakalu jhekanu.

Apocalipse 16:1

Waneya tsru tokantshi hima njema hiwejikalune Hoyakalu towrerune tenhohne hajene hiynumsatatshri. Hoyakalupji hichpakhimaxya. Wla htshina: — Xawakni hyanu, tshij-hoho hipkajinri sete stono hwatshri, Hoyakalu jhekanu yehi.

Apocalipse 8:13

Waneya netatkalu. Tsru paktsha tenhohne palnikatshri teno potu, neta. Njemlu hyanumaxyawaka tsru tokantshi yanumaxikatshri wla tshinatshri: — Kyowikowak-potuklu, kyowikowak-potuklu, kyowikowak-potuko rawna xye tshijne hwatshine pimri kowi himkaka, hiwejikalune Hoyakalu towrerune tenhohne hajene mapa kowitatshinpatka tshinanu.

Apocalipse 8:6

Waneya hiwejikalune Hoyakalu towrerune tenhohne hajene sete halpokoxnawa kowi hyanumkajyawakapna.

Apocalipse 9:1

Waneya cinco rixinri hiwejikaluru Hoyakalu towreru tenhohne hajeru kowitatka. Waneya netlu satu katahiri tenhohne hijrujikatshri, tshiji hapokatshri. Teno pnawaka kotpukapre renekka katahiri.