Apocalipse 7:4 - Bíblia

⁴ Waneya njemlu hi pejnu himaxikoletkalune hwa. Cento e quarenta e quatro mil himaxikoletkalune pejnu pa neru pejnu kananu israel-nerune.

Apocalipse 7:4 ပူးပေါင်းရင်းမြစ်များ

Gênesis 15:5

Waneya maleka raniklu Tsru Hixikatshriwa Hoyakalu Abrão waneya wane htshinru: — Teno pyihatanu, putakyahokanro katahirine, pumukata hitakyahoklexiniplo putakyahokanro. Waneya Hoyakalu wan-tshinru: — Katahiri pejnuplu piklopichane.

Mateus 19:28

Waneya Jesus wla tshina: — Halikaka ntshinhi, ptowruka herotetkoklunuklu papko hyinuwajiniklunupa Jeji Whene towuwle royaknuyma, wale towuwlu pixkalutu nenekanhi hixa nomkahitjenhi hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Lucas 14:22

— Waneya xekoyaka towrertshi wan-tshinru htowutjeru: “Nutsrukate, ptshinyawaka nixatka seyni rixetawa hwikowaka.”

Lucas 22:30

Halikaka himinkanno, himuranno nikjexikowakaya npohirewaxyawaka hwatshri. Hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Atos 26:7

Ptowru nonerunkaka hohi hoyetshno Hoyakalu hichinikanretatshine hiyrun-koxa hkahwakjetluna hyoptoxyawakapluna xye hkojirexikolna. Phuru Agripa, xye kahwakaluru pirana tshinanu judeu-ne jihyehjetno.

Romanos 9:27

Hiyrunu Isaías-ni wla tshinanwakatna israel-nerune, hipokananu wane htshina: “Yáholu hixpotpakhi, ksatuji mar powha hwatshri pejnuphi seyni satkaka tsonu hiwekkakko.

Tiago 1:1

Hita Tiago-no, Hoyakalu hiyrunu Tsru Hixikatshriwa Jesus Cristo towrerno. Nalikna Hoyakalunerune doze xkehkaka ptowru tshijne sreta hipalatatshine.

Apocalipse 14:1

Waneya netatkalu. Carneiro Whene tshinkaluru neta Sião mriji tshinikowak-hoho yopkakatshri. Wale ymalune cento e quarenta e quatro mil yine wale hiwaka hiyrunu Ruru hiwaka himwatshine pejnu. Hijrotna hyonaxikatka.

Apocalipse 14:3

Cento e quarenta e quatro mil yine, pohirtshi tuplawakle sreta, hiwejikalune quatro hiyrunu vinte e quatro tsrukakalune yoptowaka sreta rawna. Herotu chikalu hchikaletna. Halikaka wanna cento e quarenta e quatro yine, tshiji hwakanatatshine hiwejikane tsonuko himukata himatletlu chikaltshi hchikaletanruna.

Apocalipse 7:5

Judá neru ptohi himaxikoletkalune doze mil. Rúben neru ptohi himaxikoletkalune doze mil. Gade neru ptohi himaxikoletkalune doze mil.

Apocalipse 9:16

Soldado-ne pejnu njempiranata, cavalo-ne yapatshine pejnu. Duzentos milhões pejnu himna.