Apocalipse 7:3 - Bíblia

³ Wla htshin-sapleta: — Xako, hi himtukanru tshiji, hi mar powha, hi hochako wimaxikolexinpotukna Woyakalute towrerune hijrotna h-marca-xinpotuko.

Apocalipse 7:3 ပူးပေါင်းရင်းမြစ်များ

Mateus 24:22

Seyni Hoyakalu hma masatkanumkalu salewnikolu papkopa, hikemka hiwekanu. Seyni Hoyakalu nuretanune tshinanu, hmasatanru salewaktshiklu papkopa.

Mateus 24:31

Kowi hima hajpokoklunpatka Hoyakalu yokanatanna htowrene hiwejikalune tenhohne hajene ptowru sretako rapatjexyawakapna Hoyakalu nurrene ptowru sreta tshijne hichpajikatshine.

João 12:26

Satu yineru kamrurewyehixinno, romkahitanno. Waneya hanukta nwanu hita wane koxa rawanu nkamrurewyehitjeru. Ptowru yineru hit-yehi kamrurewaxikatshri pejnu Nuru Hoyakalu kihler-pirana htshinanwakatanru.

João 3:33

Hanuruktako yineru, runkakle halixatshri, rekhipotutlu halikakni Hoyakalu.

Romanos 6:22

Seyni xawakni Hoyakalu kochpakatkahi hektuntshi mtowuxyawakanutkahi. Hiyáhoni hixa kayatatkalu hiwejikaluru hikeklu hohne mnikawnakatupa.

Apocalipse 13:16

Waneya hkamhakjixna yine ptowrunek-yine hijhakalune ho mujhakone ho phurune ho towutachatkalune ho hichotkalune wanna ptowruneka, hpotukle myona ho hijrotna rutak-himaxikolexikolupna.

Apocalipse 13:17

Hiyáhoni hike himukata maronewletanu, hi rumukata hichanrewletanna mitshikananu kmatsyiru himaxikole mimwakane. Rimaxikole waleni kmatsyiru hiwaka ho h-número-te pejnu.

Apocalipse 14:1

Waneya netatkalu. Carneiro Whene tshinkaluru neta Sião mriji tshinikowak-hoho yopkakatshri. Wale ymalune cento e quarenta e quatro mil yine wale hiwaka hiyrunu Ruru hiwaka himwatshine pejnu. Hijrotna hyonaxikatka.

Apocalipse 14:9

Waneya hiwejikaluru Hoyakalu towreru tenhohne hajeru mapa rixinri homkahitna hiwejikalune Hoyakalu towrerune tenhohne hajene hepi kosekatshine. Waneya hipokananu hyanumata, wla htshina: — Katukta kmatsyiru ho kmatsyiru yáholu himalwuta hiyrunu hanurukta himyo ho hijrota, kmatsyiru himaxikole yoptoxikatshri,

Apocalipse 19:2

Klu tshinanu Hoyakalu halikakni, potuka hchinikanru rapnokatlo hektutu kkamhaklero potuko suxo kapoklewaklero, ptowru tshijne himtukatshro tektunu tshinanu. Hoyakalu hiylatlo klu tshinanu tuylajekanatna Hoyakalu towrerune.”

Apocalipse 20:4

Hiyrun-koxa pohirtshi tuplawaklekaka neta. Wane tuplatatshine koxa neta. Towuwlu henekkalune retmayxaklerewaxyawakapna. Hiyrun-koxa yinni hiwejinri neta, kastaknojitkalunni Jesus hiphujexikolu pirana tshinanu hiyrunu Hoyakalu tokanu hinkaklexikolu tshinanu. Nyikaka kmatsyiru hiyrunu kmatsyiru yáhole mkahwakpiratkanni hiyrun-koxa kmatsyiru himaxikole jrottshi hitakkaluru ho myotshi hitakkaluru malukanni wanna. Hiyáhoni nyi yinni Cristo-yma riwekanna hiyrunu hpohirewatanna mil mhale pejnu.

Apocalipse 22:4

Hoyakalu hoji potuko retanna hiyrunu hijrotna Hoyakalu hiwaka yonatko.

Apocalipse 6:6

Waneya tokantshi hima njema hiwejikalune quatro hanikajite hichpajikatshri, wan-tshinatshri: — Pa kilo trigo pahi, pa hohne kamrurtshi wenru psopa hiyrunu mapa kilo cevada pahi, pa hohne kamrurtshi wenru psopa. Halikaka nhihtshiha hiyrunu vinho-ha hi hsaletkakanu.

Apocalipse 7:1

Waneya wane wkatanu netna quatro hiwejikalune Hoyakalu towrene tenhohne hajene, tshiji sreta quatro yopkakatshine, kanniphalu quatro sreta hichpajikatshri himaletatshine. Rimaletluna kanniphalu tshiji hma yapyawakanupa, mar powha koxa, hocha koxa hma yapyawakanupa.

Apocalipse 7:2

Hiyrunu satutnaka hiwejikaluru Hoyakalu towreru tenhohne hajeru neta, tkatshi hichpajyawaka sreta hichpajikatshri, Hoyakalu hiwekatshriko himaxikole hanikamtatshri. Waneya tsru tokanuyma riynumamtna hiwejikalune Hoyakalu towrerune tenhohne hajene quatro, towutlu henekkalune tshiji hiyrunu mar powha rumtujyawakapna.

Apocalipse 9:4

Htshin-towutlexikowakna hi hocha, hi hahmuna, hi satukna pole sureruko tumtujyawakapa seyni yine, Hoyakalu himaxikole jrottshi hitakkaluru mwikane tsonuko hsaletanna halikaka tsetserune.