Apocalipse 7:2 - Bíblia

² Hiyrunu satutnaka hiwejikaluru Hoyakalu towreru tenhohne hajeru neta, tkatshi hichpajyawaka sreta hichpajikatshri, Hoyakalu hiwekatshriko himaxikole hanikamtatshri. Waneya tsru tokanuyma riynumamtna hiwejikalune Hoyakalu towrerune tenhohne hajene quatro, towutlu henekkalune tshiji hiyrunu mar powha rumtujyawakapna.

Apocalipse 7:2 ပူးပေါင်းရင်းမြစ်များ

Mateus 16:16

Waneya Pedro hihita: — Pixni Messias-yi, Hoyakalu hiwekatshri whenyi.

Mateus 26:63

Seyni Jesus potshkecha. Waneya tsru hixikatshriwa sacerdote wan-tshinru: — Ntowutyi Hoyakalu Hiwekatshri hetanuya. Punkakanwu, pixlahe Messias-yi, Hoyakalu Whenyi?

João 6:27

Xako hi hkamrurewatanu nikkaluru himat-nikawnatshri tshinanu. Seyni hkamrurewatanu nikkaluru hikeklu hohne mnikawnakatupa tshinanu. Yineru Whene tshinkalurno xye nikluru hikeklu hohne mnikawnakatupa nenekanhi klu tshinanu Nuru Hoyakalu henekno xye tsru hitakkaluru.

2 Coríntios 1:22

Hoyakalu himaxikolenwu rekhixyawaklu Hoyakalununetkawu. Hoyakalu henekwu waleko Hiwejikaluru waji rawyawakapa, Hoyakalu Hiwejikaluru psojite renekhapkatwu rimaxikowaka pa hohne wiwekkakko psoluyaka.

Efésios 1:13

Wale tshinanu hix-koxa halikak-potukananu tokantshi yijnakotatshinhi, munanhatkalu Cristo, kihle piranalu potuko hiwekkaklewatatshri pirana yijnakotatshinhi. Waneya hixa halixatshinhi rutakamta rimaxikolu Hoyakalu waleko Hiwejikaluru, runkakletleru.

Efésios 4:30

Hi hwamontakanru Hoyakalu Hiwejikaluru. Klu tshinanu Hoyakalu Hiwejikaluru himaxikolexikalunhi. Hoyakalununhi hi ruknokanhi haté rapojinipa hiweklu hohne potuko Hoyakaluyma.

1 Tessalonicenses 1:9

Nyi yine ptowruneka hinkakletlu hix-yehi wwakanaxinri pirana. Kihle yoptole wixikowaka pirana hiyrun-koxa mayawletshichakaka hichoxyawaka pirana, Hoyakalu potu halikakalutu, hiwekatshriko, homkahixyawaka pirana runkakjetna.

2 Timóteo 2:19

Seyni poyehi potuklu Hoyakalu poyehitleru. Xye poyehitlu: “Tsru Hixikatshriwa Cristo himatna walenunetkani.” Hiyrun-koxa satu hima: “Ptowru neruka Tsru Hixikatshriwa Hoyakalu hiwaka kochtshekatshine, hasujinri hektuntshi.”

Hebreus 12:22

Seyni hixa Sião tshinkaluru mrijiko hapokatka hiyrunu Hoyakalu hiwekatshri poktshiko Jerusalém tshinikowaka tenhohne hwatshri poktshi hapokatka hixa. Hiyrunu hiwejikalune Hoyakalu towrene tenhohne hajene hixolune potu yehi hapokatka.

Apocalipse 1:3

Kihle hchinikanurunephi xye yonha hethatatshinepa. Kihle hchinikanurunephi xye hinkaklu pirana hinatshripa pirana hiphujetatshri jematshinepa, xye yonatkaluru pirana homkahitatshinepa, kihle hchinikanurunephi. Klu tshinanu hi howukchini xye ptowruka hix-yehi hakanhini.

Apocalipse 10:1

Waneya satu hiwejikaluru Hoyakalu towreru tenhohne hajeru hixkolu neta. Tenhohne hserpijya. Hohimkohi pixka rixamkaluta. Kchitpo hijiw-hoho hwa. Hihoji tkatshi nikotle pixka rixa hiyrunu hiksuje tshitshmero stsihi pixka rixa.

Apocalipse 10:4

Waneya rali yanumletatka rutlohle tshinyawaka nyinuwaka yonretmaka seyni waneklu potuko tokantshi njema tenhohne hichpajikatshri, wla tshinatshri: — Pihnanutpotutanru tokantshi htshinyawakna sete rutlohle. Hi pyonatanru.

Apocalipse 16:12

Waneya hiwejikaluru Hoyakalu towreru tenhohne hajeru seis rixinri, hipkaklu histono hwatshri tsru wenu Eufrates tshinikowak-hoho. Hiyáhoni wenha hipriha ruhlepokhapoxyawakaplu pohirune tkatshi hichpajyawaka sreta hatnu hapotepa.

Apocalipse 5:2

Hiyrun-koxa netlu satu hiwejikaluru Hoyakalu towreru tenhohne hajeru hixkolu hipokananu saplewatatshri. Wla htshin-sapleta: — Katnihe himukatatshri yonawahlo steno hosture hjimlajixyawakapa, hkopralajyawakaplo?

Apocalipse 8:3

Waneya satu hiwejikaluru Hoyakalu towreru tenhohne hajeru hina. Henekachalu hitajikowaka pajistsi hyopkaka. Ranikamtlu phamlu pahiru stono, ouro kamhikaluru. Hixo phamlu pahiru renekka. Hoyakalu nurrene ralixjene hanjihohnere ptowru potuka, phamlu pahiruyma henekachalu paji hoho, Hoyakalu tuplawakle hinaple hwatshri, ouro kamhikaluru paji hoho rutaklu, henekachlu rixikowakapa.

Apocalipse 9:14

Wla htshinatkalu tokantshi, seis rixinri hiwejikaluru Hoyakalu towreru tenhohne hajeru, kowi himwatshri: — Puchotanna hiwejikalune Hoyakalu towrerune tenhohne hajene, quatro tsru wenu Eufrates wenne tshinikowakastsi hostutkalune.

Apocalipse 9:4

Htshin-towutlexikowakna hi hocha, hi hahmuna, hi satukna pole sureruko tumtujyawakapa seyni yine, Hoyakalu himaxikole jrottshi hitakkaluru mwikane tsonuko hsaletanna halikaka tsetserune.