Apocalipse 6:2 - Bíblia

² Hiyáhoni netatka. Waneya cavalo klatalo neta. Hiyrunu cavalo yapatshri kachritwa hanikamtatka. Waneya phuru sahye renekka. Hiyáhoni hyatka hallirewatatshri, rallirewaxyawakapa.

Apocalipse 6:2 ပူးပေါင်းရင်းမြစ်များ

Mateus 28:18

Waneya Jesus hapyehitna rasruklene waneya wane htshinna: — Hita henekka psol-potuko tsru hitakkaluru tenhohneya tshij-koxa.

1 Coríntios 15:25

Klu tshinanu Cristo hijhalu htowutlewaxyawaka haté ptowruneka hkamnitjene hkatsretanu Hoyakalu.

Apocalipse 11:15

Waneya hiwejikaluru Hoyakalu towreru tenhohne hajeru sete rixinri kowitatka. Waneya tsru himkaka hjemka tenhohneya wla tshinatshri: — Xye tshiji hajeru pohirtshikaka Wutsrukate Hoyakalunpatka hiyrunu hnurreru Cristo-npatkani. Hiyrunu wale pohirewahohnekanatanu hike rixiniko mnikawnakatupa.

Apocalipse 11:18

Xye tshijne hajene malixkane hahnanuwpotuta. Klu tshinanu rapnokaxikolna hohne hapokatka. Hiyrunu hipnatshinni hetmayxaklexikolu papko hapokatka. Rapokpapkoluta ptowrene, ptokanu hinkakletatshine, pnurrene palixjene, phiwaka kahwakpiratatshine, yahmaklu mujhakonni yahmaklu hijhakalun-potu seyni rumlujikolna henekkalunepni. Rapokpapkoluta hnikaxyawakapna yine xye tshijne himtukjetatshine.

Apocalipse 14:14

Waneya netatkalu. Netlu satu hohimkohi klatalu hiyrunu hohimkohi hoho tuplatatshri neta, jeji nikahwaklu. Pohirtshi sahye, ouro kamhikolu, hijiwu hwa hiyrunu hitaklu hamapi hakotasputatshri himyo hkachixya.

Apocalipse 15:2

Waneya netlu tsru mar powha pixkalutu, garrafa phuta kamhikolu, tshitshmeroyma yapjetkaluru. Hiyrun-koxa netna yine, kmatsyiru hiyrunu kmatsyiru yáholu hallitatshine. Kmatsyiru hiwaka número-te hallitatshinekni wanna. Mar powha, garrafa kamhikolu phuta stsi hyopkakakanatna. Harpa-kaka Hoyakalu henejyana htokakanatna.

Apocalipse 17:14

Carneiro Whene tshinkalurumka hkamnitanna seyni rallitanna klu tshinanu wale honukla ptowru tsru hixikatshriwa hitsrukatni wale, Carneiro Whene tshinkaluru. Pohirtshine pohirni wale. Romkahitjene, waleymalunni wanna htomhalenni wanna. Wanna nuretkalune koxa hallitanna. Poyehi halixlerunni wanna.

Apocalipse 19:14

Hiyrunu soldado-ne tenhohne hajene homkahjetlu. Cavalo-ne klatalune hyapna. Mkatshri linho-mta tseyo saxpaleru, klat-powranuru hmakatna.

Apocalipse 3:21

“Hallirewatatshri ntshanixanu rituplatanno npohirewnale tuplawakle, hita hallirewaxinri pixka, Nuru Hoyakalu towuwlu tuplawakle nituplaxyawaklu Nuru Hoyakalu pixka.

Apocalipse 9:7

Tsetserune cavalo-ne yahotkaklu himalpokotkalune pixka rixahotkana. Sahyi ouro kamhikaluru pohirtshi hitakjetanru pixkalutu hwajiwutna. Hihojna yineru hoji pixka rixhojitna.