Apocalipse 6:1 - Bíblia

¹ Waneya netlu carneiro whene jimlakatkalu mitshikananu yonawahlo steno hosture. Waneya njemtokanutlu satu hiwejikaluru tokanu. Tsru tokantshi, rutlohle pixka tshinatshri. Wla htshina: — Puna!

Apocalipse 6:1 ပူးပေါင်းရင်းမြစ်များ

João 1:29

Waneya wale prika João hetlu Jesus. Runamta Jesus João nwaka. Waneya João wan-tshina: — Hetanu hixa, xyekni Hoyakalu carneiro-te. Xyekni xye tshijne hektunu konatshripa.

Atos 4:20

Klu tshinanu hi koxa wumukata wma munkaklexyawakanuplu wale wetanru, wyijnakotanru.

Apocalipse 11:19

Waneya Hoyakalupji tenhohne hwatshri hitpukatka. Wane rexika Hoyakalupji hitokote hwatshri kapajiru Hoyakalu kojiretle pirana hwiywaka paji. Wanekananru rawrakle, tokantshi himkaka, rutlohle, tsru hiyoliklu tshiji, hiyrunu tsru potu sotluji teno hichpajikatshri.

Apocalipse 13:8

Ptowru tshiji hwatshine, katuktako hi khiwaka Carneiro Whene tshinkaluru, hiylatkaluru papel-te stenoya xye tshijne hiyakotkoklunukananuko, hiweklu heneklewatatshri steno mwa hiwakatkatu, himalwutanru kmatsyiru.

Apocalipse 14:2

Waneya satu hima njema tenhohne hichpajikatshri. Tsru hokanu sejire pixka htshinhimata hiyrunu rutlohle hima pixka htshina. Tokantshi hima njemanru hixo harpa tokle pixka htshinhimata.

Apocalipse 19:6

Waneya satu tsru himalu njema, hixolune tokanu nikahwaklu, hatatjewa tsru hokanu njema ho tsru rutlohle hima pixkalutu njema wla tshinatshri: — Himalwutkalurni Hoyakalu! Klu tshinanu Tsru Hixikatshriwa Hoyakalu ptowru himukatatshri towuwata!

Apocalipse 4:8

Nyi quatro hiwejikalune kamejirunni, satkaka hiwejikaluru seis meji rawya. Hix-potu yhaltshi rawyana psol-maneko, maleka sreta hiyrun-koxa hitoko sreta. Hiyrunu psol-hohneko, psol-yetshnoko hi rutuka wla tshinretna: — Potukalni, potukalni, potukalni Tsru Hixikatshriwa Hoyakalu Ptowru Potuko Himukatatshri, mitshikawluru, xawakni hohne hiyrunu hinatshri hohnepa hwatshritka.”

Apocalipse 5:1

Hiyrun-koxa tuplawaka tuplatatshri potukle myo nexyalu satu yonawahlo steno ptowru sretako yonaxikalurutka, hitoko hiyrun-koxa maleka sreta. Sete hosture hwikatshro yonawahlo steno.

Apocalipse 5:12

Tokantshi hipokananuyma wla htshina yanumletna: — Pixa tsonu Himukatatshriyi Carneiro whene tshinkaluru, hiylatkaluru, hyoptoxyawaklu himukatlu, pohirewnalu hyoptoxyawaka, himatkalnutshi hyoptoxyawaka, mixkontshi, kahwakpirlu, halixkowlu, himalwuru, hyoptoxyawaka.”

Apocalipse 5:8

Waneya wan-rixinixka quatro hiwejikalune hiyrunu tsrukakalune vinte e quatro pejnu yoptsojityehitlu Carneiro Whene tshinkalurustsi. Satkaka wanna himwakanatlu tokapikaka hiyrunu kastonolkaka ouro kamhikaluru katseplu phamlu pahiru. Phamlu pahiru yapkakletlu Hoyakalu nurrene ralixjene hanjihohnere pirana.

Apocalipse 6:3

Waneya hepi rixinri yonawahlo steno hosture hjimlakatka. Waneya wan-rixinixka njemtokanutlu hepi rixinri hiwejikaluru tokanu. Wla htshina: — Puna!

Apocalipse 6:5

Waneya mapa rixinri yonawahlo steno hosture hjimlakatka. Waneya wan-rixinixka njemtokanutlu mapa rixinri hiwejikalune tokanu. Wla htshina: — Puna! Waneya netatka. Cavalo ksajiro neta. Cavalo yapatshri himyo ranikamxyalu nijittshi yahotapi.

Apocalipse 6:7

Waneya quatro rixinri yonawahlo steno hosture hjimlajinixka njemtokanutlu quatro rixinri hiwejikaluru. Wla htshina: — Puna!

Apocalipse 8:1

Waneya Carneiro Whene tshinkaluru yonawahlo steno hosture sete rixinri hkotpujinixka, meia hora pchini hetko potshke rixa tenhohneya.