Apocalipse 5:9 - Bíblia

⁹ Waneya herotu chikale hchikaletna. Wla htshina chikaletna: — Pixa tsonu himukatatshriyi pixa yonawahlo steno pyoptoxyawaka hiyrunu sete hosture pjimlajyawakapa, pkotpujyawakaplo. Klu tshinanu hiylatkaluryi, pihraha hiyokkaluruyma panjitna yine Hoyakalu tshinanupa, ptowru neruko tshinanu, ptowru nru tshinanuko, ptowru yineru kakojeru tshinanu, ptowru tshijne hajene tshinan-koxa.

Apocalipse 5:9 ပူးပေါင်းရင်းမြစ်များ

Mateus 20:28

Waneko pixka rixa Jeji Whene. Jeji Whene hi hina repixikowakapa, seyni runa repixyawakapna yine, riwejinri renejyawakapa, hixolune yine majnákonu hwenuxyawakapa.

Mateus 26:28

Twu copa stonha nunkakletleru, waleni herotu nohraha piranni. Xye nohraha hixolune yine tshinanu hiyokkalurupa hektuntshi hiknojikowakapa tshinanu.

Atos 20:28

Hislahinwa. Hislahan-koxna pimrine Hoyakalu Hiwejikaluru henejyahi hislahiywakna. Carneiro-ne hinotatshine pixka hixanna Hoyakalu halixatshine hapatjetatshine, hanjitkalunetka Hoyakalu whene hipnaleya.

1 Coríntios 6:20

Klu tshinanu kwenuru hanjixikalunhi. Hiyáhoni Hoyakalu himalwutanu himaneyma.

1 Coríntios 7:23

Hixa kwenuru hanjixikalunhi. Hi yine towutanunephi.

Efésios 1:7

Wuchinikanretjeru Jesus hiwekkakwu waleko hihraha tshinanu rupnale tshinanu. Rupnale hiknokatkalu wektunu, Hoyakalu hihlenu henekachale tsrur-potuko tshinanu.

Efésios 5:19

Hiynumsakakanu Hoyakalu tokanu chikaleya, himalwuru chikaleya, pimrikaka chikaltshi Hoyakalu Hiwejikaluruya. Himalwutanru Wutsrukate Cristo, himalwutanru hihchinikanuya.

Colossenses 1:14

Jesus hraha tshinanu wkachikanatjeru yehi wuchoxikatka hiyrun-koxa walekni wektunu hamtakahchinikankakatshri.

Colossenses 1:23

Halikakni hixa halixle hijhalu poyehiru hoho rutajikowaka, hma kowchojikowakanupa hixa halixle. Hi hitneprikkajinwa kahwakachaluya kihle piranalu potuko hiwekkaklewatatshri pirana hyijnakotanrutka xye tshijne psoluka yapiranatatshrini. Hitni Paulo-no xye pirana jinkakletaklerno.

Tito 2:14

Renejnawa hixa repixyawakapa. Wan-rixa hkochpajyawakapwu ptowru jikolukanuruya ruhlexyawakapwu waleko rayinetene wixyawakapa, jmererunepwu kihleru kamhalu tshinanupa.

Hebreus 11:14

Klu tshinanu xye pirana pixka tshinatshine rekhixnawana ruchinikanretler-potnina pa tshijneko.

2 Pedro 2:1

Seyni waneklu papko rawakanatna hixacha hasruklewletatshine yine tskala. Hixa tskala koxa rawanutnakna hixacha hasruklewletatshine. Yohimawaka himtuklewatatshri pirana rasruklewaxinna hixa tskalaya. Haté Tsru Hixikatshriwa Jesus, Hiwekkaklewatatshri mixkatu htshinanruna, Jesus hanjirenemkatkani seyni wane htshinanwakatluna. Hiyáhoni chinpotukawa rapnokatkona wannako htshinanna.

1 João 1:7

Katawaka wyaniniklunu wale pixka, hixa hatajnutatshinepwu pa hchinikanurukakatshinepwu hiyrunu Hituru Jesus hraha powratjetwu ptowru hektuntshi tshinanu.

1 João 2:2

Jesus Cristo tshinanukni wektunu hiknokka, hi hixa wektunu tsonu tshinanu seyni psol-tshijne hajenenni hektunu tshinan-koxa.

Apocalipse 10:11

Waneya wla htshinatkanona: — Pujhalu punkaklexyawakatnaklu Hoyakalu tokanu hixolune tshijne hajene yehi, kakojenerurune yehi, kakojeru nrutshi yehi hiyrunu pohirtshine yehi.

Apocalipse 11:9

Ptowru tshijne hajene, pa nerkaka, pa nrukaka yanumaxikatshine, ptowru hixatshri neru hetamanetanna map-hohne hanikaji. Hi ritshi kapnatko manetkana.

Apocalipse 13:7

Himukatlu renekka Hoyakalu nurrene ralixjene hkamnixyawakapa, rallixyawakapna. Hiyrunu towuwlu renekka ptowru nerune, ptowru nrukaka yanumatatshine hiyrunu ptowru tshijne hajene htowuxyawakapa.

Apocalipse 13:8

Ptowru tshiji hwatshine, katuktako hi khiwaka Carneiro Whene tshinkaluru, hiylatkaluru papel-te stenoya xye tshijne hiyakotkoklunukananuko, hiweklu heneklewatatshri steno mwa hiwakatkatu, himalwutanru kmatsyiru.

Apocalipse 14:6

Waneya satu hiwejikaluru Hoyakalu towreru tenhohne hajeru neta tenhohne palnikatshri. Kihle piranalu potuko hiwekkaklewatatshri pirana hike rixiniko mnikawnakatupa pirana hiphujetatshrini wale. Ptowru tshijne hajeru tshinanupa, ptowru nerkaka tshinanupa, ptowru yineru ptohkaka tshinanupa, ptowru nrukaka tshinanupa hiyrunu ptowru yin-yehi tshinanupa.

Apocalipse 15:3

Hchikaletluna Moisés-ni, Tsru Hixikatshriwa Hoyakalu towreru chikale hiyrunu Carneiro Whene tshinkaluru chikale. Wla htshina chikaletna: — Tsru Hixikatshriwa Hoyakalu ptowru potuko himukatatshriyi. Pkamrure pkamhaleru tsru potkakni hiyrunu himyekaklewatatshrini! Ptowru tshijne hajeneko pohirtshine ppohityi pixa. Pkamrure pnurexnawa, halikakalutni, potukal-potuko!

Apocalipse 17:15

Hiyrun-koxa Hoyakalu towreru tenhohne hajeru wla htshinno: — Honha petanru kapoklewaklero tuplaxyawaka, yine hixolunkaka, kakoje neruru hiyrunu pa nrukaka yanumaxikatshine hyapkaka.

Apocalipse 4:11

— Tsru Hixikatshriwa Hoyakalu, pumukata yoptoletlu hoyaknutshi, kahwakpirlu hiyrunu hiyaklu klu tshinanu ptowru potuko hiyakotatshriyi. Pixako palujyawaka tshinanu rawa hiyrunu hiyakotkalurutkani.”

Apocalipse 5:12

Tokantshi hipokananuyma wla htshina yanumletna: — Pixa tsonu Himukatatshriyi Carneiro whene tshinkaluru, hiylatkaluru, hyoptoxyawaklu himukatlu, pohirewnalu hyoptoxyawaka, himatkalnutshi hyoptoxyawaka, mixkontshi, kahwakpirlu, halixkowlu, himalwuru, hyoptoxyawaka.”

Apocalipse 5:6

Halikakni, tuplawaka hanikajite, quatro hiwejikalune hanikajite hiyrun-koxa tsrukakalune hanikajite, nexyalu Carneiro whene tshinkaluru, yopkakatshri. Carneiro-ni hiylatkaluru pixka rixa. Sete hwalu hiyrunu sete yhal-koxlu. Sete yhaltshi yapkakletlu sete hiwejikalune Hoyakalunune, hyokanatanune tshiji ptowruka hyapyawakapna.