Apocalipse 5:5 - Bíblia

⁵ Waneya satu tsrukakalu wla tshinno: — Hi ptshiyahatanu. Hetanu! Leão tshinkaluru Judá neru klopicha, phuru Davi Klopicha tshinkaluru rekhixnawa himukatatshri rixyawaka yonawahlo steno sete hosture hjimlajixyawakapa hkotpujyawakaplo.

Apocalipse 5:5 ပူးပေါင်းရင်းမြစ်များ

Lucas 23:28

Waneya Jesus hiprotakyehitna suxone. Waneya wane htshinna: — Jerusalém poktshi hajerone hi hitshiyahatanno hita. Seyni halikaka htshiyahatanu hixako htshinanu hiyrun-koxa hixako hwuhenene tshinanu.

Lucas 7:13

Tsru Hixikatshriwa Jesus hexinixkalo, retwamonpotutlo. Waneya wane htshinatkalo: — Hi ptshiyahatanu.

Lucas 8:52

Wane pchinika ptowru yineru tshiyahata hsaplewjepotutna mturo pohwaka tshinanu. Seyni Jesus wan-tshinatkana: — Hituk-tshiyahletanutka. Mturo hi tupna seyni tumkachata.

João 20:13

Waneya repomhalona: — Suxo, kluhe pitshiyahjeta? Waneya tuhita, wla ttshinna: — Klu tshinanu hanukta ranikanruna Nutsrukatni, hi nimata hanukta rutakanatkaluna.

Romanos 1:3

Xye yonatkaluru hinkakletlu Wutsrukate, Jesus Cristo, Hoyakalu whene. Himane Davi klopichani.

Romanos 15:12

Hiyrunuko Isaías-ni wan-tshinni: “Runinipa satu Jessé klopicha hajerupa runanu judeu mixkane htowuxyawakapa. Hiyrunu wanna kahwaklerupni wale.”

Hebreus 7:14

Klu tshinanu himatpotutkalurni Judá klopichni Wutsrukate Jesus. Hiyrunu Moisés sacerdote pirana htshinini mitshi hi xye Judá-nerune tshinanni.

Apocalipse 1:1

Twu steno raw-yonhata Jesus Cristo hixyawakapa pirana. Hoyakalu yokanatlu xye pirana ruphujexyawakapa rekhixyawakapna htowrene howukchini mapokatpatka pirana. Cristo yokanatlu htowreru hiwejikaluru tenhohne hajeru xyekaka pirana rimatkajyawakaplu htowreru, João tshinkaluru.

Apocalipse 22:16

— Hita, Jesus-no yokanatlu ntowreru hiwejikaluru tenhohne hajeru ruphujexyawakaplu xyekaka pirana hixa Cristo tshinanu hapatjetatshinkakhi tshinanu. Hitni pohiru Davi-ni klopichno. Hitni hohisahi hatawnatshrino.

Apocalipse 3:21

“Hallirewatatshri ntshanixanu rituplatanno npohirewnale tuplawakle, hita hallirewaxinri pixka, Nuru Hoyakalu towuwlu tuplawakle nituplaxyawaklu Nuru Hoyakalu pixka.

Apocalipse 4:10

waneya tsrukakalune vinte e quatro pejnu yoptsojityehitlu htuplawakle tuplatatshri hoji sreta hiwekhohnekanatatshri hike rixiniko mnikawnakatu yehi waneya rimalwutluna. Waneya hsahyena, ouro kamhikolu, tuplawaka hinaple rutspakna. Wla tshinatshine,

Apocalipse 4:4

Tuplawaka tnumne vinte e quatro tuplawakkaka hwatka. Hiyrun-koxa netna vinte e quatro tsrukakalune tuplatatshine klat-powalune. Hsahyena ouro kamhikaluru hsahyetna.

Apocalipse 5:4

Hiyáhoni ntshiyahpotutatka klu tshinanu hi rawa himukata yonawahlo steno kopralakletatshri, rethaxyawakaplo. Hiyrun-koxa hike himukata yopukhaletlo.

Apocalipse 6:1

Waneya netlu carneiro whene jimlakatkalu mitshikananu yonawahlo steno hosture. Waneya njemtokanutlu satu hiwejikaluru tokanu. Tsru tokantshi, rutlohle pixka tshinatshri. Wla htshina: — Puna!

Apocalipse 7:13

Waneya satu wanna tsrukakalune wla tshinno: — Katnihe nyi mkatshri klatalu hopowalu makatatshine? Hanhe ruchpajyana?