Apocalipse 5:12 - Bíblia

¹² Tokantshi hipokananuyma wla htshina yanumletna: — Pixa tsonu Himukatatshriyi Carneiro whene tshinkaluru, hiylatkaluru, hyoptoxyawaklu himukatlu, pohirewnalu hyoptoxyawaka, himatkalnutshi hyoptoxyawaka, mixkontshi, kahwakpirlu, halixkowlu, himalwuru, hyoptoxyawaka.”

Apocalipse 5:12 ပူးပေါင်းရင်းမြစ်များ

Mateus 28:18

Waneya Jesus hapyehitna rasruklene waneya wane htshinna: — Hita henekka psol-potuko tsru hitakkaluru tenhohneya tshij-koxa.

João 1:29

Waneya wale prika João hetlu Jesus. Runamta Jesus João nwaka. Waneya João wan-tshina: — Hetanu hixa, xyekni Hoyakalu carneiro-te. Xyekni xye tshijne hektunu konatshripa.

João 17:2

Peneklu towuwlu ptowru yineru htowuxyawaka, hiweklu hike rixiniko mnikawnakatuko renejyawakapna yine ptowruneka penejyatkalu.

2 Coríntios 8:9

Klu tshinanu hixa himatpiranatlu Wutsrukate Jesus Cristo hihlenu henekachalewle pirana. Phurukananni Cristo seyni hixa tshinanu hike mwikatutkani, hike hmimwalnutka pohirewkakatkahi hixa.

1 Timóteo 1:17

Ptowru potuko yokanatatshri, ptowru hohneko hwatshri, hikeklu hohne mnikawnakatu, metkotu, Hoyakalu satupkalutu tshinanu kahwakpirhohnekanatkalurupni, himalwuhohnekanatkalurupni psol-hohne potukananuko! Seyoka.

Apocalipse 1:6

Hiyrunu ruyakotwu sacerdote-ne neru wixyawaka Ruru, Royakalute kamrure wkamhiywakapa. Hiyáhoni Jesus Cristo renejikowaka ptowru hoyaknutshi hiyrunu ptowru towuwlu ptowru hohne mnikawnakatupa. Amém.

Apocalipse 13:8

Ptowru tshiji hwatshine, katuktako hi khiwaka Carneiro Whene tshinkaluru, hiylatkaluru papel-te stenoya xye tshijne hiyakotkoklunukananuko, hiweklu heneklewatatshri steno mwa hiwakatkatu, himalwutanru kmatsyiru.

Apocalipse 15:3

Hchikaletluna Moisés-ni, Tsru Hixikatshriwa Hoyakalu towreru chikale hiyrunu Carneiro Whene tshinkaluru chikale. Wla htshina chikaletna: — Tsru Hixikatshriwa Hoyakalu ptowru potuko himukatatshriyi. Pkamrure pkamhaleru tsru potkakni hiyrunu himyekaklewatatshrini! Ptowru tshijne hajeneko pohirtshine ppohityi pixa. Pkamrure pnurexnawa, halikakalutni, potukal-potuko!

Apocalipse 19:1

Waneya wane wkatanu tsru himalu, hixolune tokanu hetko njema. Wla tshinatshine: — Himalwutkalurni Hoyakalu! Hiwekkakalurni Hoyakalu! Wuphujetanru Hoyakalu royaknu tshinanu hiyrunu rumukatle tshinanu!

Apocalipse 4:11

— Tsru Hixikatshriwa Hoyakalu, pumukata yoptoletlu hoyaknutshi, kahwakpirlu hiyrunu hiyaklu klu tshinanu ptowru potuko hiyakotatshriyi. Pixako palujyawaka tshinanu rawa hiyrunu hiyakotkalurutkani.”

Apocalipse 5:13

Waneya ptowru hiyakotkaluru tenhohne hajeru, tshiji hajeru, tshiji hitokote hajeru, mar powha hwatshri hiyrunu ptowruka wane hajerkaka, njema wla tshinretna: — Himalwuru, kahwakpirlu, hoyaknutshi hiyrunu himukatlu, pohirtshi tuplawakle tuplatatshri tshinanupa hiyrun-koxa Carneiro whene tshinkaluru tshinanupa rixhohnekanaxyawakapni hike rixiniko mnikawnakatupa.”

Apocalipse 5:6

Halikakni, tuplawaka hanikajite, quatro hiwejikalune hanikajite hiyrun-koxa tsrukakalune hanikajite, nexyalu Carneiro whene tshinkaluru, yopkakatshri. Carneiro-ni hiylatkaluru pixka rixa. Sete hwalu hiyrunu sete yhal-koxlu. Sete yhaltshi yapkakletlu sete hiwejikalune Hoyakalunune, hyokanatanune tshiji ptowruka hyapyawakapna.

Apocalipse 5:8

Waneya wan-rixinixka quatro hiwejikalune hiyrunu tsrukakalune vinte e quatro pejnu yoptsojityehitlu Carneiro Whene tshinkalurustsi. Satkaka wanna himwakanatlu tokapikaka hiyrunu kastonolkaka ouro kamhikaluru katseplu phamlu pahiru. Phamlu pahiru yapkakletlu Hoyakalu nurrene ralixjene hanjihohnere pirana.

Apocalipse 5:9

Waneya herotu chikale hchikaletna. Wla htshina chikaletna: — Pixa tsonu himukatatshriyi pixa yonawahlo steno pyoptoxyawaka hiyrunu sete hosture pjimlajyawakapa, pkotpujyawakaplo. Klu tshinanu hiylatkaluryi, pihraha hiyokkaluruyma panjitna yine Hoyakalu tshinanupa, ptowru neruko tshinanu, ptowru nru tshinanuko, ptowru yineru kakojeru tshinanu, ptowru tshijne hajene tshinan-koxa.

Apocalipse 6:1

Waneya netlu carneiro whene jimlakatkalu mitshikananu yonawahlo steno hosture. Waneya njemtokanutlu satu hiwejikaluru tokanu. Tsru tokantshi, rutlohle pixka tshinatshri. Wla htshina: — Puna!

Apocalipse 7:12

Wla htshinatkana: — Amém! Hoyakalunupni hihlewahchinikanru, hoyaknutshi, himatkalnutshi, himalwuru, kahwakpirlu, himukatlu, pixkontshi hike rixiniko mnikawnakatupa. Amém.